完整藏文原文 · 德格版页 当前仅加载第 69 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འདོད་པ་སྡུག་པ་ཡིད་དུ་འོང་བའི་ལས་དེ་ཟད་པར་མ་གྱུར་པ་དེ་སྲིད་དུ་ལྷའི་འཇིག་རྟེན་དེ་ན་དགའ་བར་བྱེད་དོ། །དེ་ཟད་ནས་དེ་ནས་ཡང་ལྟུང་བར་འགྱུར་ཏེ། ལྷུང་ནས་ཀྱང་ལས་ཉེ་བར་འགྲོ་བ་ཇི་ལྟ་བ་བཞིན་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་།
D287.069.0095a01.01དུད་འགྲོའི་འཁོར་བར་ཡོངས་སུ་འཁྱམ་མོ། །གལ་ཏེ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་དེ་ལས་དེ་དང་རྒྱུ་འཐུན་པར་ཚེ་རབས་ཚེ་རབས་སུ་ནད་མེད་པར་འགྱུར་ཞིང་ཉོན་མོངས་པ་མེད་པ་དང་། སྐྱེ་བོ་དམ་པ་ཀུན་གྱི་ཡིད་དུ་འོང་བ་དང་། བཀྲེས་པ་དང་།
D287.069.0095a02.01སྐོམ་པ་དང་བྲལ་བའི་ཡུལ་བཟང་པོར་སྐྱེ་བ་དང་། མེ་ཏོག་གིས་བརྒྱན་པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། ལྷ་པི་བང་ཅན་གསུམ་པ་རྣམས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་
D287.069.0095a03.01ལྷ་པི་བང་ཅན་གསུམ་པ་རྣམས་ཀྱི་གནས་ལུས་དཀར་ཞེས་བྱ་བ་ཇི་ལྟར་འདུག་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཞིང་དང་ཞིང་མ་ཡིན་པའི་རྣམ་པ་ཤེས་ཤིང་ཡིད་ཤིན་ཏུ་
D287.069.0095a04.01དད་པ་དང་། སེམས་པས་ཡོངས་སུ་བསྒོམས་པའི་སྙིང་དང་ལྡན་པ་དང་། དེར་ཡིད་ཞུགས་ཤིང་སེམས་གཡེང་བ་མེད་པ་ལས་ཀྱི་འབྲས་བུ་མངོན་པར་ཤེས་པ་གང་གིས་མཆོད་རྟེན་ནམ། དགེ་འདུན་གྱི་གཙུག་ལག་ཁང་གི་སྐྱོང་ནུལ་རླུང་ངམ། ཉི་མའམ། ཆར་པས་ཟད་པ་སླར་སྐྱོང་
D287.069.0095a05.01ནུལ་བྱུགས་ལ། དེ་ལྟར་བྱས་ནས་དེ་རྗེས་སུ་དགའ་ཞིང་གཞན་དག་ཀྱང་དེ་ཉིད་ལ་དགའ་བར་བྱེད་དུ་འཇུག་ལ། ལུགས་བཞིན་དུ་བྱེད་དུ་འཇུག་སྟེ་དེ་ལྟར་བྱེད་ན་དེ་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་ལུས་དཀར་གྱི་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །དེར་སྐྱེས་ནས་ཀྱང་དེ་དག་ཐམས་ཅད་དཀར་པོ་ཁོ་
D287.069.0095a06.01ནར་སྣང་སྟེ། དེའི་ཁྱད་པར་ནི་དུང་དང་། ཁ་བ་དང་། མེ་ཏོག་ཀུ་མུ་ད་དང་། འོ་མ་དང་བཅས་པ་དག་གིས་ནི་བཅུ་དྲུག་གི་ཆར་ཡང་མི་ཕོད་དོ། །དེ་ལྟར་རྣམ་པ་དེ་ལྟ་བུའི་གཞལ་མེད་ཁང་དང་། ཤིང་རྟ་དང་གནས་དག་དང་གཞན་དག་ཀྱང་ཀུན་ནས་དཀར་ཞིང་མཆོག་ཏུ་དཀར་པོར་
D287.069.0095a07.01