完整藏文原文 · 德格版页 当前仅加载第 93 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
རྒ་བ་མེད་ཅིང་འཆི་བ་མེད་པར་རོལ་པར་བྱེད་དོ། །བསྐལ་པ་ཆེན་པོར་གནས་ཤིང་ཉི་མ་འཆར་ཀ་འདྲ་བ་དང་། ལྷའི་རྒྱན་གྱིས་མཛེས་པ་དང་། རྣམ་པར་བཀྲ་བའི་གོས་ཀྱིས་བརྒྱན་པ། དེ་རྣམས་དབང་དུ་བྱས་ནས་མངག་གཞུག་པར་འགྱུར་ཏེ། དེ་རྣམས་དང་ལྷན་ཅིག་སྤྱོད་
D724.093.0270b01.01པར་གྱུར་ཏེ་ལྷའི་རིག་པ་འཛིན་པ་ཐམས་ཅད་ཀྱང་འདིའི་བྲན་ཉིད་དུ་ཉེ་བར་གནས་པར་འགྱུར་རོ། །རིག་པ་འཛིན་པའི་རྒྱལ་པོ་ཆེན་པོར་འགྱུར་ཞིང་རིང་དུ་འཚོ་ཞིང་གྲུབ་པ་ཐམས་ཅད་ཀྱིས་མི་ཚུགས་པར་འགྱུར་རོ། །སྐད་ཅིག་ཙམ་གྱིས་ཚངས་པའི་འཇིག་རྟེན་དུ་མངོན་པར་འགྲོ་
D724.093.0270b02.01བར་འགྱུར་རོ། །བརྒྱ་བྱིན་གྱིས་ཀྱང་གྲངས་སུ་མི་འགྲོ་ན་དེ་ལས་གཞན་པའི་རིག་པ་འཛིན་པ་རྣམས་ཀྱིས་ལྟ་ཅི་སྨོས། མཐར་ཡང་འདིས་སངས་རྒྱས་ཉིད་དུ་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཀྱང་དགེ་བའི་བཤེས་གཉེན་དུ་འགྱུར་རོ། །ལས་སྒྲུབ་
D724.093.0270b03.01པའི་ཐབས་གཞན་ཡང་ཡོད་དེ། ཆེས་དཀའ་ཐུབ་བྱས་པ། དེ་ནས་མཐའ་གཅིག་ཏུ་སོང་ནས་ལྷག་པར་གནས་ཏེ་འདུ་འཛི་མེད་ཅིང་འདུ་འཛི་དང་བྲལ་བའི་དགོན་པ་ཆེན་པོར་ཞུགས་ནས། གནས་གང་ན་པདྨའི་མཚོ་ཆེན་པོ་དང་། ཆུ་དང་བཅས་པ། རི་བོ་གཅིག་ལ་
D724.093.0270b04.01བརྟེན་པའི་རི་བོ་དེའི་རྩེ་མོར་འཛེགས་ཏེ། རིག་པ་རྣམས་ཀྱི་དྲི་དང་མེ་ཏོག་ལ་སོགས་པ་ཕུལ་ནས་དེ་རྣམས་ཇི་ལྟར་འདོད་པ་བཞིན་དུ། འོ་མའམ་ནས་ཟན་དང་། པདྨའི་རྩ་བ་དང་། འབྲས་བུ་བཟའ་ཞིང་འོ་མ་ལས་བྱུང་བ་ཟོས་ཏེ་རིག་པ་འབུམ་ཕྲག་བཅུར་བཟླས་
D724.093.0270b05.01པ་བྱའོ། །བཟླས་པའི་མཐར་ཡང་སྔར་བསྟན་པའི་ཆོ་ག་དེ་ཉིད་ཀྱིས་རས་རིས་ཀྱི་ཐུ་བོ་བཞག་ནས། པདྨའི་མེ་ཏོག་ལ་ཙནྡན་དཀར་པོ་དང་། གུར་གུམ་གྱིས་བཏགས་ཏེ་སེང་ལྡེང་གི་ཤིང་གི་མེ་སྦར་ནས་སྔར་ཡོངས་སུ་བཏགས་པའི་པདྨས་སྟོང་ཕྲག་སུམ་ཅུ་རྩ་དྲུག་གིས་
D724.093.0270b06.01སྦྱིན་སྲེག་བྱའོ། །དེ་ནས་སྦྱིན་སྲེག་གི་མཐར། བཅོམ་ལྡན་འདས་ཤཱཀྱ་ཐུབ་པའི་རས་རིས་ལས་འོད་ཟེར་འབྱུང་སྟེ། དེས་སྒྲུབ་པ་པོ་ཀུན་དུ་སྣང་བར་བྱས་ནས་སྤྱི་བོར་ནུབ་པར་འགྱུར་རོ། །རེག་མ་ཐག་ཏུ་སྒྲུབ་པ་པོ་མངོན་པར་ཤེས་པ་ལྔར་འགྱུར་རོ། །བྱང་ཆུབ་
D724.093.0270b07.01