完整藏文原文 · 德格版页 当前仅加载第 69 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེ་སྣ་ཚོགས་ལས་བྱས་པ་འོད་གསལ་བ་འབྱུང་བར་འགྱུར་ཏེ། གང་གི་འོད་ཀྱིས་ལྷའི་རིས་ཉམས་དགའ་བ་དེ། དེ་ནས་ཡང་ཤིན་ཏུ་ཉམས་དགའ་བར་འགྱུར་རོ། །ལྷ་དེ་སྐྱེས་མ་ཐག་ཏུ་འདི་སྙམ་དུ་སེམས་ཏེ། ལས་བྱས་པ་གང་གིས་བདག་འདིར་སྐྱེས་ཤིག་
D287.069.0137a01.01གུ་སྙམ་ནས། དེས་བརྟགས་ན་ལས་ལེགས་པར་བྱས་པ་དང་ཉེས་པར་བྱས་པའི་གཞི་འཛམ་བུ་གླིང་དེ་ནས་བདག་ཤི་སྟེ། དེར་གང་བྱ་བ་ལེགས་པར་བྱ་བའམ། ཉེས་པར་བྱས་པ་དེ་འདིར་ཉེ་བར་སྤྱོད་པར་འགྱུར་ཏེ། དེར་བདག་གིས་ལེགས་པར་བྱས་པའི་ལས་ཀྱི་རྒྱུ་དེས་བདག་འདིར་
D287.069.0137a02.01སྐྱེས་ཏེ། རྒྱུ་མེད་པས་ནི་མ་ཡིན་ནོ་སྙམ་མོ། །དེ་དེ་ལྟར་བསམས་པ་དང་ཐང་ཅིག་ཏུ་ལྷ་མོ་གཟུགས་དང་ལང་ཚོ་ཕུན་སུམ་ཚོགས་པ་ཇི་སྙེད་པ་ཐམས་ཅད་ཉེ་བར་འོང་བར་བྱེད་དེ། དེ་དག་གི་རྒྱན་གྱི་སྒྲ་ཇི་ལྟར་མི་ཡུལ་ན་སིལ་སྙན་ཡན་ལག་ལྔ་དང་ཤིན་ཏུ་ལྡན་པ་དེ་དག་གི་སྒྲ་འབྱུང་བ་དེ་
D287.069.0137a03.01ལྟར་དེ་རྣམས་ཀྱི་སྒྲ་འབྱུང་བར་བྱེད་དོ། །དེ་དག་གི་དྲི་ཡང་དཔག་ཚད་གཉིས་སུ་གང་བར་འགྱུར་ཏེ། དྲི་གང་གིས་མེ་ཏོག་ཐམས་ཅད་ཀྱི་དྲི་ཟིལ་གྱིས་གནོན་པར་འགྱུར། དེ་དག་གི་གཟུགས་དང་ལང་ཚོ་སྔོན་མ་བྱུང་བ་འབྱུང་བར་འགྱུར་ཞིང་ཚིམ་པ་དང་དགའ་བ་འབྱུང་བར་འགྱུར་ལ། སྔོན་
D287.069.0137a04.01གྱི་གོས་ཀྱི་ཡོན་ཏན་རྣམས་ཀྱང་འབྱུང་བར་འགྱུར་རོ། །ལྷ་དེའི་ལེགས་པར་བྱས་པའི་ལས་དེས་འདི་ལྟ་སྟེ། ཉི་མ་ཤར་བའི་ཉི་མའི་འོད་ཀྱིས་མེ་ཏོག་ཐམས་ཅད་རབ་ཏུ་རྒྱས་པར་འགྱུར་བ་དེ་ལྟར་ལྷ་དེའི་འོད་བྱུང་བས་ལྷ་མོ་དེ་དག་ཐམས་ཅད་ཀྱི་གཟུགས་རབ་ཏུ་རྒྱས་པར་འགྱུར་ཏེ། དེ་
D287.069.0137a05.01དག་དང་དེ་ཕྲད་ནས་འཛུམ་ཞིང་དགའ་བ་དག་གིས་རྩེད་མོ་བྱེད་དོ། །དེ་དག་གིས་དེ་པང་དུ་བླངས་ཏེ་ཚལ་དང་ཉེ་བའི་ཚལ་ག་ལ་བ་དེ་ཉིད་དུ་འགྲོས་སྡུག་གུས་ཁྱེར་ཞིང་ལྷ་དེའི་མདུན་དུ་སིལ་སྙན་སྣ་ཚོགས་དང་དགོད་པའི་སྒྲས་དགའ་བར་བྱེད་པ་དེ་དག་ལྷ་ལ་ལྟ་ཞིང་ཚལ་དང་ཉེ་བའི་ཚལ་
D287.069.0137a06.01དེ་དག་ག་ལ་བ་དེར་འདོང་བར་བྱེད་དོ། །ལྷ་དེའི་གནས་སུ་ཚལ་འདི་དག་འབྱུང་བར་འགྱུར་ཏེ། འདི་ལྟ་སྟེ། པད་མ་རྨད་བྱུང་གི་ཚལ་ཡོད་དེ། ཚལ་དེ་ན་གང་གི་ཚེ། ལྷ་དེ་འཇུག་པ་དེའི་ཚེ། གོམ་པ་འདོར་བའི་ས་དག་ལ་པད་མ་སྡོང་བུ་ནི་བཻ་ཌཱུརྱ། མྱུ་གུ་ནི་རྡོ་རྗེ། སྙིང་པོ་ནི་
D287.069.0137a07.01