完整藏文原文 · 德格版页 当前仅加载第 69 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
པ། ལག་པའི་སོར་མོས་འཛིན་པ་རྣམས་ཀྱིས་ཡོངས་སུ་བསྐོར་བ་དག་རྣམ་པ་དུ་མས་ཆ་བར་བྱེད་དོ། །དེ་དག་གི་ཕྱི་བཞིན་དུ་ཡང་འབུམ་ཕྲག་བྱེ་བ་དུ་མ་དག་གིས་ཡོངས་སུ་བསྐོར་ཅིང་། རི་རབ་ཐམས་ཅད་མཐུ་ཆེན་པོས་སྒུལ་བར་བྱེད་པ། ལྷ་མ་ཡིན་དེ་དག་ཐམས་ཅད་དང་བཅས་
D287.069.0042b01.01པ། དཔུང་དང་བརྩོན་འགྲུས་ལྷག་པར་ཆེ་བ། མཚོན་ཆ་དཔག་ཏུ་མེད་པ་ལ་མཁས་པ། རི་རབ་གཉིས་ལྟ་བུར་ཆ་བ་ན། ཀླུའི་རྒྱལ་པོ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་རབ་འཇོམས་ལ་སོགས་པས་སའི་འོག་གི་བདག་པོ་ཐགས་{བཟངས་,བཟང་}རིས་དང་། རབ་དགོད་
D287.069.0042b02.01ཡོངས་སུ་བསྐོར་ཏོ། །དེ་ནས་དེ་ལྟར་ལྷ་དང་ལྷ་མ་ཡིན་འཁོད་པ་དག་ལྷ་རྣམས་ཀྱིས་ནི་ནམ་མཁའ་བཀང་ནས་འཁོད། ལྷ་མ་ཡིན་རྣམས་ཀྱིས་ཀྱང་རྒྱ་མཚོ་ཁེབས་པར་འཁོད་དེ། ངོ་མཚར་གྱི་ཡིད་ཀྱིས་ཕན་ཚུན་འཐབ་པ་ལ་ཤིན་ཏུ་མོས་པ། ཕན་ཚུན་དུ་འཐབ་པར་འདོད་
D287.069.0042b03.01པ་ན། དེ་ལྟར་ཀླུའི་རྒྱལ་པོ་འཇོག་པོ་དང་། ནོར་རྒྱས་ཀྱི་བུ་ལ་སོགས་པ་དང་། འཇིག་རྟེན་སྐྱོང་བ་དེ་དག་དང་ལྷན་ཅིག་འཁོད་པ་རྣམས་འདི་ལྟར་ལྷའི་དབང་པོས་བདག་ཅག་གི་མདུན་ན་ལྷ་མ་ཡིན་དེ་ལྟར་འཁོད་པ་འདི་དག་ལ། ལྷ་མ་ཡིན་དང་བདག་ཅག་འཐབ་མོ་གྱིས་
D287.069.0042b04.01ཤིག་ཅེས་ཇི་སྟེ་བཀའ་མི་སྩོལ་ཞེས་བརྗོད་དོ། །དེ་ནས་ལྷའི་དབང་པོས་དེ་དག་ལ་འདི་སྐད་སྨྲས་སོ། །འདི་ལྟར་འཇིག་རྟེན་སྐྱོང་བ་དག་འཛམ་བུའི་གླིང་དུ་རིངས་པར་མངག་པར་བྱ་སྟེ། ཀྱེ་འཛམ་བུའི་གླིང་ན་མར་འཛིན་པ། ཕར་འཛིན་པ། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་
D287.069.0042b05.01པའི་མི་དག་ཅི་ཡོད་དམ་མེད། དེ་ལྟར་བརྟགས་ནས་ལྷ་མ་ཡིན་རྣམས་ཕམ་པར་བྱའོ། །ལྷ་དག་ནི་ཆོས་སྐྱོབ་པ་ཡིན། ཆོས་ཀྱི་གནས་ཡིན་ཏེ། ཆོས་འཕེལ་བ་ན་ལྷ་རྣམས་འཕེལ་བར་འགྱུར་ལ། ཆོས་འགྲིབ་པ་ན་ལྷ་རྣམས་འགྲིབ་པར་འགྱུར་རོ། །དེ་ལྟར་འཇིག་རྟེན་སྐྱོང་བ་དག་མི་ཡུལ་
D287.069.0042b06.01འཛམ་བུའི་གླིང་དུ་བདག་གིས་མངག་པར་བྱའོ། །དེ་སྐད་སྨྲས་ནས། ལྷའི་དབང་པོ་བརྒྱ་བྱིན་གྱིས་འཇིག་རྟེན་སྐྱོང་བ་རྣམས་ལ་བསྒོ་བ། ཁྱེད་འཛམ་བུའི་གླིང་དུ་མྱུར་དུ་དེང་ལ། འདི་ལྟར་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ། མར་འཛིན་པ། ཕར་འཛིན་པ།
D287.069.0042b07.01