完整藏文原文 · 德格版页 当前仅加载第 69 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་འབྲས་བུ་གང་ཞིག་ཡིན་ཞེ་ན་གང་གིས་གཞན་གྱི་བུད་མེད་ལ་སྡོམ་པ་མ་བཟུང་བ་ཡིན་ཏེ་བྱི་བ་བྱས་པ་ཡིན་ནོ། །དེ་གལ་ཏེ་དགེ་བའི་ལས་གཞན་གྱིས་ལྷ་རྣམས་ཀྱི་ནང་དུ་སྐྱེས་ཀྱང་འཆི་བའི་དུས་དེའི་ཚེ། དེ་ལ་གཞན་གྱི་ཆུང་མ་ཕྲོགས་པའི་སྡིག་པའི་ལས་ཀྱི་
D287.069.0166a01.01རྐྱེན་འབྱུང་ངོ་། །དེ་ལྟར་ལེགས་པར་བྱས་པའི་ནང་ན་ཉེས་པར་བྱས་པ་ཡང་དེ་ལྟར་སྨིན་པར་འགྱུར་ཏེ། དེ་ལྟ་བས་ན་ཉེས་པར་བྱེད་པ་ཆུང་ངུ་ཡང་མི་བྱའོ། །ཇི་ལྟར་ལྷ་རྣམས་འཆི་བ་ན་ཚུལ་ཁྲིམས་རྣམ་པ་བདུན་མ་རལ་པའི་རྒྱུ་འཐུན་པའི་འབྲས་བུ་མི་འབྱུང་བ་དེ་ལྟར་འཐབ་བྲལ་བ་
D287.069.0166a02.01རྣམས་ཀྱི་ཡང་ཡིན་ཏེ། དེ་ནི་རྒྱ་ཆེར་ཕྱིས་འཆད་དོ། །དེ་ནས་ལྷའི་བུ་ཤི་བ་དེའི་ལྷའི་བུ་མོ་དེ་དག་ལྷའི་བུ་གསར་དུ་བྱུང་བ་དེ་ག་ལ་བ་དེར་ལྷའི་ཕྲེང་བ་མདོག་བཟང་པོ། དྲི་དང་རེག་པ་མ་རྙིས་པ་དེ་དག་བླངས་ནས་ལྷའི་བུ་དེའི་ལུས་ལ་འདོགས་པར་བྱེད་དོ། །ལྷའི་བུ་དེ་ཡང་ཐོག་མ་སྐྱེས་མ་
D287.069.0166a03.01ཐག་ཏུ་དགའ་ཡིད་རབ་ཏུ་དགའ་སྟེ། ལྷའི་བུ་མོ་དེ་དག་གི་དྲུང་དུ་འགྲོ་བར་བྱེད་དོ། །དེ་ནས་ལྷའི་བུ་དེ་ལྷའི་བུ་མོ་དེ་དག་དང་། ཕན་ཚུན་སྙིང་ཤིན་ཏུ་དགའ་བ་རྣམས་ཚལ་དང་། ཉེ་བའི་ཚལ་ག་ལ་བ་དེར་འདོང་བར་བྱེད་དོ། །དེ་ལྷའི་རིས་དེ་ན་ཆུ་རྙོག་པ་མེད་པའི་ནང་ན་པད་མ་བཻ་ཌཱུརྱའི་མདོག་
D287.069.0166a04.01ལ་འདབ་མ་གསེར་དང་སྙིང་པོ་རྡོ་རྗེར་སྐྱེས་པ་དག་ལ་བུང་བ་འབུམ་སྙེད་ཀྱིས་ཡོངས་སུ་བསྐོར་བ་ཡིན་ཏེ། བུང་བ་དེ་དག་ཀྱང་ཁ་ཅིག་གི་ལུས་བཻ་ཌཱུརྱ་ལ་སྒྲོ་གསེར་དུ་འདུག་པ་དང་། ཁ་ཅིག་གི་ལུས་གསེར་ལ་སྒྲོ་དངུལ་དུ་འདུག་པ་དང་ཁ་ཅིག་གི་ལུས་འདྲེས་པ་དང་། ཁ་ཅིག་གི་ལུས་བྱི་རུ་ལ་སྒྲོ་ཀེ་
D287.069.0166a05.01ཀེ་རུར་འདུག་པ་ཡིན་ཏེ། དེ་དག་རྟག་ཏུ་འདམ་ནས་སྐྱེས་པའི་པད་མ་མ་རྙིས་པ་དག་གི་ནང་ན་རྩེ་བར་བྱེད་དགའ་དགུར་སྤྱོད་པར་བྱེད་དོ། །དེ་ལྟར་ལྷ་མོ་རྣམས་སྒྲ་སྙན་པ་དེས་གླུ་དབྱངས་ཤིན་ཏུ་ལེན་ཅིང་། ཕེག་རྡོབ་པར་བྱེད་པ་དེ་བཞིན་དུ་བུང་བ་པད་མའི་གསབ་གསེབ་ཏུ་དོང་བ་དེ་རྣམས་སྒྲ་
D287.069.0166a06.01འབྱིན་པར་བྱེད་དོ། །དེ་ནས་ལྷའི་བུ་དེ་ལྷ་མོ་དེ་རྣམས་དང་ལྷན་ཅིག་རྫིང་དེ་དག་གི་ནང་དུ་འཇུག་སྟེ། དེ་ཆུ་ལ་རྩེ་བར་བྱེད་ཅིང་། དགོད་རྩེ་དགའ་དགའ་དགུར་སྤྱོད་པར་བྱེད་དོ། །དེ་ལྟར་དེ་རྣམས་ཀྱིས་ཤིན་ཏུ་ཡུན་རིང་བར་རྩེ་བ་ཉེ་བར་སྦྱར་ནས་ཚལ་གསེར་གྱི་ཤིང་ལྗོན་པའི་ཕྲེང་བ་ཞེས་བྱ་བ་ཤིང་
D287.069.0166a07.01