完整藏文原文 · 德格版页 当前仅加载第 93 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རི་བོ་བྲག་རི་ཆེ། །ལྷོ་ཕྱོགས་ཡུལ་དུ་གནས་པ་ཡི། །དཔལ་ལྡན་འབྲས་ཕུང་མཆོད་རྟེན་ནི། །ས་སྟེངས་རྒྱལ་བའི་རིང་བསྲེལ་འཛིན། །དེར་ནི་སྔགས་རྣམས་བསྒྲུབ་པར་བྱ། །མྱུར་དུ་ལས་དང་ལས་རྣམས་སོ། །རྡོ་རྗེ་གདན་དང་མཆོད་རྟེན་ཆེ། །ཆོས་
D724.093.0290a01.01ཀྱི་འཁོར་ལོ་མཛེས་པ་དང་། །གང་དུ་ཐུབ་གཙོ་ཞི་བར་གཤེགས། །དེར་ཡང་དངོས་གྲུབ་བལྟ་བར་བྱ། །ལྷ་ལས་བབས་པའི་མཆོད་རྟེན་ནི། །ས་པཀྵེ་དང་ཆོ་འཕྲུལ་ཆེ། །སེར་སྐྱ་ཞེས་བྱའི་གྲོང་མཆོག་དང་། །ལུམྦིའི་ཚལ་དུ་འཁྲུངས་པ་དེར། །གསང་སྔགས་
D724.093.0290a02.01རྒྱལ་པོ་འགྲུབ་པར་འགྱུར། །རྒྱལ་བས་བསྟོད་ཅིང་རབ་བསྔགས་པའི། །བྱ་རྒོད་ཕུང་པོའི་རི་དེར་དང་། །དེ་བཞིན་བྲག་དང་བསིལ་བའི་ཚལ། །མེ་ཏོག་ཞེས་བྱའི་གྲོང་མཆོག་དང་། །དེ་བཞིན་རྟག་ཏུ་ཀཱ་ཤའི་གྲོང་། །བཅོམ་བརླག་ཀ་ནྱ་ཀུབ་ཛི་དང་། །ས་སྟེངས་
D724.093.0290a03.01གྲོང་ནི་འཕགས་རྒྱལ་དང་། །མཆོད་རྟེན་དེ་བཞིན་ཡངས་པ་ཅན། །རྟག་ཏུ་ས་སྟེངས་མི་ཐི་ལ། །གྲོང་དང་གྲོང་ཁྱེར་གཙོ་བོ་རྣམས། །གང་གཞན་རྒྱལ་བ་ཡང་དག་འབྱུང་། །རབ་བསྔགས་བསོད་ནམས་ཡུལ་དག་ཏུ། །དེ་རྣམས་སུ་ནི་དངོས་གྲུབ་སྒྲུབ། །འདི་རྣམས་
D724.093.0290a04.01ལས་གཞན་ཡུལ་རྣམས་ནི། །གྲོང་དང་ལྗོངས་དང་རི་བོ་དང་། །གནས་དང་གྲོང་མཆོག་གཙོ་བོ་ནི། །འོ་མའམ་འབབ་ཆུ་ལ་བརྟེན་པ། །དེར་ནི་རྣམ་དབེན་རྗེས་འཇུག་ཅིང་། །བཟླས་དང་སྦྱིན་སྲེག་དགའ་བར་འགྱུར། །གནས་ནི་བླ་གབ་མེད་པ་དང་། །རྟག་ཏུ་ཁང་པ་
D724.093.0290a05.01སྟོང་པ་རུ། །སྔོན་དུ་བསྙེན་པ་བྱ་བའོ། །སྔགས་རྣམས་རྗེས་མཐུན་ལས་རྣམས་ནི། །སྔགས་པས་རྟག་ཏུ་ཡུལ་དབུས་སུ། །སྔགས་བཟླས་ཡང་དག་འདོད་པར་བྱ། །བཟླས་ལ་རབ་ཞུགས་རྟག་ཏུ་བརྩོན། །སྔགས་རིག་གཏོང་བ་དག་ལ་གོམས། །ཚུལ་ཁྲིམས་
D724.093.0290a06.01སྤྱོད་ཅིང་ཤིན་ཏུ་བརྟན། །འབྱུང་པོ་ཀུན་ལ་ཕན་པར་དགའ། །སྔགས་ཀྱི་སྤྱོད་པ་ལ་དད་པ། །བརྟུལ་ཞུགས་ཅན་གྱིས་སྔར་བཞིན་བཟླས། །གཙང་མའི་ཡུལ་དང་གཙང་སྦྲ་ཅན། །ཀླ་ཀློ་རྐུན་མ་སྤངས་པ་དང་། །དེར་ནི་བསྐལ་པ་ཆེན་པོར་གནས། །དམ་ཚིག་སྣང་བ་
D724.093.0290a07.01