'phags pa dam pa'i chos dran pa nye bar gzhag pa/
当前为德格木刻版 121b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 121b
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 69 函 · 德格 121b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ལྷ་མོའི་ཚོགས་ཀྱིས་ཉེ་བར་གླུ་ལེན་པ་དང་། ཚལ་དང་ཉེ་བའི་ཚལ་དུ་འཆག་ཅིང་རྩེད་མོ་བྱ་ཞིང་གླུ་དག་བླངས་ཏེ་བདེ་བ་ཉམས་སུ་མྱོང་བར་བྱའོ་སྙམ་མོ། །དེ་ནས་བརྒྱ་བྱིན་འདི་སྙམ་དུ་སེམས་ཏེ། གལ་ཏེ་ལྷ་དང་ལྷ་མོ་དག་གིས་སྐབས་ཕྱེ་ན། བདག་ཁང་{བཟངས་,བཟང་}འདིར་འཇུག་པར་བྱའོ་སྙམ་མོ། །དེ་ནས་ལྷ་དག་གིས་འཕྲལ་ལ་འདི་སྐད་ཅེས་སྨྲས་སོ། །ཁྱོད་རང་གི་སྐྱེད་མོས་ཚལ་དག་ཏུ་གཤེགས་ལ་དགྱེས་པ་མཛད་དུ་གསོལ། དེ་ནས་བརྒྱ་བྱིན་གྱིས་ཚིག་དེ་ཐོས་ནས་ལྷ་དེ་དག་རང་གི་ཚལ་དང་། ཉེ་བའི་ཚལ་དང་སྐྱེད་མོས་ཚལ་དང་། པད་མའི་རྫིང་དང་། མཚེའུ་དང་། རང་གི་སླས་ག་ལ་ཡོད་པ་དེར་རྩེ་བའི་ཕྱིར་འགྲོ་བར་བྱེད་དོ། །དེ་ནས་ལྷའི་རྒྱལ་པོ་དབང་
པོ་ཁང་པ་བརྩེགས་པ་ག་ལ་བ་དེར་འགྲོ་བར་བྱེད་དེ། བཻ་ཌཱུརྱའི་ཚལ་དྲི་མ་མེད་པ་དེར་ཞུགས་ནས་ཐགས་སུ་བཏགས་པ་མ་ཡིན་པའི་ལྷའི་སྟན་ཁྲ་བོ་བཏིང་བའི་སྟེང་དུ་འདུག་གོ། །འདུག་ནས་དེའི་ལེགས་པར་བྱས་པའི་ལས་དང་། དགེ་བའི་ལས་དེས་བསྐུལ་ནས། རྩིག་ངོས་ཤིན་ཏུ་གསལ་བ་ལ་རྟོག་པར་བྱེད་དེ། བརྒྱ་བྱིན་གང་ཚེ་འཕོས་པ་རི་མོར་བྲིས་པ་ལྟ་བུ་དེ་དག་ས་དེར་མཐོང་ངོ་། །དེ་དག་གི་མིང་དེར་བྲིས་པ་རྣམས་ལ་ཡང་རྟོག་པར་བྱེད་དེ་དེར་དབང་པོ་ཚེ་འཕོས་པ་ནི་འདི་རྣམས་ཡིན་ནོ། །འདི་ལྟ་སྟེ། ལེགས་འབྱོར་ཞེས་བྱ་བ་དང་། འབྱོར་པ་ཞེས་བྱ་བ་དང་། ལེགས་སྤྱོད་ལྡན་ཞེས་བྱ་བ་དང་། དཀར་པོ་ཞེས་བྱ་བ་དང་། བློ་གྲོས་བཟང་ཞེས་བྱ་བ་དང་། ཀུན་
བདེ་ཞེས་བྱ་བ་དང་། བརྟན་པ་ཞེས་བྱ་བ་དང་། ཀུན་ཏུ་མིག་ཅེས་བྱ་བ་དང་། མིག་སྟོང་ཞེས་བྱ་བ་དང་། ཐམས་ཅད་དགའ་ཞེས་བྱ་བ་དང་། སྟོང་སྣང་ཞེས་བྱ་བ་དང་། གཟི་བརྗིད་ཕྲེང་ལྡན་ཞེས་བྱ་བ་དང་། དཔལ་འཛིན་ཅེས་བྱ་བ་དང་། མདོག་སྔོན་ཞེས་བྱ་བ་དང་། མི་འཆི་ཞེས་བྱ་བ་དང་། མི་འགྱུར་ཞེས་བྱ་བ་དང་། བདེ་བྱེད་ཅེས་བྱ་བ་དང་། མཆོག་སྦྱིན་འཛིན་ཅེས་བྱ་བ་དང་། བཀྲ་ཤིས་འཛིན་ཅེས་བྱ་བ་དང་། ཀུན་དགའ་ཞེས་བྱ་བ་དང་། བརྒྱ་བྱིན་ཞེས་བྱ་བ་ལ་སོགས་དབང་པོ་སུམ་ཅུ་ལྷའི་འཇིག་རྟེན་ནས་ཚེ་འཕོས་པ་དང་། དགེ་བའི་ལས་ཀྱིས་དེར་སྐྱེས་པ་དང་། དེའི་དགེ་བའི་ལས་ཟད་ནས་ལྷའི་དབང་པོའི་གནས་དེ་ནས་ཚེ་འཕོས་ཏེ། དེ་ནས་ཡང་
སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}རྣམས་ཀྱི་ནང་དུ་སྐྱེས་པ་མཐོང་ཞིང་ལུས་སྡུག་བསྔལ་དུ་མས་མངོན་པར་ཉམས་པ་དག་མཐོང་ངོ་། །ཚེ་རབས་དེ་དག་གི་ནང་དུ་སྐྱེས་པ་དེ་དག་ཤིན་ཏུ་སྡུག་བསྔལ་ཞིང་སྡུག་བསྔལ་གྱིས་གནོད་པ་དེ་རྣམས་གཟུགས་བརྙན་ལྟ་བུར་གྱུར་པ་མཐོང་ངོ་།། །།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 121b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。