完整藏文原文 · 德格版页 当前仅加载第 93 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
ནང་དུ་ནུབ་པ། ནོར་བུ་རིན་པོ་ཆེ་དང་གོས་ཀྱིས་ཉེ་བར་མཛེས་པ་བྲི་བར་བྱའོ། །མཚོ་ཆེན་པོ་དེའི་ཁོར་ཡུག་གི་འོག་ཏུ་རས་རིས་ཀྱི་མཐའི་གྲྭ་གཡས་ཀྱི་གཞོགས་སུ་སྒྲུབ་པ་པོ། འཕགས་པ་སྤྱན་རས་གཟིགས་དབང་ཕྱུག་གི་ཞབས་ཀྱི་དཀྱིལ་འཁོར་ལ་ངེས་པར་རྟོག་
D724.093.0265b01.01བཞིན་པ་ལག་ན་སྤོས་ཕོར་ཐོགས་པ་ལུས་དང་པུས་མོའི་ལྷ་ང་འདུད་པ། ཆ་བྱད་དང་ཁ་དོག་ཇི་ལྟ་བ་བཞིན་དུ་མངོན་པར་བྲིའོ། །འཕགས་པ་སྤྱན་རས་གཟིགས་དབང་ཕྱུག་གི་སྟེང་དུ། རས་ཀྱི་མཐའ་གཉིས་སུ་ལྷའི་བུ་ཕྲེང་བ་འཛིན་པ་གཉིས་མེ་ཏོག་གི་ཕྲེང་བ་བཟུང་
D724.093.0265b02.01ནས་ནམ་མཁའ་ལ་ལྡིང་བ། མེ་ཏོག་གི་ཚོགས་ཆེན་པོ་འཐོར་བར་བྱེད་བཞིན་པ། ཤིན་ཏུ་མཛེས་པ་དག་མངོན་པར་བྲིའོ། །རས་རིས་དེའི་ཁོར་ཡུག་ཏུ་ནཱ་ག་གེ་སར་ལ་སོགས་པའི་མེ་ཏོག་རབ་ཏུ་བཀྲམ་པ་བྲི་བར་བྱ་སྟེ། ཇི་ལྟར་འདོད་པའི་གཟུགས་གསུམ་
D724.093.0265b03.01ལྷག་པར་གནས་པའམ། མངོན་པར་བྲིའོ། །འཕགས་པ་སྤྱན་རས་གཟིགས་དབང་ཕྱུག་ཆོས་སྟོན་པར་མཛད་བཞིན་པ་དང་། འཕགས་པ་ཀུན་དུ་བཟང་པོ་དང་། འཕགས་པ་ཕྱག་ན་རྡོ་རྗེ་ཕྱག་ན་རྔ་ཡབ་ཐོགས་པ་འདྲིར་གཞུག་པར་བྱའོ། །སྒྲུབ་པ་པོ་ཇི་ལྟར་
D724.093.0265b04.01འདོད་པའི་གཟུགས་གསུམ་པོ་རྣམས་གདོན་མི་ཟ་བར་འདྲིར་གཞུག་པར་བྱ་སྟེ་ཇི་ལྟར་འདོད་པའི་རྣམ་པ་དང་། དབྱིབས་ཇི་ལྟར་གནས་པ་བཞིན་དུའམ། སྒྲུབ་པ་པོ་ཇི་ལྟ་ཇི་ལྟར་འདོད་པ་དེ་ལྟ་དེ་ལྟར་བྲི་བར་བྱའོ། །དབུས་སུ་བྱང་ཆུབ་སེམས་དཔའ་སེམས་དཔའ་ཆེན་པོ།
D724.093.0265b05.01མཐའ་གཉིས་སུའང་། ཕྱག་ན་རྡོ་རྗེ་དང་། ཀུན་དུ་བཟང་པོ་ཇི་ལྟར་འདོད་པ་བཞིན་དུ་གདོན་མི་ཟ་བར་འདྲིར་གཞུག་པར་བྱའོ། །ཇི་ལྟར་རྙེད་པའི་རས་ཀྱི་དུམ་བུ་མཐོ་གང་ངམ། ཁྲུ་གང་ཙམ་ལ་བདག་ཉིད་དམ། གཞན་གྱིས་སམ། རི་མོ་མཁན་གསོ་སྦྱོང་མེད་
D724.093.0265b06.01པའམ། དད་པ་ཅན་ནམ། གཙང་མའམ། མི་གཙང་བའམ། ཚུལ་ཁྲིམས་དང་ལྡན་པའམ། ཚུལ་ཁྲིམས་འཆལ་པའང་རུང་སྟེ། རི་མོ་མཁན་གྱིས་འདྲིར་གཞུག་པར་བྱའོ། །སྒྲུབ་པ་པོ་བདག་ཉིད་ནི། གདོན་མི་ཟ་བར་སྔོན་སྤྱད་པ་བྱས་པ། དད་པས་བྱང་
D724.093.0265b07.01