完整藏文原文 · 德格版页 当前仅加载第 69 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་ནི་འདི་ལྟར་ལྷ་མ་ཡིན་གྱི་དབང་པོ་ཐགས་{བཟངས་,བཟང་}རིས་སའི་འོག་ནས་བྱུང་ངོ་སྙམ་ནས། ཡིད་དམན་པར་གྱུར་ཏེ། འབྲུག་སྒྲ་མི་སྒྲོགས། གསེར་གྱི་རི་བོ་དྲུག་ཁྲི་རི་རབ་དང་བཅས་པ་གང་ཡིན་
D287.069.0041a01.01པ་དེ་དག་ཐམས་ཅད་ཀྱང་གཡོ་བར་བགྱིད། འབྱུང་པོ་ཐམས་ཅད་ཀྱང་སྒྱིད་ལུག་པར་གྱུར་ནས། ཕྲེང་ཐོགས་དང་། རྟག་ཏུ་མྱོས་གནས་དང་། ལག་ན་ཡོལ་གོ་ཐོགས་པ་དང་། པི་བང་ཅན་གསུམ་པ་ཤིན་ཏུ་སྒྱིད་ལུག་པ་རྣམས་ཀྱིས་བདག་ལྷའི་དབང་པོའི་དྲུང་
D287.069.0041a02.01དུ་མངགས་པ་ལགས་ན། ལྷ་ལན་དུ་བགྱི་བ་གང་ལགས་པ་དེ་བསྒྲུབ་ཏུ་གསོལ། འདི་ལྟར་བདག་ཅག་རྣམས་ཀྱིས་ནི་གནས་གསུམ་དུ་གཏོགས་པའི་ལྷ་མ་ཡིན་གྱི་དབང་པོ་གསུམ་པོ་མེ་ཏོག་ཕྲེང་དང་། སྒྲ་གཅན་དང་། བརྟན་པ་དག་གཡུལ་དུ་ལན་བརྒྱ་
D287.069.0041a03.01འམ་སྟོང་དུ་ཐུབ་ལགས་སོ། །འཇིག་རྟེན་སྐྱོང་བ་རྣམས་ལས་དེ་སྐད་ཐོས་ནས། ལྷའི་དབང་པོས་དེ་དག་ལ་སྨྲས་པ། འཇིག་རྟེན་སྐྱོང་བ་རྣམས་འདི་དག་ཐམས་ཅད་ཇི་ལྟ་བ་བཞིན་བདག་གིས་རིག་སྟེ། འདི་ལྟར་རབ་དགོད་དང་ཐགས་{བཟངས་,བཟང་}རིས་དག་ཆས་པའི་
D287.069.0041a04.01ཕྱིར་བདག་ཀྱང་དེ་དག་ཆད་པས་གཅད་པ་དང་། ལྷ་དེ་རྣམས་ཀྱི་སྐྱབས་དང་དཔུང་བྱ་བའི་ཕྱིར་འདི་ལྟར་བདག་འགྲོ་བར་བྱའོ། །བདག་ནི་ཆོས་ཀྱི་སྐྱབས། ཆོས་ཀྱི་དཔུང་གཉེན། ཆོས་ཀྱི་རྟེན། ཆོས་ཀྱི་རྒྱལ་མཚན། ཆོས་ཚོལ་བ་ཡིན་ཏེ། བདག་ནི་ཆོས་མ་ཡིན་
D287.069.0041a05.01པ་ལ་མི་དགའ་ལ། ཆོས་མ་ཡིན་པ་ལ་ཡིད་ཀྱང་མི་འཇུག་གོ། །དེ་ལྟར་བདག་ཅག་ཡོན་ཏན་དེ་ལྟ་བུ་དང་ལྡན་པ་རྣམས་ལ་ནམས་ཀྱང་ཐུབ་པར་མི་འགྱུར་གྱིས། དེ་དག་ལ་མ་འཇིགས་ཤིག་མ་འཇིགས་ཤིག །བདག་ཀྱང་དཔུང་གི་ཚོགས་རབ་ཏུ་མང་པོས་ལྷ་མ་ཡིན་ག་
D287.069.0041a06.01ལ་བ་དེར་འགྲོ་བར་བྱ་ཡིས། དེ་དག་ལ་འཇིགས་པར་མ་བྱེད་ཅིག །འཛམ་བུའི་གླིང་ན་ད་དུང་དུ་མར་འཛིན་པ་དང་། ཕར་འཛིན་པ་དང་། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པ་དང་། བྱས་པ་གཟོ་བ་དང་། ཆོས་དང་ལྡན་ཞིང་ཆོས་སྐྱོང་བ་དང་། དམ་པའི་
D287.069.0041a07.01