完整藏文原文 · 德格版页 当前仅加载第 93 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
སྲུང་དོན་དུ། །མཆོག་སྦྱིན་དགེ་བ་བྲི་བར་བྱ། །བུད་མེད་གཟུགས་འཆང་ལྷ་མོ་ནི། །ཐུགས་རྗེ་སྟོབས་བཅུ་ལྡན་པའི་སྲས། །འབྱུང་པོ་ཀུན་གྱི་དཔལ་ཡིན་ཏེ། །མཆོག་སྦྱིན་བྱེད་མ་བྲི་བར་བྱ། །ལྷ་མོ་ལས་ཆེན་བྱེད་པ་མོ། །བྱང་ཆུབ་སེམས་
D724.093.0259a01.01དཔའ་འོད་ཆེན་པོ། །བགེགས་ཀུན་རྣམ་པར་འཇོམས་དོན་དུ། །སྒྲུབ་པ་པོ་ནི་ཀུན་དུ་འདོད། །མི་དབང་རྣམས་ནི་སྲུང་དོན་དུ། །དཔལ་གྱི་དོན་དུ་རབ་ཏུ་གྲགས། །ཁྲོ་རྒྱལ་དབང་པོ་གང་ཡིན་ཏེ། །རི་ཡི་རྩེ་མོར་གནས་འདོད་པ། །བགེགས་ཀུན་རྣམ་པར་གཞིག་པའི་
D724.093.0259a02.01ཕྱིར། །རྒྱལ་མཆོག་སྲས་རྣམས་ཀྱིས་གསུངས་སོ། །དྲག་པོ་ཆེན་པོ་བརྩོན་འགྲུས་ཆེ། །གཏུམ་ཆེན་འོད་ཟེར་ཆེན་པོ་སྟེ། །བསྟན་པ་ལ་སྡང་སེམས་ཅན་རྣམས། །ཚར་བཅད་ཆེད་ཉིད་རབ་ཏུ་བརྟག །སྒྲུབ་པ་པོ་ནི་སྲུང་དོན་དང་། །བགེགས་རྣམས་ཐམས་ཅད་འཇོམས་
D724.093.0259a03.01པ་དང་། །མི་བཟད་ཁྲོ་བོའི་ངང་ཚུལ་ཅན། །སྔགས་ཀྱི་ལྷ་རྣམས་འགུགས་པར་བྱེད། །ཤིན་ཏུ་དྲག་པོ་དྲག་གཟུགས་ཅན། །བརྩེ་བ་མེད་ཅིང་ངེས་པར་འགོག །སྡིག་པ་དྲག་པོ་སྤྱོད་པ་རྣམས། །དབང་དུ་མ་གྱུར་དབང་དུ་བྱེད། །མཁའ་སྤྱོད་ས་ལ་སྤྱོད་པ་དང་། །ཀུན་
D724.093.0259a04.01ནས་ས་འོག་སྤྱོད་པ་དང་། །ཐུབ་པའི་བསྟན་པ་འགལ་བྱེད་པའི། །གདུག་པ་ཐམས་ཅད་འཇོམས་པར་བྱེད། །རས་ནི་ཀུན་ནས་གྲུ་བཞི་དང་། །གྲྭ་བཞི་དག་ཏུ་བྲི་བར་བྱ། །རས་ཀྱི་འོག་གི་མཐའ་རྣམས་སུའང་། །ཆུ་བོ་རྒྱ་ཆེར་བྱ་བ་ཡིན། །ཀླུ་ནི་གདེངས་ཀས་མཚན་པ་
D724.093.0259a05.01ཅན། །གཅིག་ཉིད་ཀུན་དུ་བྱ་བ་ཡིན། །ཡན་ལག་དཀར་ཞིང་བཟང་བ་དང་། །ལུས་ཕྱེད་མི་ཡི་རྣམ་པར་སྐྱེས། །རྟག་ཏུ་ཐལ་མོ་སྦྱོར་བྱེད་པ། །མགོ་བོའི་སྟེང་དུ་བཞག་བྱས་ནས། །གདེངས་ཀ་བདུན་པ་བརྩོན་འགྲུས་ཆེ། །དབང་ཆེན་ལྡན་པའི་ཀླུ་དེ་ནི། །མིང་ནི་མཐའ་
D724.093.0259a06.01ཡས་ཞེས་བྱ་ཡིན། །དེ་བཞིན་གཤེགས་ལ་ངེས་པར་ལྟ། །ནོར་བུ་རིན་ཆེན་གྱིས་མཛེས་ཤིང་། །ཤིན་ཏུ་མཛེས་ཤིང་གཟུགས་མཛེས་པ། །རིན་ཆེན་རྒྱན་གྱིས་རྣམ་པར་བརྒྱན། །འབར་བའི་ཕྲེང་ལྡན་ཀུན་དུ་བྲི། །ཀླུ་དབང་ཆེན་པོར་རྣམ་པར་གྲགས། །ཐུབ་པའི་བསྟན་
D724.093.0259a07.01