完整藏文原文 · 德格版页 当前仅加载第 69 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལས་བདེ་བ་འཕེལ་བར་འགྱུར་ཏེ། ཇི་ལྟར་མར་མེ་འབར་བ་ལས་འོད་འབྱུང་བ་དེ་ལྟར་ལས་འཕེལ་བ་ལས་བདེ་བ་འཕེལ་བར་འགྱུར་རོ། །དེ་ལྟར་ལྷ་རྣམས་ལྷའི་འཇིག་རྟེན་ན་ལས་ཀྱི་འབྲས་བུ་དེ་ལ་སྤྱོད་པ་རྣམ་པར་སྨིན་པ་ཤིན་ཏུ་ཉམས་དགའ་
D287.069.0087a01.01བ། དཔེ་མེད་པ་ཐུན་མོང་མ་ཡིན་པ་དག་འབྱུང་ངོ་། །ལེགས་པར་བྱས་པའི་ལས་དེས་དེར་སྐྱེས་པ་དེ་བཻ་ཌཱུརྱ་དང་། ནོར་བུ་དང་། དངུལ་གྱི་ལྷུན་པོ་གསལ་བའི་རྩེ་མོ་མཐོན་པོ་རྣམས་ན་ཤིན་ཏུ་བདེ་བར་གནས་པའི་ཀུན་དགའི་ར་བ་དག་ཡོད་དེ། སྐྱེད་མོས་ཚལ་དང་། སྟེགས་
D287.069.0087a02.01དུ་མས་བརྒྱན་པའི་ས་དག་ལ་གནས་ཤིང་ཚལ་དང་ཉེ་བའི་ཚལ་རིན་པོ་ཆེ་སྣ་བདུན་གྱིས་བརྒྱན་པ། འོད་སྣ་ཚོགས་ཀྱིས་ཡུན་རིང་དུ་ཉམས་དགའ་བར་བྱེད་པ་རྣམས་ཀྱི་ནང་ན་ལྷ་མོའི་ཚོགས་ཀྱིས་ཡོངས་སུ་བསྐོར་ཏེ། དེ་དག་གིས་རྩེད་མོ་བྱེད་པ་ན། དེ་ལྟར་དབང་
D287.069.0087a03.01པོ་ལྔ་དང་། བློ་ཡུལ་ལ་ཆགས་པ་དེ་ཅི་དགའ་དགུར་བདེ་བ་ལ་གནས་ཏེ། ཇི་སྲིད་དུ་འདོད་པ་སྡུག་པ་ཡིད་དུ་འོང་བ་བྱས་ཤིང་བསགས་པའི་ལས་དེ་ཟད་པར་མ་གྱུར་པ་དེ་སྲིད་དུ་ལྷ་ཡུལ་ལྷའི་གནས་དེ་ན་འདོད་པ་ཐམས་ཅད་ལ་བློ་རྣམ་པར་ཆགས་པ་དེ། དགའ་བར་
D287.069.0087a04.01བྱེད། གནས་པར་བྱེད། དགའ་དགུར་སྤྱོད་པར་བྱེད་དེ། ལས་དེ་ཟད་ནས་དེ་ནས་ཡང་ལས་ཀྱི་འབྲས་བུ་ལ་སྤྱོད་པ་ཇི་ལྟ་བ་བཞིན་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་སྐྱེ་བར་འགྱུར་རོ། གལ་ཏེ་མི་རྣམས་དང་སྐལ་བ་མཉམ་པར་མིའི་
D287.069.0087a05.01ནང་དུ་སྐྱེས་ན། དེ་ལས་དེ་དང་རྒྱུ་འཐུན་པར་བྱེད་གཟུགས་བཟང་པོ་དང་ལྡན་ཞིང་གར་ཡང་འཇིགས་པ་མེད་པ་དང་། ནོར་བཟང་པོ་དང་ལྡན་པ་དང་། རྒྱལ་པོའི་འཁོར་གྱིས་མཆོད་པ་དང་། ཚེ་རིང་བ་དང་། ཡུལ་བཟང་པོར་སྐྱེ་སྟེ། དུས་ཀྱང་ཆོས་བཟང་པོ་ལ་དགའ་
D287.069.0087a06.01བའི་དུས་སུ་སྐྱེ་བར་འགྱུར་བར་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས། ལྷ་རྟག་ཏུ་མྱོས་གནས་རྣམས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས། ལྷ་རྟག་ཏུ་མྱོས་གནས་རྣམས་ཀྱི་གནས་ཆུ་བསིལ་
D287.069.0087a07.01