完整藏文原文 · 德格版页 当前仅加载第 93 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱན་རས་གཟིགས་དབང་ཕྱུག་དང་ཉེ་བར་གནས་པའི་འཁོར་གྱི་དཀྱིལ་འཁོར་ཉེ་བར་སྤྲས་པ་དགོད་དེ། རང་གི་གཟུགས་དང་ཆ་བྱད་འཆང་བ་འདྲིར་གཞུག་པར་བྱའོ། །བཅོམ་ལྡན་འདས་ཀྱི་སེང་གེའི་ཁྲིའི་འོག་ཏུ་རྒྱ་མཚོ་ཆེན་པོ་ལས་མངོན་པར་འཕགས་པའི་ཀུན་
D724.093.0261a01.01ནས་རིན་པོ་ཆེའི་རི་བོ་ཇི་སྲིད་དུ་རས་ཀྱི་མཐའ་མར་འདྲིར་གཞུག་པར་བྱ་སྟེ། རས་ཀྱི་མཐའི་གྲྭའི་ཕྱོགས་གཅིག་ཏུ་སྒྲུབ་པ་པོ་ཆ་བྱད་དང་དབྱིབས་ཇི་ལྟ་བའི་རྣམ་པ་པུས་མོ་དང་། མགོ་བོ་བཏུད་པ། ལག་པ་སྤོས་ཕོར་ཐོགས་པ་འདྲིར་གཞུག་པར་བྱའོ། །རིན་པོ་ཆེའི་རི་བོ་དེ་ལ་
D724.093.0261a02.01འཕགས་པ་སྤྱན་རས་གཟིགས་དབང་ཕྱུག་གི་འོག་ཏུ་ཁྲོ་བོའི་རྒྱལ་པོ་སྒྲོལ་མས་ནོན་པ་སྔར་ཇི་ལྟར་ངེས་པར་བསྟན་པ་དེ་བཞིན་དུ་མངོན་པར་བྲིའོ། །བཅོམ་ལྡན་འདས་ཀྱི་གཡོན་གྱི་གཞོགས་ཀྱི་སེང་གེའི་ཁྲིའི་འོག་ཏུ་འཕགས་པ་སྤྱན་རས་གཟིགས་དབང་ཕྱུག་གི་ཞབས་ཀྱི་དྲུང་དང་ཉེ་བ་
D724.093.0261a03.01དེར་རིན་པོ་ཆེའི་རི་ལ་བཞུགས་པའི་ལྷ་མོ་སྒྲོལ་མ་མངོན་པར་བྲི་སྟེ་སྔར་ཇི་ལྟར་ངེས་པར་བསྟན་པ་དེ་བཞིན་འདྲིར་གཞུག་པར་བྱའོ། །རས་དེའི་ཁོར་ཡུག་ཏུའང་མེ་ཏོག་སིལ་མ་མངོན་པར་གཏོར་ཏེ་ཙམ་པ་ཀ་དང་། ཨུཏྤ་ལ་སྔོན་པོ་དང་། པདྨ་དང་། སཽ་གནྡྷི་ཀ་དང་། མཱ་ལ་ཏཱི་དང་།
D724.093.0261a04.01བརྵི་ཀ་དང་། དྷཱ་ནུསྐཱརྵི་ཀཱ་དང་། པུནྣཱ་ག་དང་། ནཱ་ག་གེ་སར་ལ་སོགས་པའི་མེ་ཏོག་རྣམས་ཀྱིས་ཁོ་ར་ཁོར་ཡུག་ཏུ་གཅལ་དུ་བཀྲམ་པར་བྱའོ། །རས་ཀྱི་སྟེང་། རས་ཀྱི་མཐའི་གྲྭ་གཉིས་སུ་ལྷའི་བུ་གཉིས་མེ་ཏོག་གི་ཚོགས་འཐོར་བར་བྱེད་བཞིན་པ། གཟུགས་རྣམ་པར་བཀྲ་བ། བར་
D724.093.0261a05.01སྣང་ལ་གནས་པའི་ཆར་སྤྲིན་གྱི་ནང་ན་ལྡིང་བ་ཁ་དོག་དཀར་པོར་མངོན་པར་བྲི་བར་བྱའོ། །འདི་ནི་རས་རིས་འབྲིང་པོར་བརྗོད། །རྟག་ཏུ་དགེ་ལེགས་དོན་འབྱུང་བ། །ས་སྟེངས་སྐྱེ་བོ་མི་རྣམས་ལ། །དངོས་གྲུབ་འབྲིང་པོ་སྦྱིན་པར་བྱེད། །འཁོར་བར་ཀུན་དུ་འཁོར་བ་ན། །སྡིག་པ་ཅུང་ཟད་
D724.093.0261a06.01སྔོན་བྱས་གང་། །འདིར་ནི་བྲིས་སྐུ་མཐོང་བ་ཡིས། །དེ་ཡིས་སྐད་ཅིག་ཉིད་ལ་འཇིག །སེམས་ཅན་རྨོངས་བ་མི་ཤེས་བ། །དེ་རྣམས་འགྲོ་བ་ལྔ་པོར་འཁྱམས། །གང་ཞིག་བྱང་ཆུབ་སེམས་དཔའ་ཡི། །བྲིས་སྐུ་བར་མ་མཐོང་བ་ཡང་། །སྡིག་པ་བྱེད་པར་འགྱུར་བ་དང་། །
D724.093.0261a07.01