完整藏文原文 · 德格版页 当前仅加载第 93 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
ཏོག་ཙནྡན་དཀར་པོ་དང་བསྲེས་པའམ་གུར་གུམ་དང་བསྲེས་པས་སྔ་མ་དེ་བཞིན་ཁོ་ནར་མེ་སྦར་ནས་སྟོང་ཕྲག་བརྒྱད་སྦྱིན་སྲེག་བྱའོ། །སྦྱིན་སྲེག་གི་མཐར་རས་རིས་འགུལ་ན་བློན་པོ་ཉིད་དོ། །རས་རིས་ལ་འོད་ཀྱི་སྣང་བ་བྱུང་ན་འོད་ལས་རྒྱལ་སྲིད་དོ། །རས་རིས་ཀུན་ནས་
D724.093.0285b01.01འབར་བའི་ཕྲེང་བས་འཁྲུགས་ན་རྒྱལ་པོ་ཆེན་པོ་བཞིའི་རིགས་ཀྱི་རྒྱལ་སྲིད་དོ། །རས་རིས་ལ་མེ་བྱུང་ན་སུམ་ཅུ་རྩ་གསུམ་གྱི་དབང་ཕྱུག་ཉིད་དེ་བརྒྱ་བྱིན་ཉིད་དོ། །རས་རིས་ཆོས་སྟོན་པར་བྱེད་པ་བྱུང་ན་བྱང་ཆུབ་སེམས་དཔའ་གསུམ་གྱི་དབང་ཕྱུག་ཉིད་དོ། །རས་རིས་
D724.093.0285b02.01ཀྱི་ཕྱག་སྤྱི་བོར་རེག་ན་མངོན་པར་ཤེས་པ་ལྔ་དང་། ས་བདུན་རྗེས་སུ་ཐོབ་པ་དང་། སྟོབས་བཅུ་ངེས་པ་ཉིད་རིམ་གྱིས་ཐོབ་པར་བྱེད་པ་ཉིད་དོ། །དེ་ནས་སྒྲུབ་པ་པོས་བཅོམ་ལྡན་འདས་འོད་སྲུང་གིས་གསུངས་པའི་སྔགས་བསྒྲུབས་ཏེ་བཀྲེས་པ་དང་སྐོམ་པ་ཕྱིར་གཞིལ་
D724.093.0285b03.01བའི་དོན་རྗེས་སུ་ཐོབ་པ་དེ་ཉིད་ཀྱིས་དང་། ཆོ་ག་དེ་ཉིད་ཀྱིས་ཡོ་བྱད་ཀྱི་རིག་པའི་སྤྱོད་པའི་དོན་སྒྲུབ་པའི་ཐབས་ཀྱི་ཆོ་གའི་ཆོས་ལ་ཡང་དག་པར་ནན་ཏན་བྱའི་གཞན་དུ་གྲུབ་པར་མི་འགྱུར་རོ། །དེ་ལྟར་རིམ་གྱིས་སྔགས་ཀྱི་སྤྱོད་པ་ལ་རྗེས་སུ་འཇུག་ཅིང་མདོར་ན་ནན་
D724.093.0285b04.01ཏན་ངེས་པར་སྒྲུབ་པར་བྱེད་དེ། རྫས་དང་སྨན་དང་ཡོ་བྱད་ཀྱི་ཁྱད་པར་དང་། ནོར་བུ་རིན་པོ་ཆེ་རྣམས་ཇི་ལྟར་སྔར་ངེས་པར་བསྟན་པ་བཞིན་དུ་སྒྲུབ་པར་བྱེད་དོ། །སྔགས་ཤེས་སྔགས་ནི་ཟློས་པ་པོའང་། །ཆོ་ག་བཤད་པ་ལ་སེམས་པ། །སྔགས་པ་དེ་ཚེ་
D724.093.0285b05.01དེ་ཕྱོགས་སུ། །གཙང་མའི་འགྲོ་བས་ཟས་ཀྱང་ནི། །ཟོས་ནས་ཡིད་ནི་དགའ་བ་དང་། །དབང་པོ་ཡོངས་སུ་རྫོགས་པ་དང་། །ལྷུང་བཟེད་ལྷག་མ་རྟག་བླངས་ཏེ། །སེམས་བཟང་ཆུ་བོ་གཙང་མར་འགྲོ། །མཐའ་གཅིག་ཏུ་ནི་བོར་ནས་ནི། །བརྟུལ་
D724.093.0285b06.01ཞུགས་ཅན་གྱིས་དུད་འགྲོ་སྦྱིན། །དུད་འགྲོ་རྣམས་ལ་མཐུན་བྱིན་ནས། །འབད་པས་ལྷུང་བཟེད་བཀྲུ་བར་བྱེད། །ལྷག་མ་ལྷུང་བཟེད་བྱ་བ་ནི། །སྒུམ་མེད་ཟས་དང་དྲི་བྲལ་གང་། །ལྷུང་བཟེད་ལྷག་མར་ཐུབ་པས་གསུངས། །གང་དུ་སློང་བའི་སྣོད་དུ་ནི། །
D724.093.0285b07.01