完整藏文原文 · 德格版页 当前仅加载第 69 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པས་ཕྲོགས་པའི་སེམས་ཀྱིས་གཟུགས་བཟང་པོའམ། གཟུགས་ངན་པའམ། ནག་པོའམ། དཀར་པོའམ། དམར་པོའམ། རིང་པོའམ། ཐུང་ངུའམ། གྲུ་བཞིའམ། ཟླུམ་པོ་དག་གི་དེ་ཁོ་ན་ཉིད་ཁོང་དུ་མི་ཆུད་དོ། །དེ་བཞིན་དུ་བག་མེད་པས་ཕྲོགས་པའི་བློས།
D287.069.0242b01.01འཇིག་རྟེན་པའི་དེ་ཁོ་ན་ཉིད་ཀྱང་ཁོང་དུ་མི་ཆུད་ལ། བག་མེད་པས་ཕྲོགས་པའི་བློས་འཇིག་རྟེན་ལས་འདས་པའི་ཡང་ཁོང་དུ་མི་ཆུད་དོ། །དེ་བཞིན་དུ་བག་མེད་པས་ཕྲོགས་པའི་བློས་གཟུགས་དེ་ཉིད་མཐོང་ནས་ཇི་ལྟ་བ་བཞིན་ཁོང་དུ་མི་ཆུད་ལ། ལུས་ལ་ལུས་ཀྱི་རྗེས་སུ་ལྟ་བར་
D287.069.0242b02.01ཡང་མི་འགྱུར་རོ། །འཕགས་པའི་བདེན་པ་བཞི་ལ་མངོན་པར་ཞུགས་པའི་ཡིད་ཀྱིས་གཟུགས་དེ་ལ་དཔྱོད་པར་མི་བྱེད། དེ་ཁོ་ན་ཚོལ་བར་མི་བྱེད་དོ། །དེ་བཞིན་དུ་བག་མེད་པས་འཇིག་རྟེན་པའི་དོན་ཡང་མི་མཐོང་ལ། འཇིག་རྟེན་ལས་འདས་པ་ཡང་མི་མཐོང་ངོ་། །ཡང་དེ་
D287.069.0242b03.01བཞིན་དུ་དེ་བག་མེད་པས་ཕྲོགས་པའི་བློས་རྣ་བས་སྒྲ་ཐོས་ཀྱང་། གླུ་བླངས་པའམ། སྨྲས་པ་འདིའི་དོན་གང་ཡིན་པའམ། རང་གི་དོན་ནམ། དོན་མེད་པ་མི་ཤེས་ཏེ། དེ་ལྟར་འཇིག་རྟེན་པའི་དོན་མི་ཤེས་སོ། །ཆོས་མདོའི་སྡེ་དང་། ཚིགས་སུ་བཅད་པའི་སྡེ་དང་། དབྱངས་
D287.069.0242b04.01ཀྱིས་བསྙད་པའི་སྡེ་དང་། ལུང་དུ་བསྟན་པའི་སྡེ་དང་། ཆེད་དུ་བརྗོད་པའི་སྡེ་དང་། གླེང་གཞིའི་སྡེ་དང་། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པ་རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་། རྨད་དུ་བྱུང་བའི་སྡེ་དང་། རྣམ་པར་གཏན་ལ་དབབ་པ་བསྟན་
D287.069.0242b05.01པའི་སྡེ་འཆད་པ་འདི་ནི་མི་ཤེས་ལ། དེས་བཤད་པ་དེའི་དོན་ཡང་ཤེས་པར་མི་འགྱུར་རོ། །བག་མེད་པས་ཕྲོགས་པ་དེ་འཆི་བའི་དུས་ན་གཤིན་རྗེའི་མིའི་དབང་དུ་འགྱུར་རོ། །ཡང་བག་མེད་པས་ཕྲོགས་པའི་སེམས་ཀྱི་སྣས་དྲི་སྣོམ་པ་ན་དྲི་ཞིམ་པའམ་དྲི་ང་བའམ་མེ་ཏོག་གི་དྲི་མི་ཤེས་
D287.069.0242b06.01སོ། །དེ་བཞིན་དུ་འཇིག་རྟེན་པའི་དྲི་ཡང་མི་ཤེས་ལ། འཇིག་རྟེན་ལས་འདས་པའི་ཡང་མི་ཤེས་སོ། །བདུག་སྤོས་ཀྱི་དྲི་ཡང་མི་ཤེས་ལ། དེའི་ཚེ་བག་མེད་པ་དེས་དཀོན་མཆོག་གསུམ་ལ་རེས་འགའ་ཡང་བདུག་སྤོས་དབུལ་བ་མ་ཕུལ་ཏེ། དེ་ལྟར་བག་མེད་པ་དག་དྲི་མི་ཤེས་སོ། །
D287.069.0242b07.01