完整藏文原文 · 德格版页 当前仅加载第 69 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རི་བོ་སྣ་ཚོགས་དང་། ཆུ་བོ་དང་། པད་མའི་ཚལ་དང་། ཨུད་པལ་དང་། མེ་ཏོག་དང་། འབྲས་བུའི་སྐྱེད་མོས་ཚལ་སྣ་ཚོགས་དག་ན་ནི་གནས། བགོ་བ་དང་། མལ་ཆ་དང་། སྒེག་པའི་ཚལ་སྣ་ཚོགས་ན་ནི་སྤྱོད། ག་ཞའི་གཏམ་བརྗོད་ཅིང་འདུ་འཛི་
D287.069.0084b01.01ལ་དགའ་ལ། ཤིན་ཏུ་ཆགས་པའི་སེམས་སྣ་ཚོགས་ཀྱིས་ནི་འཚོ། རྟོག་པས་བསྐྱེད་པ་ལ་དགའ་ཞིང་། བློ་རྣམ་པར་ཆགས་པ་རབ་ཏུ་མྱོས་པ་ཡིན་ཏེ། དེ་ལྟར་ལས་སྣ་ཚོགས་བྱས་ནས་རྒྱུ་སྣ་ཚོགས་བྱེད་པ་དེ་ཚལ་སྣ་ཚོགས་རྣམས་སུ་བདེ་བ་སྣ་ཚོགས་དག་མྱོང་བར་བྱེད་དོ། །
D287.069.0084b02.01དེ་ནས་དགེ་སློང་དེ་ཤིན་ཏུ་དགའ་ནས་འདི་ལྟར་ཚིགས་སུ་བཅད་དེ་སྨྲས་པ། རི་མོ་མཁན་གྱི་རི་མོ་རྣམས། །དེ་ནི་སྣ་ཚོགས་འདྲི་མ་ཡིན། །གང་ཞིག་ལས་ཀྱི་རི་མོ་མཁན། །མཐོ་རིས་སུ་ནི་མང་དུ་འདྲི། །ཚོན་རྩིས་བྲིས་པ་བྲིས་མི་འགྱུར། །དེ་ནི་བགྲང་བར་གྲངས་ཡོད་ཀྱི། །
D287.069.0084b03.01ལས་ཀྱིས་བྲིས་པ་གྲངས་མེད་དེ། །དེ་ནི་སེམས་ཀྱིས་འདྲི་བར་བྱེད། །རྩིག་པ་ཞིག་ན་ངེས་པར་ཡང་། །རི་མོ་མ་ལུས་འཇིག་པར་འགྱུར། །ལས་ཀྱིས་བྲིས་པ་ལུས་ཞིག་ཀྱང་། །འཇིག་པ་ཉིད་དུ་མི་འགྱུར་རོ། །ཇི་ལྟར་རི་མོ་མཁན་གཅིག་ཅིག །རི་མོ་སྣ་ཚོགས་
D287.069.0084b04.01འདྲི་བ་དག །དེ་བཞིན་སེམས་ནི་གཅིག་པུ་ཡིས། །ལས་རྣམས་སྣ་ཚོགས་བྱེད་པར་འགྱུར། །ཇི་ལྟར་ཚོན་རྩི་གསལ་བ་ལྔས། །བྲིས་པ་སྣང་ལ་སྟོད་པར་བྱེད། །དེ་ལྟར་དབང་པོ་ལྔ་རྣམས་ཀྱི། །ལས་ཀྱིས་འཁོར་བར་འཁོར་བར་འདྲི། །རི་མོ་མཁན་གྱི་མི་དག་ནི། །
D287.069.0084b05.01དུ་མ་དག་ཏུ་སྣང་འགྱུར་གྱི། །རི་མོ་མཁན་དེ་སེམས་ཕྲ་བས། །ཐམས་ཅད་དུ་ནི་མི་མཐོང་ངོ་། །རི་མོ་ལེགས་ཤིང་ལེགས་པ་དག །ཇི་ལྟར་རྩིག་ངོས་རྣམས་ལ་འདྲི། །ལས་རྣམས་ལེགས་ཤིང་ལེགས་པ་དག །དེ་ལྟར་སེམས་ལ་འདྲི་བར་བྱེད། །ཇི་ལྟར་ཉིན་དང་
D287.069.0084b06.01མཚན་རྣམས་སུ། །སེམས་རྒྱུན་འབྱུང་ལ་སེམས་གནས་འགྱུར། །དེ་ལྟར་ཉིན་དང་མཚན་རྣམས་སུ། །དེ་བཞིན་ལས་ཀྱི་རྗེས་སུ་འཇུག །ཇི་ལྟར་རླུང་དང་དུད་པ་རྡུལ། །གདུང་བ་རྣམས་ཀྱིས་རི་མོ་འཇིག །དེ་ལྟར་དགེ་དང་མི་དགེ་བ། །སྤངས་ན་ལས་ཀྱི་རི་
D287.069.0084b07.01