完整藏文原文 · 德格版页 当前仅加载第 69 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བ་དེར་འདོང་གིས་རྒྱུགས་ཤིག །བརྩོན་འགྲུས་ཆུང་བའི་ལྷ་རྣམས་བདག་ཅག་གི་དཔུང་དང་། བརྩོན་འགྲུས་དང་འཐུན་པས་ཕམ་པར་བྱའོ། །དེས་དེ་སྐད་སྨྲས་པ་དང་། དེ་ནས་མེ་ཏོག་ཕྲེང་ལྷ་རྣམས་ག་ལ་བ་དེར་རྒྱུག་པར་བྱེད་དོ། །དེ་ནས་དེ་དག་འོང་བ་མཐོང་
D287.069.0045b01.01ནས་དཔུང་ཆེན་པོས་དེ་ནས་ཡང་བཅོམ་པའི་ལྷག་མ་ཕན་ཚུན་གྱི་བརྩོན་འགྲུས་དང་། ཕན་ཚུན་གྱི་དཔུང་གིས་འདུས་པ་བདག་ཉིད་དང་འཁོར་མང་པོ་དང་བཅས་པ་ཕྱིར་ལོག་སྟེ་ཕན་ཚུན་འདི་སྐད་སྨྲའོ། །འདི་ལྟར་ལྷ་མ་ཡིན་ཞེས་མིང་དུ་བཏགས་པ་འདི་ཅི་འབྲོས་པ་ཁོ་
D287.069.0045b02.01ནར་གྱུར་ཏམ། བརྩོན་པ་ལ་མི་གནས་སམ། མཚོན་ཆ་ལ་མི་རྟེན་པ་ལྟ་ཞིག་སྟེ། རང་གི་གནས་སུ་ཡོངས་སུ་ཉམས་པར་འགྱུར་ལ། ཆུང་མ་དེ་དག་གི་ནང་དུ་ཡོངས་སུ་ཉམས་པར་འགྱུར་རོ། །དེ་སྐད་སྨྲས་ནས། དེ་ནས་ཡང་དཔུང་དང་མཐུ་རྒྱས་པ་མཚོན་ཆ་སྣ་
D287.069.0045b03.01ཚོགས་ཐོགས་པ་དག་ལྷ་ག་ལ་བ་དེར་རྒྱུག་པར་བྱེད་དེ། རིའི་རྩེ་མོ་འཚེར་བ་ལྟ་བུ་དང་རླུང་གི་ཤུགས་ལྟར་མངོན་པར་མགྱོགས་པ་དེ་དག་གཡུལ་འགྱེད་པའི་ཕྱིར་ཡང་ལོག་གོ། །དེ་ནས་ལྷ་ཀུན་དུ་རྒྱུ་བ་དང་། ལྷ་ཕྲེང་ཐོགས་དང་། ལྷ་རྟག་ཏུ་མྱོས་གནས་དང་། ལྷ་
D287.069.0045b04.01ལག་ན་ཡོལ་གོ་ཐོགས་པ་ཐམས་ཅད་ཕན་ཚུན་དུ་འདི་ལྟར་ཀྱེ་མ་ལྷ་མ་ཡིན་འདུས་པ་འདི་དག་ཐམས་ཅད་ནི་བློ་གྲོས་མི་བརྟན་པ་ཡིན་ཏེ། ཀྱེ་མ་ལྷ་མ་ཡིན་རྣམས་གང་གིས་བདག་ཉིད་དང་། བདག་ཅག་གི་དཔུང་གི་ཁྱད་པར་ཁོང་དུ་ཆུད་ཀྱང་དེ་དག་རྒྱུག་པར་བྱེད་དོ་ཞེས་བརྗོད་དོ། །
D287.069.0045b05.01དེ་དག་གིས་དེ་སྐད་སྨྲས་ནས། ལྷ་རྣམས་ཀྱང་ལྷ་མ་ཡིན་དག་ག་ལ་བ་དེར་རྒྱུག་པར་བྱེད་དོ། །ཕན་ཚུན་རྒྱལ་བ་བརྟོད་པ་ན་ལྷ་དང་ལྷ་མ་ཡིན་དེ་དག་གཞན་དང་མི་འདྲ་བའི་གཡུལ་བཀྱེ་སྟེ། ཕན་ཚུན་རི་བོ་ཆར་ལྟར་འབེབས་པ་དང་། མེ་ཆར་ལྟར་འབེབས་པ་དང་། རྡོ་ཆར་
D287.069.0045b06.01ལྟར་འབེབས་པ་དང་། མཚོན་ཆ་ཆར་ལྟར་འབེབས་པ་དང་། དཔུང་གི་ཚོགས་རྣམ་པར་འཇོམས་པས་མངོན་པར་བཅོམ་མོ། །དེ་དག་མཚོན་ཆ་དུ་མ་དང་། རྣམ་པར་འཇོམས་པ་དུ་མ་དང་། ཉམ་ང་བ་དུ་མ་དང་། དེ་ལྟར་སྲོག་གཅོད་པ་དུ་མ་དག་གིས་གཡུལ་དཔེ་
D287.069.0045b07.01