完整藏文原文 · 德格版页 当前仅加载第 93 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་མྱུར་དུ་འགྲོ་བར་བྱ། །བདེ་གཤེགས་མཆོད་རྟེན་བཞུགས་པ་ཡི། །ས་སྟེངས་རྣམས་སུ་ཀུན་དུ་འདུག །འཇིག་རྟེན་མུ་སྟེགས་ཐམས་ཅད་ནི། །ལྟ་བ་ངན་པར་ལྷུང་བ་རྣམས། །མུ་སྟེགས་ཅན་གཞན་གནས་རྣམས་ནི། །སྔགས་རིག་པས་ནི་རྟག་ཏུ་སྤངས། །སྔགས་ཤེས་
D724.093.0274b01.01དེར་ནི་མི་བསྡད་དོ། །སྐྱེས་མཆོག་བློ་གྲོས་རྒྱུ་ངན་པ། །རྒྱལ་བ་མཆོག་གིས་གང་བཞུགས་དང་། །རང་རྒྱལ་བསེ་རུ་ལྟ་བུ་དང་། །བྱང་ཆུབ་སེམས་དཔའ་སྐལ་བ་ཆེ། །རྒྱལ་མཆོག་སྲས་པོ་ཉན་ཐོས་རྣམས། །དེ་རྣམས་ཀུན་བཞུགས་ས་སྟེངས་ཀྱི། །ཡུལ་རྣམས་ཀུན་
D724.093.0274b02.01དུ་སྔགས་ཤེས་པས། །འབད་པས་སྔོན་དུ་བསྙེན་པ་བྱ། །མཉམ་པར་གཞག་པས་གསང་སྔགས་ནི། །གནས་དེ་རུ་ནི་བཟླས་པར་བྱ། །གསུངས་པའི་གནས་ནི་འདི་རྣམས་སུ། །གསུངས་པའི་ལས་རྣམས་ཐམས་ཅད་དང་། །ལས་ཀྱི་ཆོ་གའི་སྒྲུབ་ཐབས་
D724.093.0274b03.01རྣམས། །འདི་རྣམས་རྙེད་པར་མ་གྱུར་ན། །གང་ཡང་རུང་བའི་གནས་དེར་ནི། །གཙང་མས་སྔོན་དུ་བསྙེན་པ་བྱ། །དད་ཅིང་མོས་པས་སྒྲུབ་ཐབས་ཀྱི། །ཆོ་ག་མཆོག་གི་ལས་བརྩམ་མོ། །དང་པོ་རེ་ཞིག །བྲིས་སྐུའི་ཐུ་བོ་ཞལ་ནུབ་ཏུ་བསྟན་ནས་བཞག་སྟེ། བདག་
D724.093.0274b04.01ཉིད་ཤར་དུ་མངོན་པར་ཕྱོགས་ལ་གྲོག་མཁར་གྱི་སའམ། གང་གཱའི་ཀླུང་གི་འགྲམ་གྱི་ས་བླངས་ནས་པུ་ཤེལ་ཙེ་དང་། ཙནྡན་དཀར་པོ་དང་། གུར་གུམ་དང་། ག་པུར་རྣམས་བསྲེས་ལ་རྨ་བྱའི་གཟུགས་བྱས་ཏེ། དེ་བྲིས་སྐུའི་སྤྱན་སྔར་བཞག་ནས་རྩེ་མོ་མ་བཅད་པའི་ཀུ་ཤ་
D724.093.0274b05.01གཙང་མའི་ཕྱོགས་ནས་བྱུང་བས་འཁོར་ལོའི་རྣམ་པ་བྱས་ནས་བྲིས་སྐུའི་སྤྱན་སྔར་ལག་པ་གཡས་པས་བཟུང་སྟེ། ལག་པ་གཡོན་པས་ནི་རྨ་བྱའོ། །དཀར་པོའི་ཟླ་བ་ཉ་བའི་མཚན་ཕྱེད་ན་བྲིས་སྐུ་ལ་མཆོད་པ་ཆེན་པོ་བྱས་ནས་ག་པུར་གྱི་བདུག་པ་བསྲེགས་པའི་དྲི་དང་ཇི་སྲིད་
D724.093.0274b06.01ནམ་ལངས་པའི་བར་དེ་སྲིད་དུ་བཟླས་པར་བྱའོ། །དེ་ནས་ཉི་མ་འཆར་བའི་དུས་ཀྱི་ཚེ་དེ་རྨ་བྱའི་རྒྱལ་པོར་འགྱུར་རོ། །འཁོར་ལོ་ཡང་འབར་རོ། །བདག་ཉིད་ལྷའི་ཕྲེང་བ་དང་གོས་འཆང་ཞིང་རྣམ་པར་བརྒྱན་པ་དང་། ཉི་མ་འཆར་ཀ་འདྲ་བར་འདོད་པའི་གཟུགས་ཅན་དུ་
D724.093.0274b07.01