完整藏文原文 · 德格版页 当前仅加载第 69 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལྔ་ལ་ཆགས། །འདོད་ཆགས་སྐད་ཅིག་མི་འབྱུང་བའང་། །ཡུལ་གྱིས་ཚིམ་པར་མི་བྱེད་དོ། །ཡུལ་རྣམས་ཀུན་གྱི་ནང་ན་གཅིག །འདིར་ནི་བུད་མེད་ཁོ་ན་ལྟ། །ཡུལ་ཀུན་ཟིལ་གྱིས་མནན་ནས་སུ། །འདོད་ཆགས་མེ་ནི་ཆེན་པོར་འབར། །ཚོགས་པ་དང་
D287.069.0090b01.01ནི་མ་ཚོགས་དང་། །འཆི་བ་དང་ནི་གཏམ་བརྗོད་པའང་། །བུད་མེད་རྒྱུ་ལས་ཀུན་འབྱུང་སྟེ། །མེ་ཡིས་མི་འདི་སྲེག་པར་བྱེད། །མེ་ནི་ཚོགས་དང་འབར་འགྱུར་གྱི། །མ་ཚོགས་འབར་བར་མི་འགྱུར་ལ། །ཚོགས་ནའང་འབར་ལ་མ་ཚོགས་ཀྱང་། །ལྷ་རྣམས་འདོད་
D287.069.0090b02.01ཆགས་མེ་འབར་རོ། །མེ་དེའི་ཡུལ་དེ་མེད་པ་དང་། །རྒྱང་རིང་ན་གོ་སྲེག་མི་བྱེད། །འདོད་ཆགས་མེ་ནི་ཉེ་རིང་འདྲ། །མི་བཟད་དགའ་བས་སྲེག་པར་བྱེད། །ཀུན་དུ་རྟོག་པའི་ཤིང་སྐམ་འབྱུང་། །དགའ་བ་ཡ་ཡོའི་ཤུགས་དང་ལྡན། །སྲེག་པའི་མར་ལ་སྨྱུགས་
D287.069.0090b03.01པ་འདི། །འདོད་ཆགས་མེ་ཡིས་དགའ་བས་སྲེག །འདི་ལྟར་མེ་ཡིས་ལུས་གཅིག་ནི། །བསྲེགས་ནས་རབ་ཏུ་ཞི་བར་འགྱུར། །མིང་དང་གཟུགས་དང་མ་བྲལ་བའི། །འདོད་ཆགས་མེ་ནི་ཞི་མི་འགྱུར། །སྲེག་བྱེད་མི་བཟད་མེ་ལ་ནི། །འབྱུང་པོ་དགའ་བར་མི་བྱེད་
D287.069.0090b04.01ལ། །འདོད་ཆགས་མེ་ནི་རབ་རྣོ་ཡང་། །མི་རྣམས་ཡིད་ནི་འབྱུང་མི་བྱེད། །དབང་པོ་ལྔ་ལས་བྱུང་བ་ཡི། །འདི་ནི་ཡུལ་རྣམས་ལྔ་ཡིས་བསྒྲིབས། །སྲེད་པ་རླུང་གི་སྟོབས་དང་མཚུངས། །འདོད་ཆགས་མེ་ཡིས་སྐྱེ་དགུ་སྲེག །རྟོག་པའི་གཙུབ་ཤིང་ལས་བྱུང་བའི། །
D287.069.0090b05.01ཡུལ་རྣམས་ཀྱིས་ནི་ཡོངས་སུ་སྤེལ། །ལུས་ནི་ཤིང་ལྟར་སྲེག་བྱེད་ཀྱང་། །དེ་ནི་སྐྱེ་བོས་མི་མཐོང་ངོ་། །ཇི་ལྟ་ཇི་ལྟར་འདོད་ཆགས་མེ། །རབ་ཏུ་འབར་བས་སྲེག་བྱེད་པ། །དེ་ལྟ་དེ་ལྟར་འདོད་ཆགས་དྲི། །བདེ་བ་བཞིན་དུ་ཡོངས་སུ་བསྟེན། །མེ་ནི་རབ་ཏུ་གསལ་འགྱུར་
D287.069.0090b06.01ལ། །འདོད་ཆགས་མེ་ནི་མུན་པས་བསྒྲིབས། །དེ་བས་དུག་དང་དགྲ་ལྟ་བུ། །བརྟན་པོས་འདོད་ཆགས་མེ་སྤོངས་ཤིག །དེ་ལྟར་དགེ་སློང་དེས་དེ་དག་མཐོང་ནས་འདོད་ཆགས་ཀྱི་མེས་སྲེག་པའི་ལྷ་ལ་སྙིང་བརྩེ་བར་བྱེད་ལ། ལྷའི་སྲིད་པར་གཏོགས་པ་དག་ལ་ཡང་སྐྱོན་དེ་
D287.069.0090b07.01