完整藏文原文 · 德格版页 当前仅加载第 93 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་འཁྲི་ཤིང་ལ། །དེ་ནས་དེ་ནི་ས་འོག་འགྲོ། །དེ་རུ་རབ་ཏུ་ཞུགས་ནས་ལྷའི། །བདེ་ཉིད་ཟློས་པོས་དེར་འགྱུར་རོ། །ལྷ་མིན་བུ་མོས་ཡང་དག་ལྡན། །དེ་ནི་བསྐལ་པར་གནས་པར་བྱེད། །བགྲང་ཕྲེང་འབྲས་བུ་ཀུན་བླངས་ནས། །དེ་ནས་ཟློས་པོས་བཟླས་པ་
D724.093.0293a01.01བྱ། །ལྷན་ཅིག་སྲུང་བ་བྱས་ནས་ནི། །དེ་ནས་ཇི་ལྟར་བདེ་བར་འགྲོ། །དེ་ཉིད་རིང་པོའི་གནས་སུ་ནི། །གཙང་མའི་ཕྱོགས་དེར་སྔགས་པ་ནི། །དེ་བཞིན་རྟག་ཏུ་འདུག་པར་བྱ། །བགྲང་ཕྲེང་སྐྱེས་པ་སྦྱར་བར་བྱ། །བརྩོན་པས་བགྲང་ཕྲེང་འབྲས་བུ་བླང་། །དེ་ནས་ཀུན་ཏུ་ཡང་
D724.093.0293a02.01དག་སྦྱང་། །དེར་ནི་ཕྲེང་བ་དབུགས་པར་གྲགས། །གསུམ་བདུན་བརྒྱད་དང་གཅིག་དང་ནི། །ལན་གྲངས་ཉི་ཤུ་རྩ་གཅིག་ཏུ། །སྔགས་ཤེས་དེར་ནི་སྦྱང་བར་བྱ། །རྟག་ཏུ་སྔ་མའི་སྔགས་ཀྱིས་ནི། །བརྒྱད་དམ་བདུན་དུ་བཟླས་བྱས་པ། །དེ་ནས་དེ་ནི་དག་པར་འདོད། །
D724.093.0293a03.01པདྨའི་རྩ་ལག་ལེགས་བརྗོད་པས། །བུ་མོས་བཀལ་བའི་སྲད་བུ་ཡི། །སུམ་འགྱུར་ལྔ་དང་ལྡན་པ་ཡི། །བརྟུལ་ཞུགས་ཅན་གྱིས་ཕྲེང་ཐག་བྱ། །སྔགས་ཀྱི་དེ་ཉིད་ཤེས་པས་བརྒྱུ། །འབྲས་བུ་ཕྲ་མོ་ཟླུམ་པོར་བཅས། །རྟག་ཏུ་སྲོགས་ཆགས་བུ་ག་མེད། །ཡན་ལག་
D724.093.0293a04.01མ་ཉམས་མ་སྨད་པ། །མཛེས་ཤིང་ཁ་དོག་སྡུག་པ་དང་། །བུ་ག་མེད་ཅིང་གས་པ་མེད། །རིལ་བུ་ཟླུམ་པོ་ཇི་བཞིན་པ། །དེ་བཞིན་རུ་དྲཱཀྵ་དང་ནི། །བོ་དེ་ཙེ་དང་ཨིནྟྲ་ཀྵ། །འབྲས་ཉིད་རྟག་ཏུ་ལུང་ཐང་མཛེས། །འབྲས་བུ་དམ་པའམ་གང་གི་ཚེ། །སྔགས་པ་མཆོག་
D724.093.0293a05.01ཏུ་བརྩོན་པ་ཡིས། །འབད་པས་བགྲང་ཕྲེང་བརྒྱུ་བར་བྱ། །གསེར་རམ་ཡང་ན་དངུལ་དག་གམ། །ནོར་བུ་ཤེལ་ལས་བྱུང་བ་དང་། །མུ་ཏིག་དུང་ཉིད་མུ་ས་ར། །བྱི་རུ་ཡིས་ཀྱང་བྱ་བ་སྟེ། །ཕྲེང་བ་རྣམ་པ་སྣ་ཚོགས་བྱ། །གཞན་ཡང་རིན་ཆེན་ལས་བྱུང་བའི། །བགྲང་ཕྲེང་བཟང་
D724.093.0293a06.01པོ་བྱ་བ་དང་། །ས་ལས་བྱུང་བའི་ལྡུམ་པོ་ཡི། །རིལ་བུས་བགྲང་ཕྲེང་ཅན་དག་ནི། །མཉམ་པར་བཞག་སྟེ་སྲད་བུ་བརྒྱུ། །གཞན་ཡང་རིལ་བུ་འགའ་ཞིག་གམ། །འབྲས་བུའམ་ཁམས་ལས་བྱུང་བ་ཡིས། །ཀུ་ཤའི་རྩེ་མོས་བརྒྱུས་པ་ཡང་། །ཟློས་པོས་འབད་དེ་བྱ་བ་
D724.093.0293a07.01