完整藏文原文 · 德格版页 当前仅加载第 93 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུས་ཁྲུས་བྱས་ཏེ། ཐམས་ཅད་དུ་ལས་ཐམས་ཅད་ལ་སྲོག་ཆགས་མེད་པ་ཉིད་ཀྱིས་བྱའོ། །དེ་ནས་ཁྲུས་བྱས་ནས་སའི་རང་བཞིན་ནམ་གཞན་དྲི་ཞིམ་པོ་དང་ལྡན་པའི་དྲི་དང་། ཡོ་བྱད་ཀྱི་ཁྱད་པར་གྱིས་རྗེས་སུ་བྱུག་པར་བྱའོ། །ཆུའི་ནང་དུ་མཆིལ་མ་དང་།
D724.093.0287b01.01བཤང་བ་དང་གཅི་བ་ལ་སོགས་པ་ཡང་དོར་བར་མི་བྱའོ། །རྩེ་བར་ཡང་མི་བྱའོ། །སྙིང་རྗེ་དང་ལྡན་པས་བདག་དང་སེམས་ཅན་ཐམས་ཅད་ལ་སོ་སོར་བརྟག་པར་བྱ་སྟེ། བདག་མེད་པ་དང་། སྟོང་པ་དང་། སྡུག་བསྔལ་དང་ལྡན་པ་དང་། སྡུག་བསྔལ་ཉེ་
D724.093.0287b02.01བར་འགགས་པ་དང་། ཚོར་བས་མངོན་པར་ནོན་པ་དང་། ཆུ་རླབས་བཞིན་དུ་མངོན་པར་འབྱུང་བའི་རབ་ཏུ་སྦྱོར་བའི་སྡུག་བསྔལ་དང་ལྡན་པའི་སེམས་ཅན་རྣམས་འདི་ལྟར་སྒྲུབ་པ་དང་བྲལ་བ་སྔགས་ཤེས་པས་གང་དེ་བཞིན་དུ་དུག་དང་། གཅོད་པ་དང་། ལྟུང་
D724.093.0287b03.01བ་དང་། རྣམ་པར་འཐོར་བ་དང་། རྣམ་པར་འཇིགས་པ་ལ་སོགས་པ་རྣམས་ཀྱིས་སྡུག་བསྔལ་གྱི་ཕུང་པོ་ཉེ་བར་འགོག་པར་བྱ་བཞིན་པ། འཁོར་བའི་རྒྱ་མཚོ་ཐིབས་པོ་གནས་པའི་བདག་ཉིད་དུ་མཐོང་ཞིང་གནས་མེད་པ་དང་སྐྱོབ་པ་མེད་པ་དང་། སྐྱབས་མེད་པ་དང་། ཤིན་
D724.093.0287b04.01ཏུ་དམན་པའི་ཡིད་ཅན་གྱི་བདག་ཉིད་དུ་བརྟགས་ནས་སྒོམ་པ་པོ་མགྲིན་པ་ནུབ་ཙམ་གྱི་ཆུ་ན་གནས་པའམ། ལྟེ་བ་ཙམ་དུ་གནས་པའི་ཆུ་དེ་ཉིད་ཀྱི་ནང་དུ་སེམས་རྩེ་གཅིག་ཏུ་ཉེ་བར་གཟུང་བར་བྱའོ། །དང་པོར་རེ་ཞིག་པདྨ་ཆེན་པོའི་འདབ་མ་ལ་མེ་ཏོག་ཆེན་པོ་དང་ལྡན་པ་པདྨ་ཆེན་པོའི་ལོ་མས་
D724.093.0287b05.01ཉེ་བར་མཛེས་པ། བལྟ་ན་སྡུག་པ། རིན་པོ་ཆེ་བཻ་ཌཱུརྱའི་རང་བཞིན་ལས་བྱུང་བའི་སྡོང་བུ་དང་། རིན་པོ་ཆེ་མ་ད་ཀ་ལས་གྲུབ་པའི་པདྨའི་གེ་སར་དང་། ཤེལ་ལས་བྱས་པའི་སྡོང་པོ་ལེགས་པར་ཁ་ཕྱེ་བ་དང་དེའི་རྗེས་སུ་སྐྱེས་པའི་ཤེལ་དང་པདྨ་རཱ་གའི་མེ་ཏོག་རྣམས་ཀྱིས་མཛེས་པའོ། །
D724.093.0287b06.01དེའི་སྟེང་དུ་སེང་གེའི་ཁྲི་རིན་པོ་ཆེ་དུ་མས་ཉེ་བར་མཛེས་པ་རས་བཅོས་བུ་ཟུང་གིས་བཀབ་པའོ། །དེའི་སྟེང་དུ་བཞུགས་པའི་སངས་རྒྱས་བཅོམ་ལྡན་འདས་བསམ་པར་བྱ་སྟེ། ཆོས་སྟོན་པར་མཛད་ཅིང་བཞུགས་པ་གསེར་གྱི་མདོག་ཏུ་སྣང་བ་ཀུན་ནས་འོད་འབར་བའི་ཕྲེང་བས་ཁྱབ་
D724.093.0287b07.01