完整藏文原文 · 德格版页 当前仅加载第 69 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་སོང་ལ་དེ་རྣམས་དང་ལྷན་ཅིག་འདྲེ་བར་བྱའོ་སྙམ་མོ། །དེས་འདི་ལྟར་བདག་འདྲེས་པར་གྱུར་ཏོ་སྙམ་དུ་ཤེས་པ་དང་ཇི་ལྟར་གཉིད་ལས་སད་པ་དེ་ལྟར་དེ་དེར་སྐྱེ་བར་འགྱུར་ལ། དེའི་སྐྱེས་པ་དེ་དག་དང་བུད་མེད་དེ་དག་ཀྱང་མི་སྣང་བར་གྱུར་ཏོ། །མཐོ་རིས་ཀྱི་ཚལ་
D287.069.0261a01.01དང་ཉེ་བའི་ཚལ་ཕུན་སུམ་ཚོགས་པར་བདག་ཉིད་སྐྱེས་པར་མཐོང་སྟེ། དེ་དེ་ལྟར་སྐྱེ་བར་འགྱུར་རོ། །གནས་གཞན་བཅུ་གཅིག་པ་ནི་དེ་ལྟ་བུ་ཡིན་ཏེ། དེ་ལྟར་མིའི་གནས་བཞི་པ་དང་གཞན་ཡང་འཇིག་རྟེན་མཐའ་ཡས་པའི་སྐྱེ་བ་འབྱུང་བར་འགྱུར་རོ། །གཙོ་བོ་དག་འགྲོ་བ་བར་མི་
D287.069.0261a02.01འབྱེད་པ་འདི་ནི་ཕྲ་བ་སྟེ། ཕྱི་རོལ་པའི་ཤེས་པ་འཇིག་རྟེན་པའི་ལྟ་བ་དང་ཡང་དག་པར་ལྡན་པ་གང་ཡང་རུང་བ་དག་གིས་དེ་དག་ཤེས་པར་མི་ནུས་སོ། །ལས་མི་དགེ་བས་{ཡི་དགས་,ཡི་དྭགས་}རྣམས་ཀྱི་ནང་དུ་སྐྱེས་པ་མི་དགེ་བ་དེ་ཟད་པར་འགྱུར་ལ། ཉེས་པར་བྱས་པའི་ལས་ཀྱི་མཐའ་
D287.069.0261a03.01སྤྱད་པ་དེ་ཟད་ནས་འགྲོ་བ་གཞན་དུ་སྤྱད་པ་ལེགས་པར་བྱས་པ། ལན་གྲངས་གཞན་ལ་མྱོང་བར་འགྱུར་བ། ཕ་མ་ལྟ་བུར་ཤིན་ཏུ་ཡིད་དུ་འོང་བ། སོ་སོ་ཡང་དག་པར་མྱོང་བར་འགྱུར་བས་གང་གི་ཚེ་ལྷ་རྣམས་ཀྱི་ནང་དུ་སྐྱེ་བར་འགྱུར་བ་དེའི་ཚེ། མཚན་མ་འདི་ཅི་དག་
D287.069.0261a04.01ཅིག་འབྱུང་སྲིད་པ་ཐ་མའི་སེམས་ལ་མཚན་མ་ཇི་ལྟ་བུ་དག་འབྱུང་བར་འགྱུར་ཞེ་ན། གཙོ་བོ་དག་དེ་ལ་གང་གི་ཚེ་{ཡི་དགས་,ཡི་དྭགས་}འཆི་ཞིང་མཐོ་རིས་སུ་སྐྱེ་བར་འགྱུར་བ་དེའི་ཚེ། དེའི་ལུས་བཀྲེས་པ་དང་སྐོམ་པས་གདུངས་པ་སེམས་རྟག་ཏུ་ཕྲག་དོག་དང་སེར་སྣས་ཉམས་པ།
D287.069.0261a05.01རྟག་ཏུ་ཁ་ཟས་ལ་བརྐམ་པར་གྱུར་པ། རྟག་ཏུ་བཏུང་བ་ལ་ཆགས་པ་གང་ཡིན་པ་དེ་བཟའ་བ་དང་བཏུང་བ་ལ་མ་གཏོགས་པར་གཞན་དུ་རྒྱུག་པ་དེ་ཉུང་བར་འགྱུར། དེའི་ལུས་བསིལ་བར་འགྱུར་ཞིང་ལྷག་པར་སྲ་བར་མི་འགྱུར་ལ། དེའི་སྤུ་ཡང་རིང་ཞིང་སྡུག་པར་
D287.069.0261a06.01མི་འགྱུར། སྲིན་བུས་གང་བ་དེ་དག་ཐམས་ཅད་ཞིགས་པར་འགྱུར། དེའི་བཞིན་གྱི་མདོག་ཀྱང་གསལ་བར་འགྱུར། དེ་ལ་རླུང་བསིལ་ཞིང་བདེ་བ་རྣམས་རེག་པར་འགྱུར་རོ། །དེའི་འོག་ཏུ་སྲིད་པ་ཐ་མ་པའི་མཚན་མ་དང་ཉེ་བར་གྱུར་ཅིང་། བཀྲེས་པ་དང་སྐོམ་པ་ཤིན་ཏུ་
D287.069.0261a07.01