完整藏文原文 · 德格版页 当前仅加载第 69 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལུས་ནི་ཉེ་བར་འཛིན་པ་ཡིན་ནོ། །མིག་ནི་ཧ་ཅང་རིང་བ་ཡང་མ་ཡིན། ཧ་ཅང་ཉེ་བ་ཡང་མ་ཡིན་པར་འཛིན་པ་ཡིན་ནོ། །རྣ་བ་ནི་ཧ་ཅང་རིང་བར་འཛིན་པ་མ་ཡིན་ནོ། །སྣ་ནི་ཤིན་ཏུ་ཉེ་བར་འཛིན་པ་ཡིན་ཏེ། ཤིན་ཏུ་ཉེ་བ་ནང་ན་ཡོད་པའི་སྣ་ཆུ་དྲི་མི་ཞིམ་པ་ཇི་ལྟར་མྱོང་བ་རྣམས་
D287.069.0246b01.01ལ་སྣོམ་པར་བྱེད་དོ། །དེ་བཞིན་དུ་རྣ་བ་ཡང་ནང་དུ་ཞུགས་པའི་རླུང་གི་སྒྲ་ཐོས་སོ། །རྣམ་པར་ཤེས་པ་དེ་དག་ཐམས་ཅད་ཀྱང་རྣམ་པར་ཤེས་པ་གཉིས་ཀྱིས་ཤེས་ཏེ། མིག་གི་རྣམ་པར་ཤེས་པ་དང་ཡིད་ཀྱི་རྣམ་པར་ཤེས་པའོ། །ཡང་དག་པར་འབྲེལ་བ་དེ་དག་ཐམས་ཅད་ནི་
D287.069.0246b02.01ཇི་ལྟར་མེ་གང་ཞིག་ལ་བུད་ཤིང་ཐ་དད་པ་ལས་མེ་ཐ་དད་པར་འགྱུར་བ་དེ་ལྟར་རྣམ་པར་ཤེས་པ་རྣམས་ཀྱང་རྒྱུ་དང་རྐྱེན་ཐ་དད་པ་ལ་རྟེན་པ་ལས་རྣམ་པར་ཤེས་པ་ཐ་དད་པར་འབྱུང་ངོ་། །དེ་ལྟར་སྐྱེ་མཆེད་རྣམས་ཀྱི་གཙོ་བོ་ཤེས་པ་གང་ཡིན་པ་དེ་ནི་བག་མེད་པ་ལ་གནས་པར་མི་འགྱུར་
D287.069.0246b03.01ཞིང་། དེ་དེ་རྣམས་ལ་ཆགས་པར་མི་འགྱུར། སློང་བར་མི་འགྱུར། ཞེ་སྡང་འབྱུང་བར་མི་འགྱུར་རོ། །སྐྱེས་བུ་དམ་པ་ནི་འཆི་བའི་ཚེ། གཤིན་རྗེའི་མི་རྣམས་ཀྱིས་འཇིགས་པར་མི་འགྱུར་ཞིང་བཞིན་མི་སྡུག་པར་བསྒྱུར་བ་རྣམས་ཀྱིས་འཇིགས་པར་མི་འགྱུར། ལིག་རིས་ལག་པ་
D287.069.0246b04.01ཕྱིན་ཅི་ལོག་ཏུ་བཅིངས་པར་མི་འགྱུར། གཤིན་རྗེའི་འཇིག་རྟེན་མཐོང་བར་མི་འགྱུར། སེམས་ཅན་དམྱལ་བ་དང་{ཡི་དགས་,ཡི་དྭགས་}དང་དུད་འགྲོའི་ནང་དུ་སྐྱེ་བར་མི་འགྱུར་རོ། །དེ་ཤིན་ཏུ་བདེ་བ་དང་ལྡན་པར་འགྱུར་ཞིང་། མཐའ་ལས་བྱུང་བའི་ཤིན་ཏུ་བདེ་བ་མྱོང་བར་འགྱུར་ལ་བག་
D287.069.0246b05.01མེད་པས་ཕྲོགས་པར་མི་འགྱུར་རོ། །ཡང་སྐྱེ་མཆེད་དེ་དག་ཉིད་ལ་མི་རྟག་པ་དང་སྡུག་བསྔལ་བ་དང་སྟོང་པ་དང་བདག་མེད་པའི་གནས་དང་རྟེན་ཟིལ་གྱིས་གནོན་ཅིང་སོ་སོར་རྟོག་པར་བྱེད་པ་ནི་བག་མེད་པའི་དབང་དུ་མི་འགྱུར་རོ། །མིག་གི་རྣམ་པར་ཤེས་པ་བྱུང་བ་ལ་ཡང་གསོབ་གསོག་
D287.069.0246b06.01སྙིང་པོ་མེད་པ་སྒྱུ་མ་ལྟ་བུར་རྟོག་གོ། །དེ་ཞིག་ནས་གཞན་རྣ་བའི་རྣམ་པར་ཤེས་པ་འབྱུང་བ་དེ་ཉིད་ལ་ཡང་། གསོབ་གསོག་སྙིང་པོ་མེད་པ་དང་། དེ་བཞིན་དུ་ནང་གི་སྐྱེ་མཆེད་དྲུག་དང་ཕྱིའི་སྐྱེ་མཆེད་དྲུག་ལ་སོ་སོར་རྟོག་པར་བྱེད་དོ། །སྐྱེ་བ་དང་འཇིག་པ་དག་ན་འཛིན་པར་བྱེད་པ། རོ་མྱང་
D287.069.0246b07.01