完整藏文原文 · 德格版页 当前仅加载第 69 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྲམ་ཟེ་གཞན་དག་གིས་ལྷ་དེ་རྣམས་མཐོང་ནས་གཟུགས་སམ་སྤྱོད་པ་ནི་ཤེས་ལ། དེ་དག་གིས་དེ་རྣམས་ཟས་ཟ་བ་མ་མཐོང་། སྦྱིན་པ་བྱེད་པ་མ་མཐོང་བ་དང་འདི་སྙམ་དུ་སེམས་ཏེ། འདི་ལྟར་ལྷ་འདི་རྣམས་ཟས་མི་ཟ། སྐོམ་མི་འཐུང་བ་ལས་ན།
D287.069.0225b01.01གོར་མ་ཆག་པར་བདག་ཅག་གིས་ཀྱང་ཟས་མ་ཟོས་ཀྱང་དེ་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་སྙམ་ནས་དེ་དག་ལས་ཀྱི་འབྲས་བུ་ལ་སྐུར་པ་འདེབས་ཤིང་། འདི་ལྟར་ཟས་མ་ཟོས་པའམ་ཟས་ཞིམ་པོ་མ་ཟོས་པས་མཐོ་
D287.069.0225b02.01རིས་འཐོབ་པར་འགྱུར་རོ་ཞེས་བསྟན་བཅོས་ངན་པ་དག་ཀྱང་བྱེད་ལ། དེ་གཞན་དག་ཀྱང་གཏན་ཚིགས་དང་དཔེ་ངན་པ་སྟོན་པའི་ཚིག་རྣམས་ཀྱིས་དེ་ཉིད་འཛིན་དུ་འཇུག་པར་བྱེད་དེ། དེ་ལྟར་བདག་དང་གཞན་ལོག་པར་ལྟ་བ། ལས་ཀྱི་འབྲས་བུ་ལ་སྐུར་པ་
D287.069.0225b03.01འདེབས་པ་ནི། ལུས་དང་བྲལ་ནས་ངན་འགྲོ་ལོག་པར་ལྟུང་བ། སེམས་ཅན་དམྱལ་བའི་ནང་དུ་སྐྱེ་བར་འགྱུར་རོ། །དེ་ལྟར་དེ་ཁོ་ན་ཉིད་མ་མཐོང་བ་ནི་ངན་འགྲོ་ཐམས་ཅད་ཀྱི་སྒོར་གྱུར་པ་ཡིན་ནོ། །ལྷ་དེ་རྣམས་ཀྱི་སྐད་ཅིག་ཙམ་མམ་ཐང་ཅིག་ཙམ་མམ་དེ་
D287.069.0225b04.01ཙམ་གང་ཡིན་པ་དེ་ལ་མི་རྣམས་ཀྱི་ལོར་བགྲངས་ན་ཡུན་རིང་སྟེ། དེ་ལ་བྲམ་ཟེ་དེ་དག་འདི་ལྟར་ལྷ་འདི་དག་ནི་རྟག་པ་བརྟན་པ་ཐེར་ཟུག་པ་མི་འགྱུར་བའི་ཆོས་ཅན་ཡིན་ལ། དེ་དག་འཇིག་རྟེན་སྐྱེད་པར་ཡང་བྱེད་ལ་འཇིག་པར་བྱེད་པ་ཡིན་ནོ་ཞེས་དེ་ལྟར་བསྟན་བཅོས་
D287.069.0225b05.01བྱེད་ཅིང་གཞན་དག་ཀྱང་དེ་ཉིད་ལ་འཛིན་དུ་འཇུག་པར་བྱེད་པ། རྒྱུ་དང་འབྲས་བུ་ལ་སྐུར་པ་འདེབས་པ་དེ་ནི་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བའི་ནང་དུ་སྐྱེ་བར་འགྱུར་རོ། །དེ་ལྟར་སེམས་ཀྱི་དགྲས་ཡོངས་སུ་བསླུས་པའི་སེམས་ཅན་
D287.069.0225b06.01རྣམས་རྣམ་པ་དུ་མར་དེ་ཁོ་ན་ཉིད་ལ་མི་ལྟ་བ། དེ་ཁོ་ན་ཉིད་མ་མཐོང་བ་ནི་ལྟ་བར་གྱུར་པའི་བསྟན་བཅོས་དག་བྱེད་དོ། །དེ་ནས་དེ་ལྟར་དེ་ཁོ་ན་ཉིད་མ་ཡིན་པས་སེམས་ཡོངས་སུ་བསླུས་པའི་སེམས་ཅན་རྣམས། དགེ་སློང་དེས་མངོན་པར་མཐོང་ནས་ཚིགས་སུ་
D287.069.0225b07.01