完整藏文原文 · 德格版页 当前仅加载第 93 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་ནས་པདྨ་དཀར་པོ་དང་། ཙནྡན་དཀར་པོ་དང་། གུར་གུམ་གྱིས་མངོན་པར་བཏགས་ཏེ། འབུམ་ཕྲག་གཅིག་བཅོམ་ལྡན་འདས་ཤཱཀྱ་ཐུབ་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་རང་སངས་རྒྱས་དང་། འཕགས་པ་ཉན་ཐོས་རྣམས་
D724.093.0267b01.01ཀྱི་རས་རིས་ཀྱི་འོག་ནས་དབུལ་བར་བྱའོ། །ག་བུར་གྱི་བདུག་པ་ཡང་ཇི་ལྟར་འབྱོར་པ་བསྲེག་གོ། །ལྷའི་བུ་རྣམས་ལ་ཇི་ལྟར་རྙེད་པའི་མེ་ཏོག་གིས་མཆོད་པ་བྱའོ། །དེ་ནས་ཆོ་འཕྲུལ་གྱི་ཕྱོགས་ཀྱི་དཀར་པོའི་ཉའམ། ཉ་སོ་སོ་ལ་མཚན་མོ་ཕྱེད་ཀྱི་དུས་ཀྱི་ཚེ་རས་རིས་ཀྱི་སྤྱན་
D724.093.0267b02.01སྔར་མེ་ཐབ་པདྨའི་རྣམ་པ་ལྟ་བུ་བྱས་ནས་ཙནྡན་དཀར་པོའི་ཤིང་གི་མེ་སྦར་ཏེ། གུར་གུམ་དང་ག་པུར་གཅིག་ཏུ་བྱས་ནས་སྲེག་བླུགས་ཇི་ལྟར་འབྱོར་པས་སྟོང་ཕྲག་བརྒྱད་སྦྱིན་སྲེག་བྱས་ཏེ། དེ་ནས་བསྲུང་བ་བྱའོ། །དེ་ནས་བཅོམ་ལྡན་འདས་ཤཱཀྱ་ཐུབ་པ་ལས་འོད་ཟེར་བྱུང་སྟེ། རས་
D724.093.0267b03.01རིས་ཀྱི་ཁོར་ཡུག་ཏུ་གཅིག་ཏུ་འབར་བར་གྱུར་པ་འབྱུང་ངོ་། །དེ་ནས་སྒྲུབ་པ་པོ་ཙནྡན་དང་། གུར་གུམ་གྱིས་བཏགས་པའི་པདྨ་དཀར་པོའི་མེ་ཏོག་གིས་མཆོད་ཡོན་དབུལ་ལོ། །དེ་ནས་སྒྲུབ་པ་པོས་རིངས་པའི་ཚུལ་གྱིས་རས་རིས་ལ་བསྐོར་བ་ལན་གསུམ་བྱས་ནས། སངས་རྒྱས་
D724.093.0267b04.01དང་། བྱང་ཆུབ་སེམས་དཔའ་ཐམས་ཅད་དང་། རང་སངས་རྒྱས་འཕགས་པ་ཉན་ཐོས་རྣམས་ལ་ཕྱག་འཚལ་ནས་སྔར་སྒྲུབ་པ་པོས་བྲིས་པའི་རས་མཐའི་ཕྱོགས་ནས་འཇིགས་པ་མེད་པས་རས་རིས་གཟུང་བར་བྱའོ། །དེ་ནས་བཟུང་བ་ཙམ་གྱིས་འཕུར་བར་འགྱུར་ཏེ། སེ་གོལ་
D724.093.0267b05.01གཏོགས་པ་ཙམ་ལ་ཚངས་པའི་འཇིག་རྟེན་ལས་འདས་ཏེ། བདེ་བ་ཅན་གྱི་འཇིག་རྟེན་གྱི་ཁམས་སུ་ཀུན་དུ་གནས་པར་འགྱུར་རོ། །གང་དུ་བཅོམ་ལྡན་འདས་དེ་བཞིན་གཤེགས་པ་མེ་ཏོག་ཡང་དག་པར་སྐྱེས་པའི་དབང་གིས་རྒྱལ་པོ་དེ་བཞུགས་ཏེ། འཚོ་ཞིང་གཞེས་ལ་ཆོས་
D724.093.0267b06.01ཀྱང་སྟོན་པར་བྱེད་པ་དང་། བསྐལ་པ་ཆེན་པོ་སྟོང་དུ་རྒ་བ་མེད་པ་དང་། འཆི་བ་མེད་པར་རོལ་པར་འགྱུར་རོ། །བྲིས་སྐུ་གནས་པ་དེ་ཉིད་དུ་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །དེ་རྣམས་ཀྱི་བྱིན་གྱིས་བརླབས་
D724.093.0267b07.01