完整藏文原文 · 德格版页 当前仅加载第 93 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་དང་། པདྨ་དང་། པདྨ་ཆེན་པོ་དང་། དྷཱ་ནུ་སྐཱ་རི་ཀ་དང་། པརྵི་ཀ་དང་ཨིནྟྲ་བ་རའི་མེ་ཏོག་རྣམ་པ་སྣ་ཚོགས་པ་ཚད་ཆེན་པོ་ཕུང་པོ་ཆེན་པོར་གནས་པ་རི་རབ་ཙམ་གྱི་མེ་ཏོག་གི་ཕུར་མས་བཅོམ་ལྡན་འདས་ལ་མཆོད་པ་བྱ་ཞིང་། འཕགས་པ་ཉན་ཐོས་དང་རང་
D724.093.0288b01.01སངས་རྒྱས་ཐམས་ཅད་དང་། བྱང་ཆུབ་སེམས་དཔའ་རྣམས་ལ་ཕྱེ་མ་དང་། ཆོས་གོས་དང་། གདུགས་དང་། རྒྱལ་མཚན་དང་། བ་དན་རྣམས་དང་། ལྷ་དང་མིའི་མར་མེ་མང་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་ཡིད་དུ་འོང་བ་རྣམས་ཀྱིས་མཆོད་པར་བྱའོ། །དེ་བཞིན་
D724.093.0288b02.01དུ་གཏོར་མ་དང་། བདུག་པ་དང་། ལྷ་བཤོས་དང་། མཆོད་པ་དང་། བསྙེན་བཀུར་ལ་སོགས་པ་ཡོ་བྱད་ལྷ་དང་མིའི་ཉེར་མཁོ་རྣམས་དབུལ་བར་བྱའོ། །བཅོམ་ལྡན་འདས་ཤཱཀྱ་ཐུབ་པའི་སྨིན་མཚམས་ཀྱི་མཛོད་སྤུ་ནས་འོད་ཟེར་མངོན་པར་འཕྲོ་བཞིན་པས་བདག་ཉིད་དང་
D724.093.0288b03.01ཕྱོགས་ཐམས་ཅད་ཀྱང་ཀུན་དུ་སྣང་བཞིན་པར་བསྒོམ་པར་བྱའོ། །སྒོམ་པ་པོ་བསམ་གཏན་ལ་ཞུགས་མ་ཐག་ཏུ། ཚངས་པའི་བསོད་ནམས་ཀྱི་འབྲས་བུ་ཐོབ་བོ། །ངེས་པར་བྱང་ཆུབ་མཆོག་ཏུ་གཞོལ་བར་འགྱུར་རོ། །དེ་ལྟ་བུ་སོགས་བསམ་གཏན་རྣམས། །
D724.093.0288b04.01འཇིག་རྟེན་སྐྱེས་མཆོག་རྣམས་ཀྱིས་གསུངས། །འབྱུང་པོ་ཀུན་ཀྱང་ལེགས་པ་དང་། །སྔགས་པ་རྣམས་ལ་ཕན་དོན་དང་། །དེ་ཚེ་བསམ་གཏན་དང་པོའི་གཙོ། །སྔགས་པ་ཀུན་ལ་ཕན་དོན་དུ། །སེམས་ཅན་རྣམས་ཀྱི་ཕྱིར་གསུངས་སོ། །དེ་ནས་
D724.093.0288b05.01ཐུབ་མཆོག་བདུན་པ་ཡི། །དཀྱིལ་འཁོར་རྣམ་པར་བརྗོད་པར་བྱ། །ཐུབ་པས་དང་པོར་གསུངས་པ་ཡིན། །གཉིས་པ་ཡི་ནི་དཀྱིལ་འཁོར་དང་། །གསུམ་པར་ཡང་ནི་དེ་ལས་གཞན། །དང་པོར་མཆོག་གི་དངོས་གྲུབ་སྟེ། །བར་མ་ལ་ནི་དེ་
D724.093.0288b06.01བཞིན་གཞན། །ཆུང་ངུ་ལ་ནི་ཕྲན་ཚེགས་འགྲུབ། །ཐུབ་པ་མཆོག་གིས་ངེས་པར་གསུངས། །དེ་བཞིན་རས་རིས་བསམ་གཏན་ནི། །ཐུ་བོ་བར་མ་ཆུང་ངུ་སྟེ། །ཐམས་ཅད་སྡིག་པ་འཇིག་བྱེད་པའོ། །དེ་ལས་གཞན་ཡང་མཁས་པས་ནི། །
D724.093.0288b07.01