完整藏文原文 · 德格版页 当前仅加载第 69 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
བར་སྤྱོད་དེ། ལྷའི་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་པ་རྣམས་ཀྱི་གནས་སོ། །ཀླུའི་རྒྱལ་པོ། འཇོག་པོ་དང་། ནོར་རྒྱས་ཀྱི་བུ་ལ་སོགས་པ་རྒྱལ་བ་ཐོབ་པ་རྣམས་ཀྱང་སྙིང་རབ་ཏུ་དགའ་སྟེ། རང་གི་གནས་ལོངས་སྤྱོད་ལྡན་ག་ལ་བ་དེར་དོང་ངོ་། །
D287.069.0052b01.01ལྷ་མ་ཡིན་བཏག་བཏག་སྟེ་ཉམས་པའི་ལྷག་མ་ལུས་ཤིག་ཤིག་པོར་གྱུར་པ་ཉམས་རབ་ཏུ་ཉམས་པའི་སེམས་ཅན་ངོ་ཚ་ནས་མགོ་སྨད་པ་རྣམས་ཀྱང་། བུད་མེད་རབ་ཏུ་ངུ་ཞིང་ཡིད་དམན་པ་རྣམས་ཀྱིས་མདུན་ནས་བསུ་བ་ན། སྒྲ་གཅན་གྱིས་ལྷ་མ་ཡིན་གྱི་དབང་པོ་སྙིང་
D287.069.0052b02.01སྟོབས་ཉམས་པ་དེ་དག་ལ་སྨྲས་པ། ད་ལྟར་འཐབ་པའི་དུས་ལ་མ་བབ་བོ་ཞེས་ངས་སྔར་མ་བྱས་སམ། ད་དུང་དུ་མིའི་འཇིག་རྟེན་ན་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་མར་འཛིན་པ། ཕར་འཛིན་པ། དགེ་སྦྱོང་དུ་འཛིན་པ། བྲམ་ཟེར་འཛིན་པ། རིགས་ཀྱི་
D287.069.0052b03.01རྒན་རབས་ཀྱི་རྗེས་སུ་འཇུག་པ་དག་ཡོད་པས་ལྷའི་ཕྱོགས་ནི་རབ་ཏུ་འཕེལ་ལ། བདག་ཅག་གི་ཕྱོགས་ནི་འགྲིབ་པོ་ཞེས་བདག་གིས་སྔར་བསྒོ་ན། དེ་ཡང་ཁྱེད་ཀྱིས་མ་མཉན་ཏེ། བདག་གི་ཚིག་དེ་ལྟར་མ་བྱས་པས་འདི་ནི་དེའི་འབྲས་བུ་ཡིན་ནོ། །ལྷ་རྣམས་ཀྱིས་ལྷ་མ་ཡིན་
D287.069.0052b04.01ཉམས་པར་བྱས་པ་འབུམ་ཕྲག་དུ་མ་གང་ཡིན་པ་དག་ལ་སྒྲ་གཅན་གྱིས་དེ་སྐད་སྨྲས་པ་དང་། ལྷ་མ་ཡིན་གཞན་ཞིག་གིས་ཀྱང་སྨྲས་པ། འདི་ལྟར་གཡུལ་འགྱེད་པའི་དུས་ལ་མ་བབ་བོ་ཞེས་སྨྲས་པ། མ་མཉན་པའི་འབྲས་བུ་ནི་འདི་ཡིན་ནོ། །ལྷ་མ་ཡིན་མགུལ་ཕྲེང་
D287.069.0052b05.01གིས་ཀྱང་སྨྲས་པ། འདི་ལྟར་གང་གིས་མི་བྱ་བར་བྱ་བ་དེ་དག་གི་ངོ་བོ་མེད་པ་ལ་བློ་གྲོས་ངན་པ་འདི་སྐྱེས་པ་ཉེ་བར་གནས་སོ། །དེ་དག་ཐམས་ཅད་ཕན་ཚུན་དེ་སྐད་སྨྲེ་ཞིང་རང་རང་གི་གནས་ག་ལ་བ་དེར་དོང་ངོ་། །ཐགས་{བཟངས་,བཟང་}རིས་ཀྱང་གནས་གཞན་བཞི་པར་
D287.069.0052b06.01ངོ་ཚ་ནས་མགོ་སྨད་དེ་ཞུགས་པ་དང་། ལྷ་མ་ཡིན་གྱི་བུ་མོ་ཉམས་པ་རབ་ཏུ་ངུ་ཞིང་ངོམ་ཟུམ་གནག་པ་རྣམས་ཀྱིས་ཡོངས་སུ་བསྐོར་ནས་རང་གི་གནས་སུ་དོང་ངོ་། །ཀླུ་རབ་འཇོམས་ལ་སོགས་པ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ། སྙིང་སྟོབས་རབ་
D287.069.0052b07.01