完整藏文原文 · 德格版页 当前仅加载第 69 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བར་བྱེད། ཡོངས་སུ་སྤྱོད་པར་བྱེད་དོ། །དེར་དེ་དག་གི་རྟག་ཏུ་བཟའ་བ་དང་། བཏུང་བ་ཆུ་བོ་ལྟར་འབབ་སྟེ། འདི་ལྟ་སྟེ། ཆུ་བོ་རོ་ཞིམ་ཞེས་བྱ་བ་དང་། ཆུ་བོ་ཤུགས་ཆེན་འབབ་ཅེས་བྱ་བ་དང་། ཆུ་བོ་དགའ་བཅས་ཞེས་བྱ་བ་དང་། ཆུ་བོ་
D287.069.0128a01.01དགའ་བཅས་ཆེ་ཞེས་བྱ་བ་དང་། ཆུ་བོ་བརྩེགས་འབབ་ཅེས་བྱ་བ་དང་། ཆུ་བོ་ཤུགས་ཕྲེང་ཞེས་བྱ་བ་དང་། ཆུ་བོ་སྟོང་འབབ་ཅེས་བྱ་བ་དང་། ཆུ་བོ་གར་དགར་འབབ་ཅེས་བྱ་བ་སྟེ། ཆུ་བོ་དེ་དག་ནི་མྱོས་པའི་སྐྱོན་དང་བྲལ་ཞིང་། བཏུང་བ་རྣམ་པ་སྣ་ཚོགས་ཐམས་ཅད་རབ་
D287.069.0128a02.01ཏུ་འབབ་པ་ཡིན་ནོ། །རོ་སྣ་ཚོགས་དང་མདོག་སྣ་ཚོགས་ཡོད་པ་ཡིན་ཏེ། འདི་ལྟ་སྟེ། འོ་མའི་མདོག་དང་། པད་མ་རཱ་གའི་མདོག་དང་། ཨན་ད་རྙིལ་གྱི་མདོག་དང་འཐུན་པ་དང་། བཻ་ཌཱུརྱའི་མདོག་དང་། གསེར་གྱི་མདོག་ལྟར་སེར་བ་དང་། ཁ་ཅིག་མདོག་
D287.069.0128a03.01འདྲེས་པ་དང་། ཆུ་ཤིན་ཏུ་དྲི་ཞིམ་ཞིང་བརྟན་པ་དག་ཏུ་ཁྱད་པར་འཕགས་པ་ཡང་འབབ་བོ། །གཞན་ཡང་བཟའ་བ་རོ་དང་། དྲི་དང་མདོག་སྣ་ཚོགས་སུ་འབྱུང་སྟེ། འདི་ལྟ་སྟེ། རོ་ཤ་ཁ་ར་འདྲ་བ་དང་། ལྷའི་དྲི་དང་། མདོག་དང་མདོག་སྐྱ་བོ་དང་། རོ་ཇི་ལྟར་འདོད་
D287.069.0128a04.01པ་དག་སྟེ། ལྷ་རྣམས་ཇི་ལྟར་འདོད་པ་དེ་བཞིན་དུ་བཟའ་བ་རྣམས་ཀྱི་རོ་དེ་དག་ཀྱང་དེ་ལྟར་འགྱུར་རོ། །ཚལ་དང་ནགས་ཚལ་སྣ་ཚོགས་དག་མེ་ཏོག་དྲི་ཞིམ་པོ་རྣམས་ཀྱིས་ཉེ་བར་མཛེས་པར་བྱས་ཤིང་། བྱ་ཁ་དོག་སྣ་ཚོགས་དང་། རྣམ་པ་སྣ་ཚོགས་རྣམས་ཀྱིས་མཛེས་པར་བྱས་
D287.069.0128a05.01པ་ཡིན་ཏེ། དེ་དག་སའི་ཕྱོགས་ཉམས་དགའ་བ་དེར་ལྷ་དང་ལྷ་མོའི་ཚོགས་ཀྱིས་ཡོངས་སུ་བསྐོར་ནས་སིལ་སྙན་དང་། གླུ་དབྱངས་དང་། བྲོ་གར་སྣ་ཚོགས་ཀྱིས་རྩེ་བར་བྱེད། དགའ་བར་བྱེད། ཡོངས་སུ་སྤྱོད་པར་བྱེད་དོ། །དེར་ཚལ་འདི་དག་འབྱུང་བར་འགྱུར་ཏེ། འདི་
D287.069.0128a06.01ལྟ་སྟེ། ཤིང་སཱ་ལའི་ཚལ་དང་། ཤིང་སཱ་ལ་ཆེན་པོའི་ཚལ་དང་། ཇི་ལྟར་འདོད་པའི་ཤིང་ལྗོན་པའི་ཚལ་དང་། མེ་ཏོག་རྟག་ཏུ་ཡོད་པའི་ཚལ་དང་། རླུང་ཇི་ལྟར་འདོད་པ་བཞིན་བདེ་བར་འབབ་པའི་ཚལ་ཏེ། ཚལ་དགའ་བ་དེ་རྣམས་ན་གསེར་གྱི་ལྕུག་མ་འཕྱངས་པས་
D287.069.0128a07.01