完整藏文原文 · 德格版页 当前仅加载第 69 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
པ། གང་ཞིག་བག་ཡོད་ཐོབ་ནས་སུ། །མི་ཡི་ཚེ་ནི་ལེགས་པར་ཐོབ། །ལེགས་པར་བྱ་བའི་ལས་བྱས་ན། །ལྷ་ཡི་འཇིག་རྟེན་ཉེ་བར་འགྲོ། །མི་ཡི་ཚེ་ནི་རྙེད་དཀའ་སྟེ། །དེ་ནི་རྙེད་ནས་བག་མེད་གང་། །མི་དེ་བག་མེད་མུན་པ་ལས། །འཁྱམས་ནས་སེམས་
D287.069.0234b01.01ཅན་དམྱལ་བར་ལྟུང་། །ལེགས་བྱས་རྣམ་པ་གསུམ་བྱས་ཤིང་། །རྣམ་པ་བདུན་ཡང་གོམས་བྱས་ལ། །དགྲ་གསུམ་བསད་པའི་མི་དག་ནི། །ལྷ་རྣམས་ཀྱི་ནི་ནང་དུ་འགྲོ། །ཉོན་མོངས་ངེས་པར་སེལ་བྱེད་ལ། །དགའ་བས་སེལ་བར་མི་བྱེད་གང་། །དགའ་བ་བསལ་
D287.069.0234b02.01བའི་དག་པ་དེ། །ལྷ་རྣམས་ཀྱི་ནི་ནང་དུ་འགྲོ། །སྡུག་བསྔལ་ཆེན་པོའི་སྒོར་གྱུར་པ། །སེར་སྣ་ངེས་པར་བསལ་བྱས་ཤིང་། །སྦྱིན་པའང་སྣ་ཚོགས་བྱིན་པ་ནི། །ལྷ་རྣམས་ཀྱི་ནི་ནང་དུ་འགྲོ། །སྲོག་ཆགས་དག་ནི་སྲོག་བཞིན་དུ། །སྙིང་བརྩེས་རྟག་ཏུ་བསྲུང་བྱས་
D287.069.0234b03.01ཤིང་། །བྱམས་སེམས་རྟག་ཏུ་དུལ་བ་དག །ལྷ་རྣམས་ཀྱི་ནི་ནང་དུ་འགྲོ། །མ་བྱིན་མེ་ལྟར་རིག་ནས་སུ། །ཀུན་ནས་བྱིན་པ་བྱས་གྱུར་ཞིང་། །སེམས་དང་བློ་གྲོས་བསྒོམས་པ་ནི། །ལྷ་རྣམས་ཀྱི་ནི་ནང་དུ་འགྲོ། །དེ་ཉིད་དོན་ལ་སེམས་པ་པོ། །གཞན་གྱི་ཆུང་
D287.069.0234b04.01མའང་མ་ལྟར་ལྟ། །འདོད་སྐྱེས་ཉེས་པས་མ་གོས་པ། །ལྷ་རྣམས་ཀྱི་ནི་ནང་དུ་འགྲོ། །གང་ཞིག་རང་སེམས་མེ་འདི་དག །ལྕེ་ཡི་གཙུབ་ཤིང་ཡང་དག་བྱུང་། །{བརྫུན་,རྫུན་}དུ་སྨྲ་བ་རྗོད་བྱེད་གང་། །དེ་ནི་བཅོམ་ན་བདེ་འགྲོར་འགྲོ། །བཤེས་གྲོགས་རྟག་ཏུ་དོན་མེད་བྱེད། །ཕྲ་མ་རྟག་ཏུ་
D287.069.0234b05.01བཅོམ་ནས་སུ། །འཇམ་པོར་སྨྲ་བར་དགའ་བ་ནི། །ལྷ་རྣམས་ཀྱི་ནི་ནང་དུ་འགྲོ། །མཚོན་ཆ་ལྟ་བུའི་ཚིག་རྩུབ་དག །བརྟན་པོས་ཡོང་ཡེ་སྤོང་བྱེད་ལ། །རྟག་ཏུ་ཚིག་འཇམ་རབ་ཏུ་སྨྲ། །དེ་ནི་བདེ་འགྲོར་འགྲོ་བར་འགྱུར། །གང་གི་ལྕེ་ཡི་རྩེ་མོ་ལ། །འབྲེལ་མེད་མི་སྨྲ་མི་འགྱུར། །
D287.069.0234b06.01ཡང་དག་སྨྲ་ལ་དུས་ཉིད་ཤེས། །ལྷ་རྣམས་ཀྱི་ནི་ནང་དུ་འགྲོ། །སངས་རྒྱས་གསུངས་པའི་རྣམ་པ་བདུན། །གང་གིས་ཚུལ་ཁྲིམས་འདི་བསྲུངས་པ། །བརྟན་པོ་ཚུལ་ཉིད་ཤེས་པ་དེ། །ལྷ་རྣམས་ཀྱི་ནི་ནང་དུ་འགྲོ། །དེ་ལྟར་ལྷ་གསར་དུ་སྐྱེས་པ་དེ་ཕྱིར་ཕྱོགས་པ་སྐྱེས་མ་ཐག་ཉིད་དུ་ཚེ་རབས་དྲན་ནས་
D287.069.0234b07.01