完整藏文原文 · 德格版页 当前仅加载第 93 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
མ་འདྲེས་པའི། །ཚོན་རྩི་ཁ་དོག་གསལ་བ་དང་། །ཁ་དོག་ཅན་གྱི་ཚོན་བླངས་ནས། །ཇི་ལྟར་ཐ་ག་པ་ལ་ནི། །སྔར་གྱི་ཆོ་ག་དེ་ཉིད་ཀྱིས། །མཚན་ཉིད་ཡང་དག་ལྡན་པ་ཡིས། །རི་མོ་མཁན་ལ་གོང་བཞིན་དུ། །རྒྱས་པ་རུ་ནི་བྱ་བའོ། །ཇི་ལྟར་སྔར་བཞིན་ཐ་ག་
D724.093.0255b01.01པའི། །ཆོ་ག་དེ་ཉིད་ཀྱིས་ནི་དེ། །རས་ལ་རི་མོ་བྲི་བར་བྱ། །ཡང་ན་རང་གིས་རི་མོ་བྲི། །ག་པུར་གུར་གུམ་ཙནྡན་ལས། །སོ་ཕག་ཚོན་ལ་བསྒོ་བར་བྱ། །བདུག་པ་བསྲེགས་ཤིང་སྔགས་ཉིད་ཀྱིས། །ལན་གྲངས་བརྒྱ་རྩ་བརྒྱད་བཟླས་ནས། །ནཱ་ག་གེ་སར་པུནྣཱ་ག། །བ་ཀུ་ལཱ་
D724.093.0255b02.01དང་ཙམ་པ་ཀཱ། །བཱ་རི་ཥི་ཀ་དྷཱ་ན་སྐུ། །མཱ་ལི་ཏ་ཡི་མེ་ཏོག་སོགས། །རས་དེ་ལ་ནི་མངོན་པར་གཏོར། །ཤར་དུ་མངོན་ཕྱོགས་ཀུ་ཤ་ཡི། །ཁྲེས་ལ་ཉེར་འདུག་དད་པའི་བློས། །སངས་རྒྱས་བྱང་ཆུབ་སེམས་དཔའ་ཀུན། །སེམས་དཔར་གྱུར་པས་འདི་ཕྲ་མོ། །ལག་པས་
D724.093.0255b03.01བླངས་ནས་མ་འཁྲུགས་པའི། །སེམས་ཀྱིས་རས་ལ་རི་མོ་བྲི། །དང་པོ་རེ་ཞིག །དེ་བཞིན་གཤེགས་པ་ཤཱཀྱ་ཐུབ་པ་བྲི་བར་བྱ་སྟེ་རྣམ་པ་ཐམས་ཅད་ཀྱི་མཆོག་དང་ལྡན་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་མཚན་པ། དཔེ་བྱད་བཟང་པོ་བརྒྱད་ཅུས་ཉེ་བར་མཛེས་
D724.093.0255b04.01པའི་སྐུ་རིན་པོ་ཆེའི་པདྨ་ལ་བཞུགས་པ་ཀུན་ནས་འོད་འབར་བ། ཀུན་ནས་འོད་འདོམ་གང་གིས་ཉེ་བར་མཛེས་པའི་སྐུ། ཆོས་སྟོན་པར་མཛད་བཞིན་པ། རབ་ཏུ་དང་བའི་སྐུ། རྣམ་པ་ཐམས་ཅད་ཀྱི་མཆོག་དང་ལྡན་པ། དབུས་ན་གནས་པའི་པདྨ་བཻ་ཌཱུརྱའི་སྡོང་པོ་ཅན།
D724.093.0255b05.01འོག་ན་ཀླུའི་རྒྱལ་པོ་སྲ་བ་གདན་ཆེན་པོ་པདྨའི་སྡོང་བུ་དེ་ལ་འཛིན་བཞིན་པས་དེ་བཞིན་གཤེགས་པ་ལ་ལྟ་ཞིང་ལག་པ་གཡས་པས་ཕྱག་འཚལ་བ། དཀར་པོ་རྒྱན་ཐམས་ཅད་ཀྱིས་རྣམ་པར་བརྒྱན་པ། ལུས་ཕྱེད་མིའི་རྣམ་པ་ཅན་གྱི་དགའ་བོ་དང་། ཉེ་དགའ་བོ་བྲི་བར་བྱའོ། །
D724.093.0255b06.01པདྨའི་མཚོ་དེའི་ཁོར་ཡུག་ཏུ་པདྨའི་འདབ་མ་དང་། མེ་ཏོག་དང་། ཅུང་ཟད་ཁ་བྱེ་བ་དང་རྣམ་པར་ཁ་བྱེ་བ་དང་། ཆུ་ལས་སྐྱེས་པའི་བྱ་དང་། ཉ་ལ་སོགས་པས་མངོན་པར་ཁྱབ་པ། མ་ལུས་པར་བཀོད་པ། མཛེས་པའི་རྣམ་པར་མངོན་པར་བྲི་བར་བྱའོ། །
D724.093.0255b07.01