完整藏文原文 · 德格版页 当前仅加载第 93 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེའི་སྣང་བའི་བདག་པོའི་རྒྱན་གསལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་ཁང་པ་བརྩེགས་པ་རིན་པོ་ཆེ་
D724.093.0208b01.01དུ་མས་རྣམ་པར་ཕྱེ་བ་དང་། རིན་པོ་ཆེའི་གདུགས་དུ་མས་དཔག་ཚད་བརྒྱ་སྟོང་ཕྲག་ཏུ་ཁྱབ་པ་དང་། ལྷའི་གོས་དང་། དར་གྱི་རྒྱན་གྱིས་མཛེས་པར་སྤྲས་པ་དང་། ལྷའི་མེ་ཏོག་དང་། བ་དན་དང་། རྒྱལ་མཚན་དང་། ཕྲེང་བ་དང་། རིན་པོ་ཆེ་
D724.093.0208b02.01གཡེར་ཁའི་དྲ་བ་བཅིངས་པ། སྒྲ་སྙན་པ་འཁྲོལ་བ་འཇུག་པ་དང་། བྱང་ཆུབ་སེམས་དཔའ་སོ་སོར་གནས་པར་བྱེད་པ། ལྷའི་དྲི་དང་། ཕྲེང་བ་དང་། བྱུག་པ་དང་། ཕྱེ་མའི་ཆར་འབེབས་པར་བྱེད་པ། མངོན་པར་སྤྲུལ་ཏེ་བཅོམ་ལྡན་འདས་ཤཱཀྱ་
D724.093.0208b03.01ཐུབ་པ་ལ་མཆོད་པའི་ལས་ངོ་མཚར་རྨད་དུ་བྱུང་བའི་ཆོ་འཕྲུལ་བྱང་ཆུབ་སེམས་དཔའི་རྣམ་འཕྲུལ་མཐོང་ངོ་། །དེ་ནས་གནས་གཙང་མའི་རིས་ཀྱི་ལྷའི་བུ་དེ་རྣམས་དགའ་བ་དང་བཅས་པ་སྤུ་ཟིང་ཞེས་བྱེད་དོ། །ལྷའི་གནས་ཐམས་ཅད་རབ་ཏུ་གཡོས་པ་དང་ལྡན་པ་
D724.093.0208b04.01མཐོང་ནས་སྐྲག་ཅིང་། སྙིང་འདར་ཏེ་འོན་ཏེ་འབྱོར་པ་ཡོངས་སུ་ཉམས་སམ་ཅི་ཞེས་ཕན་ཚུན་{རིངས་,རིང་}ཐབས་སུ་སྐད་མཐོན་པོས་སྨྲ་བར་རྩོམ་ཞིང་། འདི་སྐད་ཅེས་ཀྱང་སྨྲས་སོ། །བཅོམ་ལྡན་འདས་ཡོངས་སུ་སྐྱོབས་ཤིག །ཤཱཀྱ་ཐུབ་པ་ཡོངས་སུ་
D724.093.0208b05.01སྐྱོབས་ཤིག །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་ལྷའི་འཁོར་ལ་བཀའ་སྩལ་ཏོ། །མ་འཇིགས་ཤིག །མ་འཇིགས་ཤིག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དེ་བཞིན་གཤེགས་
D724.093.0208b06.01པ་ཚེ་དཔག་མེད་ཀྱི་སངས་རྒྱས་ཀྱི་ཞིང་ཀུན་ནས་མེ་ཏོག་ཅན་ལྟ་བུ་ནས་ང་ཉིད་ལྟ་བ་དང་ཕྱག་འཚལ་ཞིང་བསྙེན་བཀུར་བར་འདོད་དེ། དོན་ཆེན་པོ་སྤྱོད་པ་དང་། རིག་སྔགས་ཀྱི་ཚིག་དང་། ཆོས་ཀྱི་ཚིག་རྨད་དུ་བྱུང་བ་ཡང་ངེས་པར་བསྟན་པའི་ཕྱིར་འོངས་སོ། །
D724.093.0208b07.01