完整藏文原文 · 德格版页 当前仅加载第 69 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་བུའི་རོ་རྣམས་ཀྱིས་མྱོས། བཻ་ཌཱུརྱའི་བུང་བ་དག་ནི་མེ་ཏོག་གི་རོ་རྣམས་ཀྱིས་མྱོས། ཁུ་བྱུག་དག་ནི་དཔྱིད་མཐོང་ནས་མྱོས། འགྲམ་ན་རྒྱུ་བའི་བྱ་དག་ནི་ཆང་གི་རོ་རྣམས་ཀྱིས་མྱོས། དེ་བཞིན་དུ་ལྷ་རྣམས་ནི་ལྷའི་འདོད་པའི་ཡོན་ཏན་ལྔ་རྣམས་ཀྱིས་མྱོས། དེ་བཞིན་དུ་
D287.069.0098a01.01ལྷ་མོ་རྣམས་ཀྱང་ལྷའི་ཚོགས་དང་ལྷན་ཅིག་འདོད་པའི་རོས་མྱོས་ཏེ། དེ་ལྟར་འདོད་པའི་རོས་མྱོས་པའི་བུད་མེད་རྣམས་ནི་གཞན་གྱིས་མྱོས་པར་མི་འགྱུར་གྱི། འདི་ལྟར་བུད་མེད་ཐམས་ཅད་ནི་འདོད་པ་ལྷུར་ལེན་པ་ཡིན་ལ། དེ་ལ་སེམས་ཞུགས། དེ་ལ་གཞོལ། དེ་ལ་གནས། དེའི་རང་བཞིན་
D287.069.0098a02.01ཡིན་ནོ། །ལྷ་དེ་དག་ཀྱང་མྱོས་བྱེད་མཐོང་ནས་བརྒྱ་འགྱུར་དུ་མྱོས་པ་རྣམས་དེ་ན་དགའ་བར་བྱེད་དོ། །དེ་ལྟར་ལྷ་དེ་རྣམས་ཇི་སྲིད་དུ་འདོད་པ་སྡུག་པ་ཡིད་དུ་འོང་བའི་ལས་ཟད་པར་མ་གྱུར་པ་དེ་སྲིད་དུ་དེ་ན་དགའ་བར་བྱེད་དོ། །དེ་ལས་དེ་ཟད་ནས་ལྷའི་རིས་དེ་ནས་ཀྱང་འཆི་བར་འགྱུར་ཏེ།
D287.069.0098a03.01ཤི་ནས་ཀྱང་ལས་ཉེ་བར་འགྲོ་བ་ཇི་ལྟ་བ་བཞིན་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་འཁོར་བར་འགྱུར་རོ། །གལ་ཏེ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན། བསོད་ནམས་གཅིག་པ་དེ་དག་ཐམས་ཅད་ཡུལ་དང་ལྗོངས་དང་གྲོང་ཁྱེར་གཅིག་ཏུ་སྐྱེ་
D287.069.0098a04.01བར་འགྱུར་ཞིང་ཐམས་ཅད་འབྱོར་པ་ཕུན་སུམ་ཚོགས་པ་དང་། ཐམས་ཅད་རིགས་ཆེ་ཞིང་བཙུན་པར་སྐྱེ་བ་དང་། ཐམས་ཅད་ཕན་ཚུན་དགའ་ཞིང་བྱ་བ་གཅིག་པ་དང་། དགེ་བའི་ནང་དུ་སྐྱེ་བར་འགྱུར་བ་མཐོང་སྟེ་དེ་དག་ལས་དེ་དང་རྒྱུ་འཐུན་པར་དགེ་བའམ་མི་དགེ་བ་གང་ཡིན་པ་དེ་དག་
D287.069.0098a05.01ཐམས་ཅད་ཀུན་ལ་འབྱུང་གི་སོ་སོ་ལ་ནི་མ་ཡིན་ནོ། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། ལྷ་པི་བང་ཅན་གསུམ་པའི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས། ལྷ་པི་བང་ཅན་གསུམ་པ་རྣམས་ཀྱི་གནས་ཡང་དག་ཆགས་
D287.069.0098a06.01སྤྱོད་ཅེས་བྱ་བ་ཇི་ལྟར་འདུག་པ་མཐོང་ངོ་། །དེར་སེམས་ཅན་དག་ལས་གང་གིས་ཀ་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཞལ་ཏ་པ་ཚུལ་ཁྲིམས་དང་ལྡན་པར་གྱུར་པ་གང་གིས་ཁྱིམ་པ་གཞན་དག་དགའ་བར་བྱས། གཟེངས་བསྟོད་མགུ་བར་བྱས།
D287.069.0098a07.01