完整藏文原文 · 德格版页 当前仅加载第 69 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞེས་བྱ་བ་ག་ལ་བ་དེར་ལྷ་མོའི་ཚོགས་གཡེར་བ་རོལ་མོ་དང་། གླུ་དབྱངས་དང་། གད་མོ་སྣ་ཚོགས་འདོན་པས་ཡོངས་སུ་བསྐོར་བ་བདེ་བར་གནས་པ་རྣམས་སྐྱེད་མོས་ཚལ་དུ་དགའ་སྤྱོད་བྱེད་དུ་དོང་སྟེ། ཁ་ཅིག་ནི་ལྷ་མོའི་ཚོགས་ཀྱིས་ཡོངས་སུ་བསྐོར་ནས་ནམ་མཁའ་ལ་བྱ་བཞིན་
D287.069.0099b01.01དུ་འགྲོ། ཁ་ཅིག་ནི་གཞལ་མེད་ཁང་བྱ་ངང་པས་བཏེག་པ་རྣམས་ཀྱིས་འགྲོ། ཁ་ཅིག་ནི་གྲོགས་དང་ལྡན་པའི་གཞལ་མེད་ཁང་རྣམས་ཀྱིས་འགྲོ། ཁ་ཅིག་ནི་ལྷ་མོའི་ཚོགས་དེ་དག་ཉིད་ཀྱིས་བསྐོར་ནས་རྐང་པས་འགྲོ་སྟེ། བདེ་བར་གནས་པ་དེ་རྣམས་གླུ་དབྱངས་ལེན་ཞིང་ལུས་ངལ་བ་མེད་
D287.069.0099b02.01པ་དེ་ཐམས་ཅད་ཚལ་དུ་བས་འཁྲིགས་པ་ཞེས་བྱ་བ་ག་ལ་བ་དེར་འདོང་བར་བྱེད་དོ། །དེ་ནས་ཚལ་དེ་ན་ལྷ་གཞན་སྔར་འོངས་པ་གང་ཡིན་པ་དེ་རྣམས་ཀྱིས་ལྷ་གཞན་དེ་དག་མཐོང་ནས་དེ་ནས་ཡང་རབ་ཏུ་དགའ་སྟེ། ཡིད་ཤིན་ཏུ་མགུ་བར་གྱུར་ཏོ། །དེ་ནས་ལྷ་གསར་དུ་འོངས་པ་རྣམས་དང་།
D287.069.0099b03.01ལྷ་རྙིང་པ་རྣམས་ཕན་ཚུན་འདྲེས་ནས་ཅ་ཅོ་དང་རོལ་མོའི་སྒྲ་སྐྱེས་ཏེ། རབ་ཏུ་དགའ་ཞིང་ཉམས་དགའ་བ་སྐྱེས་སོ། །དུ་བས་འཁྲིགས་པའི་ཚལ་དེ་ཀུན་སྒྲ་རྣམ་པ་དུ་མས་ཀུན་དུ་གང་སྟེ། འདི་ལྟ་སྟེ། གླིང་བུའི་སྒྲ་དང་། པི་བང་གི་སྒྲ་དང་། རྫ་རྔའི་སྒྲ་དང་། ཁར་རྔའི་སྒྲ་དང་། ལྷ་མོ་རྒྱན་
D287.069.0099b04.01གྱིས་བརྒྱན་པའི་སྒྲ་དང་། དེ་བཞིན་དུ་དེ་ན་གླུ་དབྱངས་དང་དགོད་པའི་སྒྲ་དང་། ཆུ་བོ་དང་། མཚོ་དང་། ཆུ་མང་པོ་རྣམ་པ་སྣ་ཚོགས་འབབ་པའི་སྒྲ་དང་། རིན་པོ་ཆེའི་བྱ་ཁ་དོག་དང་། དབྱིབས་རྣམ་པ་སྣ་ཚོགས་སུ་འདུག་པའི་སྒྲ་དང་། ལྷ་རྣམས་ཀྱི་གླུ་དབྱངས་ཀྱི་སྒྲ་ཐོས་ན་སྙན་པ་དག་སྟེ།
D287.069.0099b05.01དེ་ལྟར་ཚལ་དེ་སྒྲ་སྙན་པ་ཀུན་གྱིས་གང་བ་ཡིན་ནོ། །ཚལ་དེ་ན་ལྷའི་སྨན་དང་། བྱ་དང་། ཀླུང་དང་། ལྟེང་ཀ་དང་། མེ་ཏོག་དང་། འབྲས་བུ་ཕུན་སུམ་ཚོགས་པ་དང་། ལྷའི་འདོད་པའི་ཡོན་ཏན་ལྔ་འབྱོར་པ་དག་གིས་ལྷ་རྣམས་སྐྱེད་མོས་ཚལ་གྱི་དགའ་སྤྱོད་བྱས་ནས་བདེ་བ་ཉམས་སུ་
D287.069.0099b06.01མྱོང་ངོ་། །དེ་རྣམས་ཚལ་དེ་ནས་བྱུང་ནས་ཡང་ལྷུན་པོ་སོ་སོར་སྣང་བ་ཞེས་བྱ་བའི་རིའི་རྩེ་མོ་ག་ལ་བ་དེར་ལྷ་མོའི་ཚོགས་ཀྱིས་ཡོངས་སུ་བསྐོར་ནས་འདོང་བར་བྱེད་དེ། ལྷ་དེ་རྣམས་དེར་འདོང་བ་ན་སོ་སོར་སྣང་བའི་རིའི་རྩེ་མོ་དེར་ལྷགས་སོ། །ལྷའི་པད་མའི་རྫིང་དང་ལྟེང་ཀ་དང་ཉེ་བའི་ཚལ་
D287.069.0099b07.01