完整藏文原文 · 德格版页 当前仅加载第 69 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཅུ་རྩ་གསུམ་པའི་ཤིང་རྟ་སྣ་ཚོགས་ན་ལྷ་རྣམས་ལས་ཅི་ཞིག་བྱེད་ཅིག་གུ་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་དུས་གང་གི་ཚེ། མི་ཆོས་དང་མི་ལྡན་པ་ཆོས་མ་ཡིན་པའི་རྗེས་སུ་འཇུག་པ། མར་མི་འཛིན་པ། ཕར་མི་འཛིན་པ། དགེ་སྦྱོང་
D287.069.0142b01.01དུ་མི་འཛིན་པ། བྲམ་ཟེར་མི་འཛིན་པ། རིགས་ཀྱི་རྒན་རབས་ལ་གུས་པར་མི་བྱེད་པ། དགེ་བའི་བཤེས་གཉེན་དུ་མི་འཛིན་པ། ལས་དང་འབྲས་བུ་ལ་ཡིད་མི་ཆེས་པ། ཡང་དག་པའི་ལྟ་བ་མེད་པ། ཡང་དག་པའི་ལྟ་བའི་སྔོན་དུ་འགྲོ་བ་མེད་པ་དེའི་ཚེ། བདུད་སྡིག་
D287.069.0142b02.01ཅན་དག་དགའ་བར་འགྱུར་ལ། དེའི་ཆོས་དང་ཆོས་ཀྱི་རྗེས་སུ་འཇུག་པའི་འཁོར་བཞི་པོ་དེ་དག་འཇིག་རྟེན་དུ་འབྱུང་བར་འགྱུར་ཏེ། འདི་ལྟ་སྟེ། བདུད་ཀྱི་རིས་འཇིག་རྟེན་སྐྱོང་བ་འཐབ་པ་ཞེས་བྱ་བ་དང་། བདུད་ཀྱི་རིས་འཇིག་རྟེན་སྐྱོང་བ་གཡེང་བྱེད་ཅེས་བྱ་བ་གང་ཆོས་སྤྱོད་པའི་
D287.069.0142b03.01སེམས་ཅན་རྣམས་ཀྱི་སེམས་གཡེང་བར་བྱེད་པའམ། དམ་པའི་ཆོས་ཉན་པ་གཉིད་ལོག་པར་བྱེད་པ་དང་། གསུམ་པ་ལྷག་པར་ཆགས་པར་རྨོངས་པ་ཞེས་བྱ་བ་སྦྱིན་པ་དག་གཏོང་བ་ན། སྦྱིན་པ་པོ་དང་སྦྱིན་བདག་རྣམས་ཀྱི་སེམས་ཆགས་པ་སྐྱེད་པར་བྱེད་དེ། འདི་ལྟར་བདག་
D287.069.0142b04.01གིས་གང་དགེ་སྦྱོང་དང་། བྲམ་ཟེ་ཞིང་དུ་གྱུར་པ་རྣམས་ལ་སྦྱིན་དུ་བདག་གི་བུ་དང་ཆུང་མ་ཅི་བཟའ་ཅི་བགོ་སྙམ་དུ་སེམས་པར་བྱེད་དེ། བདུད་ཀྱི་རིས་འཇིག་རྟེན་སྐྱོང་བ་གསུམ་པ་དག་སེམས་ཅན་རྣམས་རྣམ་པར་རྨོངས་པར་བྱེད་ཅིང་། འཇིག་རྟེན་ན་རྒྱུ་བར་བྱེད་དོ། །བདུད་
D287.069.0142b05.01ཀྱི་རིས་འཇིག་རྟེན་སྐྱོང་བ་བཞི་པ་འདུ་ཤེས་ལོག་པ་ཞེས་བྱ་བ་དེ་འཇིག་རྟེན་ན་རྒྱུ་ཞིང་། དེ་རབ་ཏུ་འབྱུང་བ་རྣམས་ཀྱི་སེམས་རབ་ཏུ་མི་འབྱུང་བར་འགྱུར་རོ། །དང་པོ་ནི་ཆགས་པ་དང་། སྦྱོར་བ་དང་། གྲོང་དུ་འཇུག་པ་དང་། ཚོང་ཟོང་ཉོ་ཚོང་བྱེད་པ་དང་། བུད་མེད་ལ་ལྟ་འདོད་
D287.069.0142b06.01པ་དང་། ཆང་འཚོང་གི་ཁྱིམ་དུ་འཇུག་པ་དང་། འཐབ་རྩོད་དང་། དགེ་འདུན་འབྱེད་པ་དང་། རྨི་ལམ་གྱི་གནོད་པའི་སེམས་སྐྱེད་པར་བྱེད་དོ། །བདུད་ཀྱི་རིས་འཇིག་རྟེན་སྐྱོང་བ་བཞི་པོ་དེ་དག་གང་གི་ཚེ། ཆོས་དང་མི་ལྡན་པའི་སྐྱེ་དགུ་འཛམ་བུའི་གླིང་དུ་བྱེད་པར་ནུས་པ་
D287.069.0142b07.01