完整藏文原文 · 德格版页 当前仅加载第 93 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
གཡས་ཕྱོགས་ཀྱི་གཞོགས་སུ་པདྨའི་འོག་ཏུ་ཁྲོ་བོའི་རྒྱལ་པོ་སྒྲོལ་མས་ནོན་པ་བྲི་སྟེ། རྣམ་པར་འགྱུར་བ་ཆེན་པོའི་གཟུགས་ཅན་ཀུན་ནས་འབར་བའི་ཕྲེང་བས་འཁྲུགས་པ། བཀའ་སོ་སོར་བཞེས་བཞིན་པ། བྱང་ཆུབ་སེམས་དཔའ་ཆེན་པོར་
D724.093.0242a01.01གྱུར་པ་ལ་བལྟ་བ་ཀུན་ནས་བྲིའོ། །གཡོན་གྱི་གཞོགས་སུ་པདྨའི་འོག་ཏུ་གནས་གཙང་མའི་རིས་ཀྱི་ལྷའི་གཟུགས་ཅན་བྱང་ཆུབ་སེམས་དཔའ་ལྔ་བྲི་བར་བྱ་སྟེ། འདི་ལྟ་སྟེ། ཤིན་ཏུ་དྲི་མ་མེད་པ་དང་། ཤིན་ཏུ་དུལ་བ་དང་། དག་པ་དང་། མུན་པ་སེལ་བྱེད་
D724.093.0242a02.01དང་། ཀུན་དུ་སྣང་བ་ཞེས་པ། དེ་རྣམས་ཐམས་ཅད་ཀྱང་གནས་གཙང་མའི་གནས་ན་འདུག་པ། རིན་པོ་ཆེ་འབར་བ་དུ་མའི་རྡོའི་མཐིལ་དང་འདྲ་བ། ཀུན་ནས་འབར་བ་རྣམ་པར་བཀྲ་བའི་མེ་ཏོག་རྣམས་ཀྱིས་གཅལ་དུ་བཀྲམ་པ། གཟུགས་མཛེས་པ་ཀུན་དུ་
D724.093.0242a03.01བྲིའོ། །ཕྱི་རོལ་གྱི་ཁོར་ཡུག་ཏུ་གྲུ་བཞིར་རྟ་བབས་བཞི་དང་ལྡན་པ་རྣམས་པར་བཀྲ་བའི་ཚོན་སྣ་ལྔས་གསལ་བ། ཤིན་ཏུ་དྲང་བའི་མི་དམའ་བས་ནང་གི་དཀྱིལ་འཁོར་བྱའོ། །ཤར་གྱི་ཕྱོགས་སུ་བཅོམ་ལྡན་འདས་ཤཱཀྱ་ཐུབ་པའི་སྟེང་དུ་རི་མོའི་དབུས་སུ་མེ་ཏོག་གི་རྒྱལ་པོའི་
D724.093.0242a04.01དབང་པོ་པདྨའི་གདན་ལ་ཉེ་བར་བཞུགས་པ་དེ་བཞིན་གཤེགས་པའི་གཟུགས་ཤིན་ཏུ་ཆུང་ཙམ་དུ་བྱ་སྟེ། ཀུན་ནས་འབར་བའི་ཕྲེང་བས་འཁྲུགས་པ། ཕྱག་མཆོག་སྦྱིན་པས་རབ་ཏུ་སྦྱིན་པ། སྐུའི་གཙུག་ཏོར་ལ་བཞུགས་པའོ། །དེའི་གཡས་སུ་གཙུག་ཏོར་
D724.093.0242a05.01འཁོར་ལོས་སྒྱུར་བའི་ཕྱག་རྒྱ་བྲི་བར་བྱའོ། །གཡོན་དུ་གཟི་བརྗིད་ཕུང་པོའི་ཕྱག་རྒྱ་བྲི་བར་བྱའོ། །དེ་བཞིན་གཤེགས་པའི་སྤྱན་མའི་སྟེང་དུ་ཤེས་རབ་ཀྱི་ཕ་རོལ་ཏུ་ཕྱིན་མ་བྲི་བར་བྱའོ། །བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་སྟེང་དུ་ཤེས་རབ་
D724.093.0242a06.01ཀྱི་ཕ་རོལ་ཏུ་ཕྱིན་མའི་གཡས་སུ་བཅོམ་ལྡན་འདས་འོད་དཔག་ཏུ་མེད་པ་དེ་བཞིན་གཤེགས་པའི་སྐུར་བྱ་སྟེ། ཕྱག་མཆོག་སྦྱིན་པས་རབ་ཏུ་སྦྱིན་པ་པདྨའི་གདན་ལ་ཉེ་བར་བཞུགས་པ། ཀུན་ནས་འབར་བའི་ཕྲེང་བས་འཁྲུགས་པའོ། །དེའི་ཡང་གཡས་སུ་
D724.093.0242a07.01