完整藏文原文 · 德格版页 当前仅加载第 69 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་དོ། །ལྷའི་ཕྲེང་བ་དང་། གོས་གྱོན་པ་མེ་ཏོག་གི་ཕྲེང་བ་དང་། ཕྱེ་མ་དང་། བྱུག་པ་དང་ལྷན་ཅིག་སྐྱེས་པའི་དྲིས་རྣམ་པར་བརྒྱན་པ་དེ་རེས་འགའ་སྤོས་ཀྱི་ཚལ་ཞེས་བྱ་བ་ཤིང་ལྗོན་པ་སྣ་ཚོགས་ཀྱིས་མཛེས་པར་བྱས་པའི་ཚལ་དུ་ཡང་འཇུག་པར་བྱེད་དོ། །ཚལ་
D287.069.0071a01.01དེ་ན་ཆུ་བོ་དང་། འབབ་ཆུ་དང་། ལྟེང་ཀ་དང་། པད་མའི་རྫིང་དང་། ཤིང་ལྗོན་པས་མཛེས་པར་བྱས་པ་ཡིན་ཏེ། རྣམ་པ་ཇི་ཙམ་དུ་བྱ་འདབ་ཆགས་ཀྱིས་མཛེས་པར་བྱས་པའི་རྣམ་པ་དེ་ཙམ་དུ་འོད་གང་གིས་སྡུག་པ་ལྟ་བུར་ལྷའི་འོད་སྟོང་དང་། འོད་ཀྱི་རྣམ་པ་གཞན་ཡང་སྔོན་
D287.069.0071a02.01པོ་དང་། སེར་པོ་དང་། བཙོད་ཀའི་མདོག་ཏུ་འབྱུང་སྟེ། ཚལ་དེ་ཁ་དོག་བཟང་པོ་ཡིན་ནོ། །ལས་ཀྱི་མཐའ་སྤྱད་པ་ལ་ཞུགས་པའི་ཚལ་དེ་ན་མེ་ཏོག་དུ་མས་བསྒོས་པ་དྲི་ཤིན་ཏུ་ཞིམ་པའི་དྲི་ངད་དང་པོའི་རྫི་འབྱུང་སྟེ། གང་གི་ཚེ་རྫི་དེས་ལོ་མ་དེ་དག་ལ་ཕོག་པར་གྱུར་པ་དེའི་ཚེ་རྫིས་
D287.069.0071a03.01ཕོག་པའི་ལོ་མ་ཕན་ཚུན་རེག་པ་ལས་རོལ་མོའི་སྒྲ་འབྱུང་སྟེ། དེའི་ཁྱད་པར་ནི་ལྷ་མ་ཡིན་གྱི་གནས་ན་སྤྱོད་པའི་རོལ་མོ་དག་གིས་བཅུ་དྲུག་གི་ཆར་ཡང་མི་ཕོད་པའི་རྣམ་པ་དེ་ལྟ་བུ་དག་འབྱུང་ངོ་། །གང་གི་ཚེ་ལོ་མ་རེ་རེ་ལ་ཕོག་པ་དེའི་ཚེ་ཡང་རོལ་མོའི་སྒྲ་ཤིན་ཏུ་ཆགས་སུ་རུང་བ་དག་
D287.069.0071a04.01འབྱུང་སྟེ། དེ་སིལ་སྙན་ཡན་ལག་ལྔ་འབྱོར་ཅིང་ལྡན་པར་གྱུར་ལ། ཡུལ་ཤིན་ཏུ་ཉམས་དགའ་ཞིང་ཡིད་དུ་འོང་བ་རྣམས་ཀྱིས་མྱོས་སོ། །དེ་ནས་ཡང་ལོ་མའི་རོལ་མོའི་སྒྲ་དེས་སྲེད་པ་ལ་ཆགས་ཤིང་དགའ་བ་བག་མེད་པ་བརྒྱ་སྙེད་ལ་གནས་པར་བྱེད་དོ། །སྒྲ་ལ་ཆགས་པ།
D287.069.0071a05.01སྒྲ་ལ་ཞེན་པ། སྒྲས་བསླུས་པ་དེ། ཇི་སྲིད་དུ་དེའི་འདོད་པ་སྡུག་པ་ཡིད་དུ་འོང་བའི་ལས་བྱས་ཤིང་བསགས་པ་ཟད་པར་མ་གྱུར་པ་དེ་སྲིད་དུ། སྒྲ་དང་། དྲི་དང་། རོ་དང་། རེག་བྱ་ཁྱད་པར་དུ་སྡུག་པ་དག་མྱོང་བར་བྱེད་དོ། །དེ་ཕྱིས་ལྷའི་རིས་དེ་ནས་འཆི་བར་འགྱུར་ཏེ། ཤི་ནས་
D287.069.0071a06.01ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན། དེ་ལས་དེ་དང་རྒྱུ་འཐུན་པར་རོལ་མོ་ལ་མངོན་པར་དགའ་བར་འགྱུར་
D287.069.0071a07.01