完整藏文原文 · 德格版页 当前仅加载第 93 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །ནུབ་བྱང་གི་ཕྱོགས་སུ་དཀྱིལ་འཁོར་ཟླུམ་པོའི་རྣམ་པ་བྱས་ནས་ཞགས་པ་ཀུན་ནས་འབར་བའོ། །ལྷོ་ནུབ་ཀྱི་ཕྱོགས་སུ་དཀྱིལ་འཁོར་རིང་པོའི་རྣམ་པ་བྱས་ནས་དབྱུག་པ་ཀུན་ནས་འབར་བའོ། །ལྷོ་ཤར་གྱི་ཕྱོགས་སུ་དཀྱིལ་འཁོར་གྲུ་གསུམ་པའི་རྣམ་པ་ཅན་
D724.093.0245b01.01བྱས་ནས་དགྲ་སྟ་ཀུན་ནས་འབར་བའོ། །བྱང་ཤར་གྱི་ཕྱོགས་སུ་རལ་གྲི་ཀུན་ནས་འབར་བ་གཞག་པར་བྱའོ། །ཐམས་ཅད་ནས་མངོན་པར་བྲིས་ནས་སྟེང་དང་འོག་དང་ཐད་ཀར་ཕྱག་རྒྱ་གསུམ་ཕྱིའི་དཀྱིལ་འཁོར་གྱི་སྒོ་དང་ཉེ་བར་ཕྱེ་མ་ཉིད་ཀྱིས་བྲི་བར་བྱ་བ་ལ་འདི་ལྟ་སྟེ། གོས་
D724.093.0245b02.01དང་། བསིལ་ཡབ་དང་། ལྷམ་ཀུན་ནས་འབར་བ་དེ་རྣམས་མངོན་པར་བྲི་བར་བྱའོ། །ཞེས་སོ། །བྱང་ཆུབ་སེམས་དཔའ་བློ་ལྡན་པས། །སེམས་ཅན་ཕན་དོན་འདོད་པ་ཡི། །དཀྱིལ་འཁོར་ཆོ་ག་འདི་རྣམས་ཀྱིས། །མདོར་བསྡུས་འདིར་ནི་བསྟན་པ་ཡིན། །དེ་ནས་
D724.093.0245b03.01དཀྱིལ་འཁོར་གྱི་སློབ་དཔོན་གྱིས་དང་པོ་ཉིད་དུ་སློབ་མ་གཟུང་བར་བྱ་སྟེ། དབང་པོ་མ་ཚང་བ་མེད་པ་དང་ཡན་ལག་ཐམས་ཅད་མཛེས་པའི་བྲམ་ཟེ་དང་། རྒྱལ་རིགས་དང་། རྗེ་རིགས་དང་། དམངས་རིགས་བྱང་ཆུབ་ཏུ་སེམས་བསྐྱེད་པ་ཐེག་པ་ཆེན་པོའི་ཐེག་པ་པ། ཐེག་པ་གཞན་
D724.093.0245b04.01མི་འདོད་པའི་ངང་ཚུལ་ཅན་གྱི་སེམས་དཔའ་ཆེན་པོ་དད་ཅིང་དགེ་བའི་ཆོས་ཅན་དང་། རྒྱལ་སྲིད་ཆེན་པོ་མངོན་པར་འདོད་པ་དང་། ལོངས་སྤྱོད་ཆུང་བ་ལ་སྨོད་པ་དང་། ལོངས་སྤྱོད་ཆེན་པོ་མངོན་པར་འདོད་པ་དང་ལྡན་པ་དང་། བཟང་ཞིང་དུལ་ལ་ཚུལ་ཁྲིམས་དང་ལྡན་པའི་དགེ་སློང་
D724.093.0245b05.01དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་སྡོམ་པ་ལ་གནས་པ། གསོ་སྦྱོང་ལ་ཉེ་བར་གནས་ཤིང་སྡོམ་པ་ལ་གནས་པའི་བྱང་ཆུབ་སེམས་དཔའ་ཆེན་པོ་ལ་ཞེ་མི་སྡང་བ་དང་། ཕྱོགས་ཆེན་པོ་དང་། རིགས་དང་ལྡན་པ་དང་། རང་བཞིན་གྱིས་ཆོས་སྤྱོད་
D724.093.0245b06.01པ། ཉིན་དང་མཚན་དུ་སྨྱུང་བར་གནས་པ་གོས་གཙང་མ་བགོས་པ། སྐྲ་དྲི་ཞིམ་པ་དང་། ཁྲུས་གསུམ་བྱས་པ། མི་སྨྲ་བར་གྱུར་པ། དེའི་ཉིན་མོ་ག་བུར་དང་། གུར་གུམ་དང་། མ་ལ་ཡའི་ཙནྡན་དྲི་ཞིམ་པོས་དྲི་ཞིམ་པར་བྱས་པ། རྟག་ཏུ་ཉེ་རེག་བྱས་པ་དང་ལྡན་པ།
D724.093.0245b07.01