完整藏文原文 · 德格版页 当前仅加载第 69 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་སྟེ། མགོ་བདུན་པ་དང་། གླང་པོའི་གདོང་དང་། ཀླུའི་རྒྱལ་པོ་ནོར་རྒྱས་ཀྱི་བུ་དང་། དེ་བཞིན་དུ་ཀླུའི་རྒྱལ་པོ་འཇོག་པོ་དང་། ཀླུའི་རྒྱལ་པོ་བཟང་ལྡན་དང་། ཀླུའི་རྒྱལ་པོ་སྐྱེད་པ་དང་། ཀླུའི་རྒྱལ་པོ་མི་འཇོམས་པ་དང་། ཀླུའི་རྒྱལ་པོ་སྤྲིན་
D287.069.0004a01.01ཕྲེང་ཅན་དང་། ཀླུའི་རྒྱལ་པོ་འཁྱིལ་པ་དང་། ཀླུའི་རྒྱལ་པོ་ཀུན་འགྲོ་དང་། ཀླུའི་རྒྱལ་པོ་རབ་སྤྲོ་སྟེ། ཀླུའི་རྒྱལ་པོ་འདི་རྣམས་ནི་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་ཡིན་ནོ། །དེ་རྣམས་ནི་ལོ་ལེགས་པར་བྱ་བའི་ཕྱིར་དུས་སུ་འབབ་པའི་ཆར་མི་ཉུང་བར་བདེ་
D287.069.0004a02.01བར་འབེབས་པར་བྱེད་ལ། དུས་མ་ཡིན་པར་འབྱུང་བའི་སེར་བ་དང་། སྤྲིན་དང་། རླུང་དག་གཏོང་བར་མི་བྱེད་དོ། །སངས་རྒྱས་དང་། ཆོས་དང་། དགེ་འདུན་ལ་དད་ཅིང་དད་པས་རྗེས་སུ་འཇུག་པ་ཡིན། སངས་རྒྱས་ཀྱི་སྐུ་གདུང་སྲུང་ལ། ཀླུའི་རྡུལ་དང་བྲལ་
D287.069.0004a03.01བས་ཤིན་ཏུ་བདེ་བ་ཡིན་ནོ། །དེ་ཡང་མིའི་གནས་བཞི་ལ་འདི་ལྟ་སྟེ། འཛམ་བུའི་གླིང་དང་། ནུབ་ཀྱི་བ་ལང་སྤྱོད་དང་། ཤར་གྱི་ལུས་འཕགས་དང་། བྱང་གི་སྒྲ་མི་སྙན་རྣམས་སུ་ཆར་འབེབས་པར་བྱེད་དེ། གང་གི་ཚེ་དགེ་སྦྱོང་དང་། བྲམ་ཟེ་དག་ཆོས་དང་ལྡན་
D287.069.0004a04.01ཞིང་ཆོས་ཀྱི་རྗེས་སུ་འཇུག་པའི་མི་འབྱུང་བ་དེའི་ཚེ། ཆོས་ཀྱི་བྱེ་བྲག་གིས་ཀླུའི་རྒྱལ་པོ་ཆོས་དང་ལྡན་པ་དག་སྟོབས་རབ་ཏུ་ཆེ་བར་འགྱུར་ཏེ། དེའི་ཚེ་ཆར་ལེགས་པར་འབེབས་པར་བྱེད་ཅིང་དེའི་ཚེ་ལོ་ལེགས་པར་འགྱུར་ལ། དྲི་དང་རོ་ཁ་དོག་ཕུན་སུམ་ཚོགས་པར་འགྱུར།
D287.069.0004a05.01འགྲོ་བ་དང་། དུག་དང་། རླུང་གཞན་གྱིས་གནོད་པར་བྱེད་པར་མི་འགྱུར་ཞིང་། འབྲས་བུ་བཟང་པོ་འབྱུང་བར་འགྱུར་ལ། ཉི་མ་དང་ཟླ་བའི་འོད་དག་གིས་གནོད་པར་མི་འགྱུར། ཀླུའི་རྒྱལ་པོ་ཆོས་དང་ལྡན་པ་རྣམས་ནི་ཀླུའི་གདུག་པ་དང་རླུང་དག་གཏོང་བར་མི་བྱེད་
D287.069.0004a06.01དོ། །འཛམ་བུའི་གླིང་གི་སེམས་ཅན་རྣམས་ཀྱི་སྲོག་གི་བར་ཆད་ནི་རྒྱུ་བཞིས་བྱེད་དེ། འདི་ལྟ་སྟེ། ལོ་ཉེས་དང་། མཚོན་གྱིས་འཁྲུགས་པ་དང་། དུག་དང་། རླུང་གིས་རེག་པ་དང་། ཆུའི་ཉེས་པའོ། །དེ་ལ་གལ་ཏེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་སྐྱེ་དགུ་
D287.069.0004a07.01