'phags pa dam pa'i chos dran pa nye bar gzhag pa/
当前为德格木刻版 76a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 76a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 69 函 · 德格 76a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རོལ་མོའི་སྒྲ་རྣམས་ཀྱིས་ཀྱང་ཤིན་ཏུ་དགའ་བར་བྱེད་དོ། །དེ་ལྟར་འདོད་པ་ལ་བློ་རྣམ་པར་ཆགས་པ་དེ་མིག་ལྷའི་གཟུགས་ཡིད་དུ་འོང་བ་རྣམས་ཀྱིས་ཆོག་མི་ཤེས་སོ། །རྣ་བ་སྒྲ་སྙན་པ་གསལ་བ་ཡིད་དུ་འོང་བ་རྣམས་ཀྱིས་ཆོག་མི་ཤེས་སོ། །སྣ་དྲི་ཞིམ་པ་བསུང་ཆེ་བ་ཡིད་དུ་འོང་བ་རྣམས་ཀྱིས་ཆོག་མི་ཤེས་སོ། །ལྕེ་རོ་ཞིམ་པ་བྲོ་བ་མང་ལ་ཡིད་དུ་འོང་བ་རྣམས་ཀྱིས་ཆོག་མི་ཤེས་སོ། །པགས་པ་རེག་བྱ་བདེ་བ་འཇམ་པ་ཡང་བ་ཡིད་དུ་འོང་བ་རྣམས་ཀྱིས་ཆོག་མི་ཤེས་ཏེ། སྲེད་པ་དྲུག་གི་མེས་ཡོངས་སུ་
བསྐོར་བ་དེ་ཀུན་ནས་སྲེག་པར་བྱེད་དོ། །དེ་ལྟར་ཆོག་མི་ཤེས་པ་དེ་དགེ་སློང་དེས་མངོན་པར་མཐོང་ནས་འདི་ལྟར་ཚིགས་སུ་བཅད་དེ་སྨྲས་པ། ལྷ་ཡི་འཇིག་རྟེན་ཀུན་ནས་སུ། །སྲེད་པའི་མེ་ཡིས་ཡོངས་སུ་བསྐོར། །རྨོངས་པ་འདོད་པའི་དབང་སོང་བ། །ཆགས་པ་དབང་མེད་སྲེད་པར་བྱེད། །ཇི་ལྟ་ཇི་ལྟར་ཤིང་རྙེད་ན། །དེ་ལྟ་དེ་ལྟར་སྲེག་པ་འཕེལ། །ཇི་ལྟ་ཇི་ལྟར་བདེ་ཐོབ་ན། །དེ་ལྟ་དེ་ལྟར་སྲེད་མེ་འཕེལ། །ཤིང་མེས་སྲེག་པའི་ཉེས་པ་རྣམས། །མི་ཡིས་ཡོངས་སུ་སྤང་ནུས་ཀྱི། །འཇིག་རྟེན་སྲེད་མེས་
སྲེག་པ་ནི། །ཡོངས་སུ་སྤང་བར་མི་ནུས་སོ། །ཆུ་བོ་ཆེན་པོ་རྒལ་འདོད་ལ། །ཆུ་སྲིན་གྱིས་ནི་འཇིགས་པ་གང་། །དེ་དག་བདེ་བའི་མཐར་ཕྱིན་ན། །སྲེད་པས་དེ་ལ་གནོད་མི་འགྱུར། །སྲེད་པའི་ཞགས་ལས་རྣམ་གྲོལ་ཞིང་། །འདོད་ཆགས་ཞེ་སྡང་སྤོང་བ་པོ། །ཉེས་སྡིག་ལས་ནི་གྲོལ་བ་གང་། །མཁས་པ་དེ་ནི་མྱ་ངན་བྲལ། །གང་ཞིག་ཚུལ་ཁྲིམས་སྲུང་བ་ཉིད། །མཐོ་རིས་དེ་ལ་ཡིད་ཞུགས་ན། །དེ་དག་ཚུལ་ཁྲིམས་སྡིག་དང་བཅས། །ཟས་དང་དུག་ནི་འདྲེས་པ་བཞིན། །བསྐལ་པ་བྱེ་བ་སྟོང་རྣམས་
སུ། །སྲེད་པས་བསླུས་པའི་མི་རྣམས་ནི། །ཤིན་ཏུ་རྨོངས་པས་དེ་མི་གཏོང་། །ཡིད་ནི་གཏི་མུག་དབང་དུ་སོང་། །སྐོམ་གྱིས་གདུངས་པའི་ཁུར་ཙ་བ། །ལན་ཚྭའི་ཆུ་ནི་འཐུངས་པ་ལྟར། །སྲེད་པས་བསླུས་པའི་སེམས་ཅན་རྣམས། །སྲེད་པ་ཉིད་ཀྱི་རྗེས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 76a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。