完整藏文原文 · 德格版页 当前仅加载第 69 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་འོད་ཀྱིས་བརྒྱན་པ། ཆུ་བོ་དང་། སྟེགས་དང་། ཚལ་དང་། སྐྱེད་མོས་ཚལ་དག་གིས་བརྒྱན་པའི་ཡུལ་ཉམས་དགའ་བའི་ཚལ་རྣམས་ལ་སྟེན་པར་བྱེད་པ། འདོད་པ་མང་པོ་ལ་སྙིང་ཆགས་པ་དག་ཡུལ་གྱི་བདེ་བ་དེས་ལྷའི་འཇིག་རྟེན་གྱི་མཐའ་
D287.069.0079a01.01འདི་ལྟུང་བར་ཁོང་དུ་མི་ཆུད་དོ། །དེ་ལྟར་ཡུལ་གྱི་སྲེད་པས་ཡོངས་སུ་བསླུས་པ་དེ། ཇི་སྲིད་དུ་འདོད་པ་སྡུག་པ་ཡིད་དུ་འོང་བ་བྱས་ཤིང་བསགས་པའི་ལས་དེ་ཟད་པར་མ་གྱུར་པ་དེ་སྲིད་དུ་ལྷའི་འཇིག་རྟེན་དེ་དག་ན་དགའ་བར་བྱེད། ཡོངས་སུ་སྤྱོད་པར་བྱེད་དོ། །དེ་ཕྱིས་ལྷའི་
D287.069.0079a02.01འཇིག་རྟེན་དེ་ནས་འཆི་བར་འགྱུར་ཏེ། ཤི་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན། དེ་ལས་དེ་དང་རྒྱུ་འཐུན་
D287.069.0079a03.01པར་ཡུལ་རྟག་ཏུ་བསིལ་བར་སྐྱེ་བར་འགྱུར་ཏེ། ཡུལ་གནོད་པ་མེད་པ་དང་། མཚོན་ཆ་དང་། དགོན་པ་དང་། ལོ་ཉེས་འབྱུང་བ་དང་བྲལ་བའི་ཡུལ་རྣམས་སུ་སྐྱེ་ལ། སྐྱེ་བོ་ཀུན་གྱིས་མཆོད་པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་
D287.069.0079a04.01པ་ཤེས་པ་དེ། ལྷ་ལག་ན་ཡོལ་གོ་ཐོགས་པ་རྣམས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པའམ་ལྷའི་མིག་གིས་ལྷ་ལག་ན་ཡོལ་གོ་ཐོགས་པ་རྣམས་ཀྱི་གནས་སྤྱི་གཙུག་ཐར་ཅེས་བྱ་བ་ཇི་ལྟར་འདུག་པ་མཐོང་ངོ་། །དེར་སེམས་ཅན་དག་ལས་གང་
D287.069.0079a05.01གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། རྒྱལ་པོ་ལ་གནོད་པ་བྱེད་པའི་མི་སྤྱི་གཙུག་ནས་བཟུང་སྟེ་སྤྱངས་པ་དང་། སྡུག་བསྔལ་བ་ལས་གང་གིས་དེ་ཐར་བར་བྱས་ན། དེ་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་སྤྱི་གཙུག་
D287.069.0079a06.01ཐར་ཞེས་བྱ་བའི་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །རྒྱལ་ཆེན་བཞིའི་གནས་གསུམ་གྱི་ནང་ན་དེའི་ཉམས་དགའ་བ། ཤིན་ཏུ་ཡིད་དུ་འོང་བ། འདོད་པ་ལ་རྟེན་པ། དེའི་ངོ་བོ་འདོད་པ། འདོད་པ་ཉེ་བར་མཆོད་པ། འདོད་པ་རྒྱུན་ཆད་པ་མེད་པ་གང་ཡིན་པ་བསྡུས་པ་དེ་དག་
D287.069.0079a07.01