'phags pa dam pa'i chos dran pa nye bar gzhag pa/
当前为德格木刻版 199a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 199a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 69 函 · 德格 199a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སུ་བཅད་པ་དེ་དག་སྨྲས་ནས། དེ་ནས་ཡང་གུས་པ་ཆེན་པོ་སྐྱེས་པའི་ཡིད་རབ་ཏུ་གསལ་བས་བཅོམ་ལྡན་འདས་དེ་ཉིད་ལ་ཕྱག་འཚལ་ལོ། །དེ་ནས་ཡུན་རིང་དུ་བག་ཡོད་པ་བསྔགས་ཤིང་བག་མེད་པ་སྨད་ནས་ཡང་ལྷ་དེ་དག་ག་ལ་བ་དེ་ཉིད་དུ་སོང་ངོ་། །དེ་ནས་ལྷ་རྣམས་ཀྱང་བརྒྱ་བྱིན་དེ་མཐོང་ནས། དེ་དག་གུས་པས་{རིངས་,རིང་}ཐབས་སུ་བརྒྱ་བྱིན་ག་ལ་བ་དེར་དོང་ངོ་། །དེ་ནས་བརྒྱ་བྱིན་གྱིས་ཀྱང་དེ་དག་གི་ནང་དུ་ཚིགས་སུ་བཅད་པ་འདི་དག་སྨྲས་ཏེ། འདི་ལྟར་ཚིགས་སུ་བཅད་པ་འདི་དག་ནི་བདག་ཅག་ལ་ཕན་པ་དང་བདེ་བའི་ཕྱིར། བཅོམ་ལྡན་འདས་དོན་མཛད་
པར་བཞེད་པ་དེས་བྲིས་པ་ཡིན་ནོ། །དེ་དག་ཐོས་ནས་ཡིད་རབ་ཏུ་དང་བའི་ལྷ་དེ་དག་ཀུན་ཀྱང་བཅོམ་ལྡན་འདས་ལ་ཕྱག་འཚལ་ཞིང་འདི་སྐད་ཀྱང་སྨྲ་སྟེ། འདི་ལྟར་བཅོམ་ལྡན་འདས་དེ་ངེས་པར་སྐྱེ་བོའི་མིག་ཡིན་ཏེ། དེས་བདག་ཅག་གི་དོན་དུ་ཚིགས་སུ་བཅད་པ་འདི་དག་གསུངས་པ་ལྟ་ཞེས་སྨྲས་ནས། དེ་དག་དེ་ན་ཡུན་རིང་ཞིག་ཏུ་ཤིན་ཏུ་བག་ཡོད་པར་གྱུར་ཏོ། །དེ་ནས་གཞན་ཡང་ལྷ་དག་གིས་སིལ་སྙན་དང་རོལ་མོའི་སྒྲ་དབྱངས་རྣམ་པ་ཤིན་ཏུ་མང་པོ་དག་བླངས་པ་དང་དེ་ནས་ལྷ་དེ་དག་གིས་འདི་ལྟར་འདི་དག་ནི་ཞིབ་ཏུ་སྤྱོད་པའི་ལྷ་དག་སྐྱེད་མོས་ཚལ་དུ་དགའ་
སྤྱོད་བྱེད་དུ་འདོང་སྟེ། གནས་འདིར་དོང་ཞིང་སིལ་སྙན་དང་རོལ་མོའི་སྒྲ་དབྱངས་སྣ་ཚོགས་ཉེ་བར་ལེན་ལ། ལྷ་མོའི་ཚོགས་རྣམ་པ་དུ་མ་གླུ་དབྱངས་ལེན་ཞིང་འདིར་འོང་ངོ་སྙམ་དུ་དེ་དག་རིག་ནས། གང་ལྷ་དེ་དག་སྐྱེད་མོས་ཚལ་དུ་དགའ་སྤྱོད་བྱེད་དུ་འདོང་བར་བདག་ཅག་ཀྱང་དེ་དག་གི་དྲུང་ཉིད་དུ་ངེས་པར་འདོང་བར་བྱའོ་སྙམ་མོ། །དེ་ནས་དེ་ལྟར་རིག་ནས་བག་མེད་པའི་ངོ་བོ་ཉིད་ཀྱིས་ཕྲོགས་པ་རྣམས། དེ་ནས་ཡང་སིལ་སྙན་གྱི་སྒྲ་དང་གླུ་དབྱངས་དང་རོལ་མོའི་སྒྲ་སྣ་ཚོགས་ཕྱུང་ནས། ཞིབ་ཏུ་སྤྱོད་པའི་ལྷ་དེ་དག་ག་ལ་བ་དེར་ཕན་ཚུན་ཤིན་ཏུ་མཐོང་བར་འདོད་པ་རྣམས་
དོང་སྟེ། ཡིད་རྟག་པར་རབ་ཏུ་དགའ་བའི་ཚལ་དང་ཉེ་བའི་ཚལ་རིན་པོ་ཆེ་སྣ་ཚོགས་དང་ལྡན་པ། གསེར་གྱི་ལྕུག་མ་འཕྱང་བས་ཁེབས་པ་རྣམས་སུ་ཇི་སྲིད་དུ་འདོད་པ་སྡུག་པ་ཡིད་དུ་འོང་བ་བྱས་ཤིང་བསགས་པའི་ལས་དེ་ཟད་པར་མ་གྱུར་པ་དེ་སྲིད་དུ་ཕན་ཚུན་དགའ་བར་བྱེད་རྩེ་བར་བྱེད་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 199a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。