完整藏文原文 · 德格版页 当前仅加载第 93 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་རྗོད་པར་བྱེད་པ་དང་། སྒྲུབ་པར་བྱེད་པ་དང་། ཡོངས་སུ་འཇུག་པར་བྱེད་པ་དེ་ནམ་ཡང་ངན་འགྲོ་ལོག་པར་ལྟུང་བར་མི་འགྱུར་རོ། །དབུལ་པོར་གྱུར་པའི་རིགས་ཀྱི་བུ་གང་ལ་ལ་བྱང་ཆུབ་ཏུ་སེམས་བསྐྱེད་དེ་ཀློག་པར་བྱེད་བཟླས་པར་བྱེད། སྒྲུབ་པར་བྱེད་
D724.093.0308a01.01སེམས་ལ་རྗེས་སུ་ཆགས་པར་བྱེད་པ་ཡང་དེ་ཤི་འཕོས་ནས་བདེ་བ་ཅན་དུ་སྐྱེ་བར་འགྱུར་རོ། །དེ་ནས་འདིའི་སྒྲུབ་ཐབས་ཀྱི་ཆོ་ག་ནི་བཅོམ་ལྡན་འདས་སྤྱན་རས་གཟིགས་དབང་ཕྱུག་བྱོན་པ་བྲི་བར་བྱ་སྟེ་མི་འཇིགས་པ་སྦྱིན་པ། རལ་པ་གྱེན་དུ་བརྫེས་པ། སྐུ་ལ་སྐྱེས་བུ་ཆེན་པོའི་མཚན་
D724.093.0308a02.01གྱིས་བརྒྱན་པ། སྤྱན་གསུམ་པ། ཟླ་བའི་འོད་ཟེར་རབ་ཏུ་འབར་བའི་སྐུ། འཇིགས་པ་བརྒྱད་པོ་ཐམས་ཅད་སྐྱོབ་པ། བཅོམ་ལྡན་འདས་འོད་དཔག་མེད་དབུ་ལ་བཞུགས་པ། མཆོད་ཕྱིར་ཐོགས་དཀར་པོ་ཅན་བྲི་བར་བྱའོ། །སྒྲུབ་པ་པོ་སྔར་བཞིན་དུའོ། །རྣམ་པ་འདི་ལྟ་
D724.093.0308a03.01བུའི་རས་རིས་བྲིས་ནས་མཆོད་པ་ཆེན་པོ་བྱ་སྟེ། འདི་ཉིད་ཀྱིས་དྲི་དང་མེ་ཏོག་དང་། བདུག་པ་དང་། གཏོར་མ་ཆོ་གས་དབུལ་ལོ། །གང་བྱེད་པ་ལ་གཅིག་ཏུ་དཔའ་བས་རིག་པའི་རྒྱལ་པོ་ཆེན་པོ་འདི་དུས་མ་ཡིན་པར་གཞོལ་ལོང་ལ་གནས་པས་ཀུ་ཤའི་ཁྲེས་ལ་ཉེ་བར་འདུག་སྟེ་
D724.093.0308a04.01བྱམས་པའི་བདག་ཉིད་ཅན་ཉིད་ཀྱིས་སེམས་ཅན་ཐམས་ཅད་ཀྱི་རྗེས་སུ་སོན་པས་སྟོང་ཕྲག་བརྒྱད་བཟླས་པ་བྱའོ། །དེ་ནས་གྲུབ་པར་འགྱུར་ཏེ་གང་འདོད་པ་དེ་ཐམས་ཅད་དང་། ལས་ཕྲན་ཚེགས་ལ་སོགས་པ་བྱེད་དོ། །ཆུས་དུག་འཇོམས་པར་བྱེད་དོ། །ཀུ་ཤས་བྱབས་པས་
D724.093.0308a05.01རིམས་ཉིན་གཅིག་པའམ། ཉིན་གཉིས་པའམ་ཉིན་བཞི་པ་ལ་སོགས་པ་འཇོམས་པར་བྱེད་དོ། །སྔགས་བཟླས་པ་ཉིད་མེ་ཏོག་ལ་ཡོངས་སུ་བཟླས་ཏེ་གང་ལ་བྱིན་པ་དེ་དབང་དུ་འགྱུར་རོ། །མདོར་ན་བྱ་བས་པས་ནད་ཐམས་ཅད་འཇོམས་པར་བྱེད་དོ། །འདིའི་སྒྲུབ་
D724.093.0308a06.01ཐབས་སུ་གྱུར་པ་ནི་རས་རིས་སྔར་བརྗོད་པའི་གནས་སུ་བཞུགས་སུ་གསོལ་ནས་འབུམ་བཟླས་སོ། །མཐར་མཚན་མོ་གཅིག་སྨྱུང་བར་གནས་པར་གནས་པས་ཕྱོགས་སྐྱོང་རྣམས་ལ་གཏོར་མ་དབུལ་ཏེ། གཏོར་མ་ནི་དཀར་གསུམ་དུ་འགྱུར་རོ། །མཆོད་པའི་
D724.093.0308a07.01