完整藏文原文 · 德格版页 当前仅加载第 69 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་སུམ་ཅུ་རྩ་གསུམ་པའི་ལྷ་རྣམས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་སུམ་ཅུ་རྩ་གསུམ་པའི་ལྷ་རྣམས་ཀྱི་གནས་ཟླ་བའི་གནས་ལྟར་རྒྱུ་བ་ཞེས་བྱ་བ་ཇི་ལྟར་
D287.069.0202a01.01འདུག་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན་དགེ་བའི་ལས་ཀྱི་མཐའ་སྤྱོད་པ་སེམས་དྲི་མ་དང་བྲལ་བ། སེམས་ཤིན་ཏུ་བསྒོམས་པ། ཡིད་ཤིན་ཏུ་བསྒོམས་པ་གང་གིས་སངས་རྒྱས་ཀྱི་
D287.069.0202a02.01སྐུ་གཟུགས་བྱ་བ་སྐྱོན་མེད་པར་བྱས་པ་དང་། དེ་བཞིན་དུ་བཅོམ་ལྡན་འདས་ཀྱི་སྐུ་གཟུགས་གསེར་རམ་དངུལ་ལམ་ཟངས་སམ་ལྕགས་ལས་བྱས་པ་ལ་ཡིད་དང་བས་པིར་རམ་རབ་ཏུ་གསལ་བར་བྱེད་པས་སྡུག་པར་བྱེད་ཅིང་སྐུ་གཟུགས་དྲི་མ་དང་བྲལ་བ་མཆོག་ཏུ་སྡུག་པ་དེ་དག་
D287.069.0202a03.01མཐོང་ནས་སྦྱིན་བདག་དེ་ཤིན་ཏུ་སྙིང་དགའ་ལ་སེམས་ཀྱིས་ཀྱང་ཡང་དང་ཡང་དུ་བྱེད་ན། དེ་སེམས་ཀྱི་ཞིང་ཡོན་ཏན་བཟང་པོ་དང་སེམས་ཀྱི་རྒྱུ་སེམས་བསྒོམས་པས་དགེ་བ་སྤྱོད་པ་བདེ་བ་དང་ལྡན་པར་འགྱུར། གཞན་ཡང་སྲོག་གཅོད་པ་དང་མ་བྱིན་པར་ལེན་པ་སྤོང་བ་ཡིན་ཏེ།
D287.069.0202a04.01སྲོག་ཆགས་རྣམས་ལ་ཡིད་ཀྱིས་ཀྱང་གསོད་པར་མི་བྱེད་ཅིང་གནོད་པར་མི་བྱེད་ལ། གཞན་བྱེད་ན་ཡང་རྗེས་སུ་ཡི་རང་བར་མི་བྱེད་ཕྱིར་ཟློག་པར་བྱེད། དགེ་བའི་ལམ་ལ་རབ་ཏུ་འཇོག་པར་བྱེད་པ་བདག་དང་གཞན་ལ་ཕན་པ་བྱེད་པའི་སྐྱེས་བུ་དམ་པ་དེ་ནི་བདེ་བ་མྱོང་བར་འགྱུར་རོ། །
D287.069.0202a05.01སྲོག་གཅོད་པ་སྤངས་པ་རྣམ་པ་དུ་ཡོད་ཅེ་ན། འདི་ལ་ཤིན་ཏུ་གུས་པས་བསམས་ནས་ཡིད་ཀྱིས་ཀྱང་གསོད་པར་མི་བྱེད་ཅིང་། གསོད་པར་བྱེད་དུ་མི་འཇུག །ལེགས་པར་བྱས་པའི་ལས་བྱེད་པ་དེ་དྲོད་གཤེར་ལས་སྐྱེས་པའི་སེམས་ཅན་མལ་གཞིའི་འོག་ཏུ་སྐྱེས་ནས་ཟ་བར་བྱེད་
D287.069.0202a06.01པ་དེ་དག་ཀྱང་བཟུང་ནས་གསོད་པར་མི་བྱེད་ལ། སྲིན་བུ་ཕྲེའུ་དང་གྲོག་སྦུར་ཡང་གསོད་པར་མི་བྱེད་པ་ཡིན་ཏེ། རྣམ་པ་དེ་དག་ནི་སྲོག་གཅོད་པ་སྤངས་པ་ཡིན་ནོ། །མ་བྱིན་པར་ལེན་པ་སྤངས་པ་ཇི་ལྟ་བུ་ཡིན་ཞེ་ན། ཡང་སྐྱེས་བུ་དམ་པ་དགེ་བ་ལེགས་པར་བྱས་པའི་ལས་ལ་
D287.069.0202a07.01