完整藏文原文 · 德格版页 当前仅加载第 69 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱན་པའི་འོད་དང་། ཚལ་དངུལ་གྱིས་བརྒྱན་པའི་འོད་གང་ཡིན་པའི་འོད་གཉིས་པོ་དེ་དག་ཕན་ཚུན་འཁྲིལ་བ་ལྟ་བུར་འབྱུང་ཞིང་འོད་དག་གིས་ནམ་མཁའ་བརྒྱན་པ་ལྟ་བུར་ཡང་འབྱུང་ངོ་། །བརྒྱ་བྱིན་དེ་ཡང་ཡིད་རབ་ཏུ་དགའ་ལ། ལྷ་མོ་དེ་དག་སོ་སོའི་གླུ་ཤིན་ཏུ་སྙན་ཅིང་སྙོམས་པ་ལེན་
D287.069.0116b01.01ཏེ། སིལ་སྙན་ཡན་ལག་ལྔ་དང་ལྡན་པ་ཕྱད་པར་བྱེད་དོ། །ཤིང་རྟ་བརྒྱད་ཁྲི་བཞི་སྟོང་དང་། དེ་བཞིན་དུ་གླང་པོ་ཆེ་བརྒྱད་ཁྲི་བཞི་སྟོང་རྣམས་ཀྱང་སྔ་མ་བཞིན་ཏེ། ནོར་བུ་དང་། དྲིལ་བུ་གཡེར་ཀ་དང་། གླིང་བུའི་སྒྲ་རྣམས་ཐོས་ནས། ལྷ་མོ་སྟོང་ཕྲག་དུ་མ་རྣམས་ཀྱིས་བསྟོད་ཅིང་
D287.069.0116b02.01ལྷ་མོ་འབུམ་ཕྲག་དགུ་བཅུ་རྩ་དགུས་ཡོངས་སུ་བསྐོར་བ་ཡིན་ཏེ། སུམ་ཅུ་རྩ་གསུམ་གྱི་དབང་ཕྱུག་གི་ལུས་དང་སེམས་ཀྱི་བདེ་བ་གང་ཡིན་པ་དེ་ནི་དཔེ་བྱ་བར་སླ་བ་མ་ཡིན་ནོ། །དེ་ཅིའི་ཕྱིར་ཞེ་ན། སུམ་ཅུ་རྩ་གསུམ་གྱི་དབང་ཕྱུག་གི་ལྷའི་གནས་པ་དང་། ཁ་ཟས་ཀྱི་བདེ་བ་དེ་ནི་གཞན་
D287.069.0116b03.01དང་མི་འདྲའོ། །དེ་ནས་ལྷའི་དབང་པོ་བརྒྱ་བྱིན་ལྷའི་འདོད་པའི་ཡོན་ཏན་ལྔ་འབྱོར་པ་དངུལ་གྱི་ཚལ་དེའི་ནང་དུ་ཞུགས་ནས། ལྷའི་ཚོགས་དང་ལྷ་མོའི་ཚོགས་ཐམས་ཅད་དང་བཅས་པ་ཡུན་རིང་དུ་རྩེ་བར་བྱེད། ཡོངས་སུ་སྤྱོད་པར་བྱེད་དེ། ཡུལ་གྱི་བདེ་བ་དེས་མཆོག་ཏུ་བདེའོ། །
D287.069.0116b04.01དེ་ནས་ཡང་ལྷའི་དབང་པོ་བརྒྱ་བྱིན་རྩེ་ཞིང་གནས་པའི་དོན་དུ་ཡང་ལྷ་མོའི་ཚོགས་ཐམས་ཅད་དང་། ཤིང་རྟ་དང་། གླང་པོ་ཆེ་རྣམས་དང་བཅས་པ་སྔ་མ་བཞིན་ཚལ་དེ་ག་ལ་བ་དེར་འདོང་ངོ་། །དེར་ཕྱིན་ནས་གསེར་གྱི་ཚལ་གཉིས་པ་གསེར་བཙོ་མའི་ཁ་དོག་ལྟ་བུ་དང་དེ་བཞིན་དུ་འབྲས་
D287.069.0116b05.01བུ་རྣམས་ཀྱིས་མཛེས་པར་བྱས་པ་མཐོང་ངོ་། །མི་ལྔའི་ཞེང་གི་ཚད་ཙམ་གྱི་འབྲས་བུ་རོ་སྦྲང་རྩི་ལྟར་མངར་ལ་དྲིའི་རྣམ་པ་ཕུན་སུམ་ཚོགས་པའི་འབྲས་བུ་དེ་གང་ཟོས་ན། ཤིན་ཏུ་དྲེགས་པ་སྐྱེ་བར་འགྱུར་བ་མཐོང་ནས་ཡལ་ག་བཀུག་སྟེ་འབྲས་བུ་དེ་དག་གླང་པོ་ཆེ་རྣམས་ཀྱིས་ཟ་བར་
D287.069.0116b06.01བྱེད་དོ། །དེ་ནས་འབྲས་བུ་ཟོས་པའི་གླང་པོ་ཆེ་དེ་དག་མྱོས་ཏེ་འགྱིང་ཞིང་འགྲོ་བ་རྣམས། ཇི་ལྟར་ལྷ་རྣམས་ཀྱང་། ཀྱེ་ཨེ་མ་གླང་པོ་ཆེ་མྱོས་ཤིང་འགྱིང་ལ་འགྲོ་བ་རྣམས་འབྲས་བུའི་རོ་ཐམས་ཅད་ཟོས་ནས་མྱོས་ཏེ། རབ་ཏུ་གར་བྱེད་པ་ངོ་མཚར་དུ་བྱེད་པ་དེ་ལྟར་སིལ་སྙན་གྱི་སྒྲ་དེས་ལྷན་ཅིག་
D287.069.0116b07.01