完整藏文原文 · 德格版页 当前仅加载第 69 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
སོར་རྒྱལ་བར་འདོད་པ། གཅིག་ལ་གཅིག་མངོན་པར་འདེབས་པ། མོག་མོག་པོར་གྱུར་པ། ལྷ་མ་ཡིན་ཁ་ཅིག་ནི་སྲོག་དང་བྲལ་བར་གྱུར། དེ་བཞིན་དུ་ལྷ་མ་ཡིན་ཁ་ཅིག་ནི་སྡུག་བསྔལ་གྱིས་ཉམ་ཐག་སྟེ། ཕྱིར་ལོག །ཁ་ཅིག་ནི་ཡི་ཆད་ནས་
D287.069.0050a01.01ཕྱིར་ལོག །ཁ་ཅིག་ནི་མིག་ཚུགས་སུ་ལྟ་ཞིང་འཁོད། ཁ་ཅིག་ནི་རང་གི་གནས་སུ་འགྲོ་བར་སེམས་ཤིང་འཁོད། ཁ་ཅིག་ནི་ཞེ་སྡང་གིས་ཉམ་ཐག །ཁ་ཅིག་ནི་གཏི་མུག་གིས་སེམས་བསྒྲིབས། ཁ་ཅིག་ནི་ཡོངས་སུ་ཉམས་ཤིང་ཡིད་དམན་པར་གནས་ཏེ་དེ་ལྟར་གནས་
D287.069.0050a02.01པ་རྣམས་ལ་ས་སྲུང་གི་བུའི་སྟེང་ན་འདུག་པ་ལྷའི་དབང་པོ་སྤྲུལ་པ་བྱེད་དོ། །དེ་ནས་གླང་པོ་ཆེ་ས་སྲུང་གི་བུ་ཁ་རེ་རེ་ལ་པད་མ་རེ་རེ། པད་མ་རེ་རེ་ལ་དབང་པོ་ལག་ན་རྡོ་རྗེ་ཐོགས་པ་མཚོན་ཆ་དང་གོ་མཚོན་བགོས་པ་རྣམས་སྔར་བསྟན་པ་བཞིན་ལྷ་མ་ཡིན་གྱི་དབང་པོས་
D287.069.0050a03.01མཐོང་སྟེ། དེ་དག་ཀྱང་དབང་པོའི་གླང་པོ་ཆེ་ས་སྲུང་གི་བུ་ཁ་སྟོང་ཡོད་པ། ཁ་རེ་རེ་ལ་པད་མའི་རྫིང་བུ་སྟོང་ཡོད་དོ། །པད་མའི་རྫིང་རེ་རེ་ལ་པད་མ་སྟོང་ཡོད་དོ། །པད་མ་རེ་རེ་ལ་འདབ་མ་སྟོང་ཡོད་དོ། །པད་མ་རེ་རེ་ལ་སྙིང་པོ་བརྒྱ་ཡོད་དོ། །དེ་དག་ཀྱང་ས་སྲུང་གི་
D287.069.0050a04.01བུའི་ཁ་ནས་བྱུང་སྟེ། འདབ་མ་དེ་དག་དང་སྙིང་པོ་དེ་དག་ཐམས་ཅད་ལ་དབང་པོ་རྟག་ཏུ་ལག་ན་རྡོ་རྗེ་དང་། མཚོན་ཆ་དང་། ལག་ཆ་ཐོགས་པ་བྱེ་བ་ཁྲག་ཁྲིག་འབུམ་ཕྲག་དུ་མ་འཁོད་པར་མཐོང་ངོ་། །དེ་ནས་སྤྲུལ་པ་དེ་ལྟ་བུ་མངོན་པར་མཐོང་ནས། ལྷ་མ་ཡིན་རྣམས་
D287.069.0050a05.01སྐྲག་འཁྲུགས་ཏེ། དབང་པོ་གོ་མཚོན་དང་ཆ་བྱད་སྣ་ཚོགས་ཐོགས་པ་རྣམས་ཀྱིས་དེ་རྟག་ཏུ་གང་ཞིང་དཔུང་དང་མཐུ་དཔེ་མེད་པ་རྣམས་ཀྱིས་ནམ་མཁའ་འདི་བར་མཚམས་མེད་པར་བྱས་སོ། །མཚོན་ཆའི་ཚོགས་ཀྱིས་ཕྱོགས་དང་ཕྱོགས་མཚམས་ཐམས་ཅད་བར་
D287.069.0050a06.01མཚམས་མེད་པར་གང་བར་བྱས་སོ། །དབང་པོ་རྣམས་ཀྱིས་སའི་འོག་གང་ཡིན་པ་དེ་དང་། དེ་ཡང་བར་མཚམས་མེད་པར་བྱས་པར་དོགས་སོ་ཞེས་དེ་སྐད་ལྷ་མ་ཡིན་ཤིན་ཏུ་སྐྲག་པ་དེ་རྣམས་ཕན་ཚུན་སྨྲའོ། །དེ་སྐད་སྨྲ་བ་དེ་རྣམས་ལ་རབ་དགོད་ཀྱིས་སྨྲ་བ། ལྷ་
D287.069.0050a07.01