完整藏文原文 · 德格版页 当前仅加载第 69 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གནས་པ་གང་ཡིན་པ་དེ་དག་རྒྱལ་ཆེན་བཞིའི་ལྷ་རྣམས་ཀྱིས་ཕམ་པར་བྱས་ཏེ། དེ་དག་ལ་བདག་གིས་དགེ་སྦྱོང་དུ་འཛིན་པ་དང་། བྲམ་ཟེར་འཛིན་པའི་སྐྱེ་དགུ་རྩིས་ལ་མ་ཆགས་པ་དང་། ཆོས་ཀྱི་རྗེས་སུ་ཆོས་སྒྲུབ་པ་རྩིས་ལ་མ་ཆགས་པར་བྱའོ་ཞེས་སྨྲས་སོ། །དེ་ནས་ལྷ་མ་ཡིན་གྱི་
D287.069.0027b01.01དབང་པོ་དེ་རང་གི་ལྷ་མ་ཡིན་རྣམས་འཁོད་པ་ག་ལ་བ་དེར་དོང་ངོ་། །དེ་ནས་ལྷ་མ་ཡིན་གྱི་དབང་པོ་རབ་སྤྲོ་དཔུང་{བཟངས་,བཟང་}དག་ལ་འདི་ལྟར་བདག་ནི་ཀླུའི་རྒྱལ་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་དང་། རྒྱལ་ཆེན་བཞིའི་ལྷ་རྣམས་ལ་བར་ཆད་བྱ་བའི་ཕྱིར་ཆས་ཏེ། ལྷ་མ་ཡིན་
D287.069.0027b02.01རྣམས་ཀྱི་དབང་པོའི་བརྩོན་འགྲུས་དང་། སྤྲོ་བ་དང་། འཁོར་དང་བཅས་པ། མཚུངས་པ་མེད་པ་ཐམས་ཅད་ལྷ་རྣམས་དང་གཡུལ་འགྱེད་པར་འདོང་གིས་འདི་ལྟར་ལྷ་མ་ཡིན་རྣམས་མྱུར་དུ་ཆོས་ཤིག་མྱུར་དུ་ཆོས་ཤིག་ཅེས་བསྒོའོ། །དེ་ནས་ལྷ་མ་ཡིན་གྱི་དབང་པོ་རབ་སྤྲོས་ལྷ་མ་ཡིན་
D287.069.0027b03.01གྱི་དབང་པོ་གསུམ་དག་ལ་གང་ཆོས་ཀྱི་རྣམ་པ་འདི་ལྟ་བུ་བཟོད་པ་ཁྱོད་ལ་ཅི་བརྩོན་འགྲུས་མེད་དམ། རྟེན་མེད་དམ། འདི་ལྟར་བདག་ནི་རང་གི་ལག་མཐུ་དང་བརྩོན་འགྲུས་དང་ལྡན་པས་ཆའོ་ཞེས་སྨྲས་སོ། །དེ་ནས་ཡང་ལྷ་མ་ཡིན་གྱི་དབང་པོ་རབ་དགོད་རིང་པོར་མ་ཐོགས་པར་རང་གི་
D287.069.0027b04.01ལྷ་མ་ཡིན་རྣམས་ལ་གྲོགས་པོ་དག་རིངས་པར་ཆོས་ཤིག་རིངས་པར་ཆོས་ཤིག །ཅེས་འདི་ལྟར་བདག་གིས་ལྷ་མ་ཡིན་གྱི་དབང་པོ་མ་ལུས་པ་རྣམས་ལ་ཡང་སྦྲན་ཟིན་ཏེ། བདག་མྱུར་དུ་ཆ་ཡིས། ལག་ཏུ་མཚོན་ཆ་སྣ་ཚོགས་བླངས་པར་ཤེས་ནས། ལྷ་མ་ཡིན་གྱི་གཡུལ་ལ་
D287.069.0027b05.01བརྩོན་པར་གྱིས་ཤིག །དེ་དག་གི་བློ་རིག་ནས་བསྒྲུབ་པར་བྱ་བའི་ཆོས་གང་ཡིན་པ་དེ་དག་བསྒྲུབ་པར་བྱ་སྟེ། ལྷ་རྣམས་ཀྱིས་ཕམ་པར་བྱར་མི་བཟོད་དོ་ཞེས་སྨྲས་སོ། །དེ་ནས་ལྷ་མ་ཡིན་གྱི་དབང་པོ་རབ་དགོད་ཀྱིས་དེ་སྐད་སྨྲས་ནས། རང་གི་བརྩོན་འགྲུས་ཆེན་པོ་དང་སྟོབས་ཀྱིས་དྲེགས་
D287.069.0027b06.01པ། བློ་གྲོས་ཤིན་ཏུ་རྒྱ་ཆེ་བ། རང་གི་སྟོབས་དང་གཞན་གྱི་སྟོབས་ཚད་མ་གྲངས་སུ་མི་རྩི་བར་རང་གི་གནས་ནས་ཆས་ནས་གནས་གཞན་གསུམ་པར་འགྲོ་བར་བྱེད་དེ། གྲོང་ཁྱེར་ཟབ་པ་ན་ལྷ་མ་ཡིན་གྱི་བདག་པོ་མེ་ཏོག་ཕྲེང་ལྷ་མ་ཡིན་བྱེ་བ་ཁྲག་ཁྲིག་དུ་མ་ག་ལ་བ་དེར་སོང་སྟེ་ཕྱིན་ནས་བརྩམས་
D287.069.0027b07.01