完整藏文原文 · 德格版页 当前仅加载第 69 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
དྲན་པ་ཉེ་བར་གནས་པར་འགྱུར་ཏེ། ཉོན་མོངས་པའི་རི་ཟད་པར་ནུས་སོ། །གཞན་ཡང་དྲན་པ་དང་འབྲེལ་བ་བཅུ་གཅིག་པ་དྲན་པར་བྱེད་དེ། དགེ་འདུན་ལ་གང་ཟག་གིས་འབྱེད་པར་མི་བྱེད་ལ། ལེ་ལོ་ལ་བརྩོན་ཞིང་སྤྱོད་པར་མི་བྱེད། གང་ཟག་གིས་གང་ཟག་རབ་ཏུ་
D287.069.0251a01.01འབྱེད་པར་བྱེད་པ་ནི་ཉམས་པར་འགྱུར་བས། གནོད་པར་མི་བྱེད་ལ་ཕན་པར་ཡང་མི་བྱེད་པ་དེ་ནི། དེ་ལྟར་སེམས་དང་བར་འགྱུར་ཞིང་དེའི་དྲན་པ་ཡང་ལས་སུ་རུང་བར་འགྱུར་ཏེ། གནོད་པ་མེད་པ་ལྷུར་ལེན་པར་བྱེད་དོ། །གཞན་ཡང་དྲན་པ་དང་འབྲེལ་བ་བཅུ་གཉིས་པ་དྲན་པར་བྱེད་དོ། །
D287.069.0251a02.01རྟག་ཏུ་དམ་པའི་ཆོས་ཉན་པ་ལྷུར་ལེན་པར་བྱེད་དོ། །དེ་ལྷུར་ལེན་པ་དང་ལྡན་པ་དེས་ཆོས་འཛིན་པར་བྱེད་པ་གང་ཡིན་པ་དེ་དག་ཕྱིར་ཞིང་དམ་དུ་འཛིན་པར་བྱེད་དོ། །ཁ་ན་མ་ཐོ་བ་དང་བཅས་པ་དང་ཁ་ན་མ་ཐོ་བ་མེད་པའི་ཆོས་རྣམས་རྣམ་པར་ཤེས་པར་བྱེད་དེ། དེ་མར་མེས་མུན་ནག་གི་
D287.069.0251a03.01གཟུགས་དག་མཐོང་བ་ལྟར་བཅོམ་ལྡན་འདས་ཀྱིས་གསུངས་པའི་ཆོས་ཀྱི་སྒྲོན་མས་ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་དག་མཐོང་ངོ་། །དེ་ལྟར་ཤིན་ཏུ་མཉམ་པར་གཞག་པའི་དྲན་པ་འབྱུང་བ་དེ་ནི་ཉོན་མོངས་པའི་དྲ་བའི་དབང་དུ་མི་འགྲོ་ཞིང་བདུད་ཀྱི་དབང་དུ་མི་འགྲོ་སྟེ།
D287.069.0251a04.01དེ་ལྟར་དྲན་པ་དང་འབྲེལ་པ་བཅུ་གཉིས་པ་ཡང་དྲན་པར་བྱེད་དོ། །གཞན་ཡང་དྲན་པ་དང་འབྲེལ་པ་བཅུ་གསུམ་པ་དྲན་པར་བྱེད་དེ། སྐད་ཅིག་སྐད་ཅིག་ལ་ལུས་དང་སེམས་དང་ཚོར་བའི་རང་གི་མཚན་ཉིད་སྒྲུབ་པའི་དྲན་པ་འབྱུང་སྟེ། དྲན་པ་ཉེ་བར་གཞག་པ་འདི་དག་སོ་སོར་ཤེས་པར་བྱེད་
D287.069.0251a05.01ཅིང་ཡིད་ལ་ཡང་དམ་དུ་འཛིན་པར་བྱེད་དོ། །ཡིད་ལ་བྱས་པ་དེ་རྣམས་ཀྱིས་བག་མེད་པ་ལ་སྟེན་པར་མི་འགྱུར་ཞིང་། བག་ཡོད་པ་ལ་སྟེན་པར་བྱེད་པ་དེ་ནི་གཤིན་རྗེའི་མིའི་དབང་དུ་འགྲོ་བར་མི་འགྱུར་ལ་རང་དབང་དུ་འགྱུར་དྲན་པ་ཉམས་པར་མི་འགྱུར་བ་དང་། དུས་མ་ཡིན་པ་ལ་སྤྱོད་པར་མི་
D287.069.0251a06.01འགྱུར་བ་དང་། ཡུལ་མ་ཡིན་པར་སྤྱོད་པར་མི་འགྱུར་བ་དང་། སྤྱོད་ཡུལ་མ་ཡིན་པར་སྤྱོད་པར་མི་འགྱུར་ཏེ། འབྲེལ་པ་འདི་དག་ནི་དྲན་པ་ཐམས་ཅད་ཀྱི་ནང་དུ་འབྲེལ་པ་ཡིན་ནོ། །གཞན་ཡང་སེམས་ཀྱི་ཁམས་བཅུ་བཞི་བསྒོམ་པར་བྱ་ཞེས་གང་སྨྲས་པ། ལེགས་པར་བསྒོམ་ན་ཤིན་ཏུ་སྦྱང་
D287.069.0251a07.01