完整藏文原文 · 德格版页 当前仅加载第 69 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་འབྱུང་ལ། བདེ་བའི་གནས་དེ་ན་བདེ་བ་དེས་མངོན་པར་འདོད་པ། ཇི་སྲིད་དུ་འདོད་པ་སྡུག་པ་ཡིད་དུ་འོང་བ་བྱས་ཤིང་བསགས་པའི་ལས་དེ་ཟད་པར་མ་གྱུར་པ་དེ་སྲིད་དུ་དེ་ན་ལྷ་མོའི་ཚོགས་ཀྱིས་ཡོངས་སུ་བསྐོར་བ་དེ་སིལ་སྙན་ཡན་ལག་ལྔ་དང་ལྡན་ཞིང་ཡུལ་
D287.069.0079b01.01གྱི་བདེ་བ་དང་། ཉམས་བདེ་བ་དེས་དགའ་བར་བྱེད་དོ། །དེ་ཕྱིས་ལྷའི་འཇིག་རྟེན་དེ་ནས་འཆི་བར་འགྱུར་ཏེ། ཤི་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་མ་སྐྱེས་ལ། མི་
D287.069.0079b02.01རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན། དེ་ལས་དེ་དང་རྒྱུ་འཐུན་པར་མྱ་ངན་དང་། འཇིགས་པ་དང་། གནོད་པ་དང་བྲལ་བར་འགྱུར་ལ། སྐྱོན་མེད་པ་དང་། གཟུགས་བཟང་བ་དང་། སྐྱེ་བོ་ཐམས་ཅད་དགའ་བ་དང་། ཤིན་ཏུ་འབྱོར་པ་དང་ལྡན་པ་དང་། དུས་དང་
D287.069.0079b03.01འཐུན་པའི་གཟུགས་བཟང་བ་དང་། ཚེའི་བར་ཆད་མེད་པར་འཆི་བར་འགྱུར་བ་མཐོང་ངོ་། །དེ་ནས་ཡང་དགེ་སློང་དེ་གནས་བཅུ་མཐར་ཆགས་སུ་རྟོག་པར་བྱེད་དེ། ལྷ་ལག་ན་ཡོལ་གོ་ཐོགས་པ་རྣམས་ཀྱི་གནས་དེ་ཙམ་དུ་ཟད་དམ་ཞེས་རྟོག་པར་བྱེད་དོ། །དེས་གནས་བཅུ་
D287.069.0079b04.01ལས་གནས་གཞན་བཅུ་གཅིག་པ་མེད་དེ། ལྷ་ལག་ན་ཡོལ་གོ་ཐོགས་པ་རྣམས་ཀྱི་གནས་བཅུ་ནི་དེ་དག་ཉིད་ཡིན་པར་མཐོང་ངོ་། །དེས་ལྷ་ལག་ན་ཡོལ་གོ་ཐོགས་པ་རྣམས་ཀྱི་གནས་བཅུ་མ་ལུས་པར་བརྟགས་ནས། རྒྱལ་ཆེན་བཞིའི་ནང་ན་ཆེ་བ་གནས་གསུམ་པ་རྟག་
D287.069.0079b05.01ཏུ་མྱོས་གནས་ཞེས་བྱ་བ་ཐམས་ཅད་ལ་རྟོག་པར་བྱེད་དེ། ལྷ་རྟག་ཏུ་མྱོས་གནས་དེ་དག་གི་གནས་ཇི་ཙམ་ཞིག་ཡོད་ཞིག་གུ་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། རྟག་ཏུ་མྱོས་གནས་དེ་དག་གི་གནས་ཀྱང་བཅུ་ཡོད་དེ། འདི་ལྟ་སྟེ། ལྷག་པར་
D287.069.0079b06.01དགའ་བ་དང་། ཨུད་པ་ལའི་མདོག་དང་། པད་མ་དཀར་སྤྱོད་དང་། གྲོང་ཁྱེར་དམར་གནས་དང་། སྣ་ཚོགས་དང་། མཐོ་བར་གནས་དང་། རྒུན་ཆང་མྱོས་གནས་དང་། ཡུལ་ལ་འདོད་པ་དང་། ཆུ་བསིལ་གནས་དང་། བརྟན་དགའ་སྟེ། ལྷ་རྟག་ཏུ་མྱོས་གནས་
D287.069.0079b07.01