'phags pa dam pa'i chos dran pa nye bar gzhag pa/
当前为德格木刻版 125a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 125a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 69 函 · 德格 125a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文འཁོར་བ་འདི་ལས་ཐར་བར་འགྱུར་རོ། །གང་འདུས་བྱས་ཀྱི་རྣམ་པ་འཇིག་པ་མེད་པའི་མཐའ་འམ། ཟད་པ་མེད་པའི་མཐའ་འམ། ཆུད་ཟ་བ་མེད་པའི་མཐའ་འམ། ཚེ་རབས་སུ་འགག་པ་མེད་པའི་ཆོས་ཞེས་བྱ་བའི་གནས་གཞན་འཁོར་བ་ན་མེད་དོ། །གང་ན་གཏན་དུ་བདེ་བར་འགྱུར་བ་དང་། ལྟུང་བའི་མཐའ་མེད་པ་དང་། ཟད་པ་དང་འཇིག་པའི་མཐའ་མེད་པ་དང་། འབྱུང་བ་དང་འཇིག་པར་འགྱུར་བའི་ཆོས་ཅན་མ་ཡིན་པ་མེད་དོ། །དེ་ནས་བརྒྱ་བྱིན་གྱི་ཁ་ནས་ཚིག་དེ་དག་ཐོས་ནས། ལྷ་གང་ཚེ་རབས་གཞན་དག་ཏུ་
སེམས་བསྒོམས་པ་དམ་པའི་ཆོས་ལ་མངོན་པར་དགའ་ཞིང་། བློ་ཤིན་ཏུ་ཞན་པ་དེ་དག་ནི་ཡིད་ལ་བག་ཡོད་པར་འགྱུར་ཞིང་། སངས་རྒྱས་དང་། ཆོས་དང་། དགེ་འདུན་རྣམས་ལ་གཅིག་ཏུ་དད་ལ། མྱ་ངན་ལས་འདས་པའི་ས་བོན་བདེ་བའི་ལས་འཕེན་པར་བྱེད་དོ། །ཡིད་མ་བསྒོམས་པ་གང་ཡིན་པ་དེ་དག་ནི། དེ་ནས་ཡང་བག་མེད་ཅིང་སེམས་འཁྲུགས་པར་འགྱུར་ལ། སྲེད་པས་བསླུས་པ་རྣམས་ལྷའི་འདོད་པའི་ཡོན་ཏན་ལྔ་རྣམས་འབྱོར་ཅིང་ལྡན་པར་གྱུར་པས་དགའ་བར་བྱེད་དོ། །དེ་ནས་ཡང་དེས་བསླུས་པ་རྣམས་རྩེ་བ་དོན་དུ་བྱེད་ཅིང་།
དགའ་བར་བྱེད་དེ། དེ་ལྟར་དེ་དག་གི་འཁོར་བའི་སྡུག་བསྔལ་མཐའ་མེད་པར་འགྱུར་རོ། །དེ་ལྟར་ལྷའི་རྒྱལ་པོ་བརྒྱ་བྱིན་དེས་ཆོས་བཤད་པ་ན། འཇིག་རྟེན་སྐྱོང་བ་བཞི་རྣམས་ལྷའི་འདུན་ས་ཆོས་བཟང་དག་ཏུ་སོ་སོར་འཁོད་དེ། འདི་ལྟར་ལྷའི་རྒྱལ་པོ་བརྒྱ་བྱིན་ལྷ་རྣམས་དང་ལྷན་ཅིག་གང་ན་བཞུགས་ཞེས་དཔྱོད་པར་བྱེད་དོ། །དེ་ནས་དེ་ལྟར་བརྒྱ་བྱིན་ལྷའི་སྟན་ལ་འདུག་ཅིང་། ལྷའི་ཚོགས་ཀྱིས་ཡོངས་སུ་བསྐོར་ལ་གཟི་བརྗིད་འབར་བ་ན། ལྷ་ཡུལ་གྱི་བདེ་བ་དཔེ་མེད་པ་དུ་མ་དང་ལྡན་པ་རྒྱང་རིང་པོ་ནས་མཐོང་ངོ་། །དེ་མཐོང་ནས་འཇིག་རྟེན་
སྐྱོང་བ་བཞི་རྣམས་བརྒྱ་བྱིན་ག་ལ་བ་དེར་འདོང་བར་བྱེད་དོ། །དོང་ནས་བརྒྱ་བྱིན་ལ་གསོང་པོར་སྨྲ་སྟེ། ལྷའི་སྟན་མཆོག་ཏུ་ཉམས་དགའ་བ་བཟང་པོ་ལ་ཕྱོགས་གཅིག་ཏུ་འཁོད་དོ། །དེ་ནས་ཡང་སྟན་མཆོག་ཏུ་ཉམས་དགའ་བ་བཟང་པོ་དེ་དག་ལས་ལངས་ཏེ། བརྒྱ་བྱིན་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 125a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。