完整藏文原文 · 德格版页 当前仅加载第 93 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་ཏུ་སེམས་བསྐྱེད་པ་གདོན་མི་ཟ་བར་འགྱུར་བས་ཏེ། དེ་ལྟར་ན་སྔགས་འགྲུབ་པར་འགྱུར་གྱི་གཞན་དུ་སྡིག་པ་བྱེད་པས་ནམ་ཡང་མ་ཡིན་ནོ། །དེ་ལྟར་དད་པར་གྱུར་པ་ཡིས། །སྔགས་ཀྱི་ལྷ་རྣམས་བསྒྲུབ་བྱ་ཞིང་། །དད་པ་དེ་ཡིས་གསང་སྔགས་རྒྱལ། །
D724.093.0266a01.01འགྲུབ་འགྱུར་འདིར་ནི་གཞན་དུ་མིན། །གང་ཕྱིར་དད་པ་ཐེག་པའི་མཆོག །གང་གིས་འདྲེན་པ་འགྲོ་བར་བྱེད། །དད་པ་མེད་པའི་མི་རྣམས་ལ། །དཀར་པོའི་ཆོས་རྣམས་མི་སྐྱེ་སྟེ། །ས་བོན་མེ་ཡིས་ཚིག་པ་ལས། །མྱུ་གུ་སྔོན་པོ་ཇི་བཞིན་ནོ། །དད་དང་ལྡན་པའི་མི་རྣམས་ལ། །
D724.093.0266a02.01སངས་རྒྱས་ལས་རྣམས་འགྲུབ་པར་འགྱུར། །ལྟ་རྣམས་ཀུན་དང་ཁྱད་པར་དུ། །གསང་སྔགས་རྣམས་ནི་ཐམས་ཅད་ནི། །དད་པ་མེད་ན་མི་འགྲུབ་བོ། །འཇིག་རྟེན་པ་ཡི་ལྷ་རྣམས་དང་། །གང་ཡང་འཇིག་རྟེན་འདས་དེ་བཞིན། །དད་དང་ལྡན་པར་བརྗོད་པ་དང་། །རྙོག་པ་བྲལ་
D724.093.0266a03.01བས་འགྲུབ་པར་འགྱུར། །ཡིད་ནི་བྱང་ཆུབ་དེར་སོན་པས། །དེ་རྣམས་བྱང་ཆུབ་ངེས་པར་འགྲུབ། །གཞན་གྱིས་འགྲུབ་པར་མ་གསུངས་ཏེ། །བསྟན་པ་འདི་ལས་ཟློག་པ་ཡིན། །རས་རིས་ཆུང་དང་ཆེན་པོ་དང་། །བར་མ་ཡོངས་སུ་བསྒྲགས་པ་ཡིན། །ལས་རྣམས་ཐམས་ཅད་སྒྲུབ་
D724.093.0266a04.01བྱེད་པ། །དེ་ནི་རབ་ཏུ་བཤད་པར་བྱ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་ལས་བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་ཆོ་ག་ལས་རས་རིས་ཀྱི་ཆོ་ག་རབ་འབྱམ་ལྔ་པ་རྫོགས་སོ།། །།དེ་ནས་ཡང་བཅོམ་ལྡན་འདས་ཤཱཀྱ་
D724.093.0266a05.01ཐུབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། སེམས་ཅན་ཆེན་པོ་ཁྱོད་ཀྱིས་སེམས་ཅན་དེ་རྣམས་ཀྱི་དོན་གྱི་ཕྱིར་བསྟན་པ་གང་ཡིན་པ་དེ་རྣམས་རས་རིས་ཀྱི་ཆོ་ག་རབ་འབྱམ་བཤད་པ་འདི་ཐབས་ཉུང་ངུ་ཉིད་ཀྱིས་འགྲུབ་པར་འགྱུར་
D724.093.0266a06.01ཏེ་དེ་རྣམས་ཀྱི་དོན་གྱི་ཕྱིར་སྒྲུབ་པར་བྱེད་པ་ཐབས་ཡོན་ཏན་རྒྱས་པ་རབ་ཏུ་དབྱེ་བས་རྣམ་པར་ཕྱེ་བ་ལས་རྣམ་པར་དབྱེ་བ་དེ་ཡང་དག་པར་མཐུན་པར་བཤད་པར་བྱའི། དེ་ལེགས་པར་ཉོན་ལ། ལེགས་པར་ཡིད་ལ་གྱིས་ཤིག་སེམས་ཅན་ཐམས་ཅད་ཀྱི་དོན་གྱི་ཕྱིར་བཤད་པར་བྱའོ། །དེ་
D724.093.0266a07.01