完整藏文原文 · 德格版页 当前仅加载第 69 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་དག་མཚོ་ཀུན་མཐོང་དེ་ཡོངས་སུ་བསྐོར་ནས་འཁོད་དོ། །དེ་ནས་ཡང་མཚོ་ཡོངས་སུ་བསྐོར་བ་དེ་དག་ཉིད་ཀྱིས་མཚོ་དེའི་ནང་དུ་འཛམ་བུའི་གླིང་གི་མི་མར་འཛིན་པ་དང་། ཕར་འཛིན་པ་དང་། དགེ་སྦྱོང་དུ་འཛིན་པ་དང་། ཆོས་དང་ལྡན་ཞིང་ཆོས་ཀྱི་རྗེས་སུ་
D287.069.0015a01.01འཇུག་པ། ལྷ་དང་འཐུན་པར་སྒྲུབ་པ་དེ་དག་ཤི་ནས་ལྷ་རྣམས་ཀྱི་ནང་དུ་སྐྱེ་བར་འགྱུར་བ་མཐོང་ངོ་། །དེ་ནས་མཚོ་དེའི་ནང་དུ་ལྷའི་ཕྱོགས་ནི་རྒྱལ་བར་འགྱུར། ལྷ་མ་ཡིན་གྱི་ཕྱོགས་ནི་ཕམ་པར་འགྱུར་བ་མཐོང་བ་དང་། ལྷ་མ་ཡིན་མགུལ་ཕྲེང་ཞེས་བྱ་བ་དང་། ལྷ་མ་ཡིན་གྱི་
D287.069.0015a02.01དབང་པོ་བརྟན་པ་ཞེས་བྱ་བ་དེ་དག་འདི་སྙམ་སེམས་ཏེ། ཀྱེ་མ་ལྷ་རྣམས་ནི་མི་ལ་རག་ལས། མིའི་ཁ་ན་ལས། མི་ལ་རྟེན་པ་ཡིན་ཏེ། བདག་ཅག་གིས་གང་མི་རྣམས་ལ་མི་ཕན་པ་དང་། མི་བདེ་བར་བྱ་བའི་ཕྱིར་འབད་པ་དང་། དེ་དག་ཉམས་པས་ལྷ་རྣམས་ཀྱང་ཐུབ་པར་འགྱུར་རོ་སྙམ་
D287.069.0015a03.01དུ་དེ་ལྟར་བསམས་ནས། ལྷ་མ་ཡིན་མགུལ་ཕྲེང་དང་། ལྷ་མ་ཡིན་གྱི་དབང་པོ་བརྟན་པ་དག་སེམས་པར་བྱེད་དེ། འདི་ལྟར་མི་རྣམས་ནི་ཁ་ཟས་ལ་རག་ལས་ཤིང་རྟེན་པ་ཡིན་ཏེ། མི་དེ་རྣམས་ཀྱི་ཁ་ཟས་ཆུད་གསན་པ་ལ་འབད་པར་བྱའོ་སྙམ་ནས། དེ་དག་གིས་དེ་ལྟར་ཤེས་ནས་རྒྱ་
D287.069.0015a04.01མཚོའི་ནང་ན་ཀླུ་ཆོས་དང་མི་ལྡན་པ་ཁྲོ་བའི་ཤས་ཆེ་བ། རྟག་ཏུ་གནོད་པའི་བསམ་པ་ཅན་འཁོད་པ་གང་ཡིན་པ་དེ་དག་ལ་སྨྲ་བར་བྱེད་དེ། འདི་ལྟ་སྟེ། ཀླུའི་རྒྱལ་པོ་རབ་འཇོམས་དང་། ཀླུའི་རྒྱལ་པོ་ནག་པོ་དང་། ཀླུའི་རྒྱལ་པོ་བསྒྱིངས་པ་དང་། ཀླུའི་རྒྱལ་པོ་ཧུ་ལུ་ཧུ་ལུ་སྟེ། དེ་
D287.069.0015a05.01དག་ལ་སོགས་པ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་རྣམས་ལ། ལྷ་མ་ཡིན་མགུལ་ཕྲེང་དག་ན་རེ། འདི་ལྟར་ཁྱེད་ཅག་ལ་རག་ལས་པའི་མི་དེ་དག་ནི་ལྷའི་ཕྱོགས་ཡིན་ལ། དེ་དག་གི་སྲོག་ཀྱང་ཁ་ཟས་ཀྱིས་འཚོའོ། །ཁྱེད་ཅག་ལ་རག་ལས་པ་ཁ་ཟས་ཀྱིས་འཚོ་བའི་
D287.069.0015a06.01མི་དེ་དག་ཇི་ལྟར་མེད་པར་འགྱུར་བ་དེ་ལྟར་གྱིས་ཤིག །གང་གི་ཕྱིར་འདི་ལྟར་ཁྱེད་ཅག་དང་། ཀླུའི་རྒྱལ་པོ་ནོར་རྒྱས་དང་། འཇོག་པོ་ལ་སོགས་པ་ཤིན་ཏུ་དགྲར་གྱུར་པ་ལྟར་བདག་ཅག་དང་ལྷ་རྣམས་ཀྱང་དེ་ལྟ་བུ་ཡིན་ཏེ། ཁྱེད་ཅག་གིས་བདག་ཅག་གི་གྲོགས་བྱ་བ་དེ་ནི་
D287.069.0015a07.01